¹ Alufo Ijesu da khian na bhẹkẹ otuẹ okia nobọ ọkpa bdiebhiea da ha ri bhe nin. ² Ebholo eso dah baba 'le sọ dẹ himin ọnokpia bh'ẹduzana ne mien da ruhi munọlẹn. ³ Ijesu da on'ọkpia nọn kpanọ mudia bh'ẹsesẹ ẹbhole, ⁴ Ọ da nọn ele so diale nan rẹ lu emin esili bh'eduzana la na relu ọbe? la na re himin ọria la na re gbugbele?Ele da huẹnan. ⁵ Ọ da rẹkẹ ukhọmen rẹ ghele rebhe nega ọda maman ba'le suguẹ izebhudu non sele ọ da onokpia,"Niẹn obọ a" Ọ nien ọnobọa oda dia nonsẹn. ⁶ Eni Farisi da dagbare ha guanodẹ ẹgie dọ ha ni Hẹroddian ko ikolo ebele da rẹ gb'ijesu. ⁷ Egheni Ijesu bi edibo sóle da ha khin egb'ẹdẹ, ebho Igalili bi Ijudia ⁸ bi Ijerusalem,Idumea rẹ dọ sẹ bh'Ijordani bi agaga Itaya b'.Isidon. Eki dọ hon ogiemin nọn lu ẹbho ne maman bunbunlun da bu'ọle re. ⁹ Ọ da taman edibo nọn sọle ne guan'okẹdẹ nikhere bhotọ nanlen ramude ubunmi si enẹbholo ne hẹ dọ ten egbe degbole. ¹⁰ Ramunde ẹbholo ne bunbunlun n'ole se himi ene khonmon rebhe da ha ten egbe b'eje da r'obọ su'ole. ¹¹ Eghe 'ẹlimin nebhakhia re daghọde rebhe eki de sh'ẹlo ruotọ re so, uwẹ ọmọn nọs' Osenobulua ¹² Ọ da manman gbuhi nele nẹ hẹ j'ada len ọlen. ¹³ Ọ da hẹn oke, Ọ da tie en'ọle guano, e da buọle re. ¹⁴ Ọ da zẹ itun igbeva ( Ọ da hẹ ele eni Apọsto) ne kha n'ọle dia nọ ha jele uhọmun uje, ¹⁵ ne yẹ rẹ kha mọn ahu nan rẹ khu ẹlimin ebe dagbare. ¹⁶ E'nigbeva nọn zẹle :Isaimoni Ọ da ka' tie ọle Ipita. ¹⁷ Ijames no omi Zebedee, bi Ijohn no obhio Ijames, nọnle atiole Boanerges, na rọle taa ọmon avan; ¹⁸ Bi Iandrew, Iphilip, Batholomew, Imatthew, Ithomas, Ijames omi Ialphaeus, Ithaddaeu, Isimon ni Izealot. ¹⁹ Bi Ijudas Iscariot, nọnkien ẹle la khien olen. ²⁰ Eni ọda akhin uwa, enu ulolo da kie sikoko, bheke ebhaye sabo rẹ le ebale. ²¹ Eghe ni iduwa nọn sọle khi re henan, eda dọ do dure, eda tale," Ewanlẹn bha yẹ gba nan" ²² Eni eni scribes ne ni Ijerusalem da tale,"Oi mọn orion Ibeelzebul" "Enan ahu nei men." ²³ Ijesu da tiele ọda kpa itan man ele man ele, "Bi Ojuu rẹ khu ojuu fia yẹ? ²⁴ Eguale non waa egbọlea, oi sabọ re mudia. ²⁵ Uwa ha tobọle wala, ọnu uwa ni saba re mudia. ²⁶ Ojuu ha ne egbole gbegbe nọn wala, ọi saba re mudia ọkhi si ọkpenlen nọn sole. ²⁷ Oria ribhọ nọn sabo nabhi uwa si okpea nọn kakale nọn sabo do emin re sade ọhen hẹn lobha riri gba, re bhi otọ nọn sabo nale bhi uwa. ²⁸ Ọsajie I tamae, emin ebe rebhe nin imin agbon dẹ min ọrẹhuman,vdo rẹsẹ ota ne bhagba na ta. ²⁹ Ọkpa nọ ọria nọ tọta nọ bha bhẹ ke ji Ẹlimin Nọ KHIALE ọi mọn ọrehuman, uhi emin ebe ẹdẹdẹmẹdẹ. ³⁰ Ijesu tọnan ramunde e' tale ghe, Ọle mọn elimin nọ bhakhia. ³¹ Iriọ innẹn ọlen bi ibhiole ni ikpia eda vae mudia bhi elele. Eda jebuọle, ele tiole. ³² Usun ebhole da dotua negale, eda taman lẹn, "Innen bi ibhoẹ nin ikpia eribhi olele, guanoẹ." ³³ Odazọle ele bho,"kekhi innẹn men bi ibhio mẹn ni ikpia?" ³⁴ Oda ghe ene ditua nẹgele tale, "Ghee, ene dotua negamẹn nan, enan hi inne mẹn bi ibhio mẹn nin ikpia! ³⁵ Onọn khirẹ khi nọn lu rekhan ebo Osenubula tale, ọnọria nin ọle khin ọbhio mẹn ni ikpia, bi ibhio mẹn ni ikhuo bi innẹn men."