¹ Ẹdẹ uzana ki gbera, Imeli madalin, meli ni inin Ijesisibi Isalomẹ damun ebhi re ne re shin eku egbe si Ijesu. ẹbhi re ne reshi eku egbe si Ijesu. ² Ọsewewẹ ọkpaẹdẹ ni ihenhen bhi uzan, eleda khin egbidin nada ria Ijesu tọ bhovuẹnbhenlen re. ³ Eda tama egbele khọ da ne wẹnẹ udo si bhi unu onidin re? ⁴ E ki khuẹlo okhun, e da daghe a wene ọnudo si bhọnidin re, onudo oi mama kpọnọ. ⁵ Ela da na bhọni idin dọ kere usẹn ọbhokhan nọ yukpọn fua dotua bhebera, ofẹn da muele. ⁶ Ọ da yele 'Bha he nẹ ofen. Bhaguni Ijesu ni Inazarini na khan bhoran. Okpanọ bhindin ọ iyẹ ribhena. Ghe eja da rẹ rọtọ. ⁷ Bha ha khian, tama eni edibo bi Ipita, Ọ kalo nele Ọ khin Igalili. Enin bha da minọnlenvbe jọle rẹ tama bha. ⁸ Ele da runẹ dagba re bi uguọmi ohan ẹlolo. E bha nọria soso talo ramude ofen. ⁹ Ọsewewẹ ẹdẹ nọ hẹnhẹn bhuzana, ọ ki kpanọ bhidin re, Ọ dakaregbeman Imeli madalin, okhuo no da bhegbọle khu ẹlimin ihilọn ne bhakhia kua. ¹⁰ Ọdado tama ene ka nọ dia bheje da ha viẹ ha kiẹ oya. ¹¹ Eda hon wẹ ọ ribhagbọn ghe ọleminọlen, ele bharẹ bhọ. ¹² Aki lu fo Ọ da dọ fiegbe wẹrẹ reman itun eva bhẹwẹ ele ne khin igule. ¹³ E da dọ taman edibo nekẹle, e bha ' ¹⁴ Ijesu ọki zebue Ọ da dọ regbe man ugbolọ bhe eje da shikoko, Ọ da vabhiẹn ele ne bha da daha mọn urẹbho bi izeze bhudu, ramude ele bha rẹ bhọtaene minọlen ghe olekpanọ bhi idin re. ¹⁵ Ọ da taman ele, bhana bhotọ agbọn rebhe ha ruhomujiesi Osenobulua ha wewe khian. ¹⁶ Ọnọn rebhọ nọ min amẹn ọki ni, ọnọ bha rẹbhọ ọki khianagberanlen. ¹⁷ Ọnama naki rẹkhan ene rẹbhọ; bhe elinlin mẹ eki hakhu elimin nebhakhia dagbare Eki ha zẹbholo Ọgbọn. ¹⁸ E ki robọ mu ẹnyẹn, e da mu ebe gboria wọn oi da kuanele. E ki robọ nyan ọnọ khomọn egbe ki dan ele. ¹⁹ Ebeamen ki nime talọ fo, a da munọlẹn ha khin eguaọse ọ da dotua bhobera si Osenobulua. ²⁰ Eni edibo da ha ri ọnuhumujie wewe khian bhije rebhe, Ebealen daha nele wena da ha mu ọta sele sẹ bi iyama.