¹ Ijesu da kian nabhi synagogue, enin oda miẹn okpea no obọ nọn sọle bhiea. ² Eni eso da gheọle sọ de regbedanlẹn ranmunde edi sabbath non nele rẹ bezele. ³ Ijesu da taman onokpea no obo sọlẹ bhiebhiea, "Kpano mudia bhe enen adesẹ ọrebhe." ⁴ Ijọni vae, ha gb'ebho ruẹ bhẹdẹ bh'ẹgbo bi uhunmuje igberuẹ si ufidenọ si urẹ human ọsi emin ebe. ⁵ Otọ ijuda rhebhe bi ẹbho rebhe ne ribhi ijerusalẹm no dokere bu ole re. Ona gberebhe ruẹ bh'ẹdẹ ijọrdan, enan kozi emin ebe. ⁶ Ijoni no ruẹn ukpọn ahian iketekete so bi ugbakun ohian, aririso bi amen ẹlon ẹwẹ. ⁷ Enin Ijesu, bi edibo nọn sole , da ha khien odighi bi ulogho ne rekhanlẹn bhi Galilee reqkhin Judea. ⁸ Ijerusalem, Idumea bi otio Jordan rẹnega Tyre bi Sidon. Eghe ne re họn emin nọn lu, ekutu ebholo da tuẹn nẹgale." ⁹ Oda taman eno odino nọn sole ne guano obhi okede khere nanlẹn ranmude usi ebholo, bonada mien ebha pienpiẹn ọmu. ¹⁰ Ranmude ọi regbedan ene bunbun, ọnọirekhin ne egbe bhadan ehia gua nọ ne robo suọle. ¹¹ Eghe ni orion neimen akhi rẹ da ghole, ei dehianre so dagbare, tale, "Uwe họ ọmon okpea nọn su Osenobula." ¹² Ẹghe nin on' Ẹlimin da sua 'le ha khin ẹkhẹ ẹgbo. ¹³ O'da ha ri bh'ẹkẹ ẹgbo ikpẹdẹ egbọlọ eva nin ẹlimin ebe re ha rẹdọnmhẹn nan len. Ọle bi elamẹn ẹwẹ bh'enin, ehi ne khiale da do gale. ¹⁴ Aki lu fo, ada mun Ijoni, Ijesu da na bh'I galili ha tẹmọn Ọsẹnobulua. ¹⁵ Ọ dale ẹghele, egua Osẹnubulua sire.Bha fi ọkhọle wẹnẹ, bha rẹ bh'ẹmọn Osẹnobulua. ¹⁶ Ijesu ki khian bhi egbẹdẹ Igalili, O da daghe Isaimọni bi Anduru n'o bhio Isaimọni mun oga fiọ bhẹkẹdẹ ramunde ọgbehẹnlẹn olẹ khin. ¹⁷ Ijesu da tana ele, vae bha rẹkhan mẹn ni rebha kin ọgbehenlen eria. ¹⁸ Ẹjẹ ẹje e'da z'ogan obọ rekhan len. ¹⁹ Ijesu ki khian rodalo khere, O da gbo min Ijemisi ọmọn si Izẹbẹdi bi Ijoni n'obhio ole, e'ri bh'okẹdẹ ha hẹnhẹn ogan. ²⁰ O da datie ele, e da z'abele obọ bh'eke ọn'okọ bi ibhokhanlẹn, e da rẹkhanlen. ²¹ Eda na bhi Ikepanomu,bhẹdẹ uzana Ijesu da bh'ẹkẹ otuọ ha lue'le eminlin. ²² Ọda han ele ẹlolo emin nọn ha luẹ ele le,ramunde O' man ele eminlin b'ọnọn mọn ahu eyi bi ene gb'enbe re man eminlin. ²³ Ẹghe ni oria n'ọkhole bha khia da re so bh'ẹkẹ otuẹ, ²⁴ yọle, B' iman mọn ni man ne ẹ lu, Ijesu si Inazareti? Uwẹ i vae nu do dumu manlẹn an? Mẹn len Ọ nu khln Uwẹ Ọnọn khiale omin Osẹnobulua? ²⁵ Ijesu da vanhiẹn ọn'alimin nọn bha khia yo le, Gue unu, nu dagba re bhẹkẹ o'n oria. ²⁶ Ọ'nalimin nọn bha da khia da mun ole gbe bh'oto re so dagbare. ²⁷ Ele rebhe da yunuan kha nọn egbele, bi ọnan khin? Iluemini ọsọgbon biahu Elimin ne bhakhia ka ọle ehọ. ²⁸ Owewe s'Ole da rẹga ije rebhe bh'otọ Igalili. ²⁹ E'ki nẹkẹ oue dagbare, e da na bh'uwa si Isaimoni bi Anduru, deba Ijemisi bi aijoni. ³⁰ Bh'obọ inin okhuo Isaimọni da ha khọmọ ọgua, ele da tama Ijesu. ³¹ O da vae re ọn'okhuo ukpobọ, oda re ọle mundia ọn'ogua da zọbọ ọ da muke ha gele. ³² Ọsemuan ki re e da muni ene khọmọn kike bi ene ẹlimin ẹbe luanlẹn. ³³ Enẹbho rebhe da sikoko bh'odẹ. ³⁴ Ọ da himin rebhe ne khọmọn agba emianamẹn kikẹ bi eni alimin ebe mun gba O da fanerebhe ku, O bha ka ji en'elimin da talọre ramunde ele lẹn olẹn. ³⁵ Ọ da riọre ọsewewẹ ọkẹ nẹdẹ rẹ we, O da bhin akhokho do ne rọnmọn bh'enin. ³⁶ Isaimoni bi ebho ne ribhi ejọye da ha guanole. ³⁷ Ele ki miọn ọlen, eda tama lẹn ọnọ de ọde guanọle. ³⁸ O'da wele bha jiman khin ijọbhebhe, bh'ebholo ne sike enan nin yi gbo tẹmọn Osẹnobulua man ele. Onin zele mẹn da vae bhe nan. ³⁹ Ọ notọ Igalili rebhe temọn Osenobulua bi ifanẹbholo nelimin ebe mugba. ⁴⁰ Ọkhọnmọn egbekẹn da bu'oole re. O da ha bhi ole, o da diguẹ ta man'len, O ha yẹẹ u dẹ sabọ kpe men khia. ⁴¹ Ejẹjẹle bi itohan si Ijesu O da niẹn obọ rẹ su'ọle, tama lẹn, O yẹ mẹn. Khiakhia. ⁴² Bhobọ bhobọ ọn'egbẹn da z'ọnọria obọ,ọda khia. ⁴³ Ijesu da maman gb'uhi nan len O da le nọn rẹ gbodẹ. ⁴⁴ Ọ da tama len, kha khian khẹ taman oria soso, dọ regbe man ohẹn Osẹnobulua nun zoko nan rẹ khọ egbe ni Imozisi yọle nan ha zẹ, osi ọsẹli jele. ⁴⁵ Ọ d dokere ha tanọle khian bhi ijerebhe be jọrẹ ha rọnọta nijerebhe, nan do rẹ miẹn Ijesu ye sabọ dagba re bh'ẹwẹ ẹbholo hoho, Ọ ki da de bh'ẹ khokho. Biriọ sẹyẹ ẹbho da ha na bhijerebhe ve buọle re.