¹ ọsewewẹ bhẹdẹ nọn ọhẹnhẹn bhilzana, ele da vae bhọni idin, bi ebhili oziya dre lu munya. ² Ele da kese a wẹnẹ uni udo sibhi unun ọni idun se. ³ Ele ki na bhọni idin, ele bha yẹ ki ekuegbe nọn si Ijesu n'Ebealẹn se. ⁴ Ele ki lolo else sunu osukpa, ikpia eva nin ukpọn sele dia bilkpa da nele mudia. ⁵ ofẹn nọn ha mun eni ikhuo ele denelolo ghiotọ, ele da taman eni ikhuo, "bi ibha da guan' ene sibhi agbọn bhẹwẹ ene yulu? ⁶ ọle yẹ sibhenan, ọ hẹnlẹn se: Yese bejọ tale eghe non ka sẹ sibhi igalili; ⁷ Yọle a dẹ mun ọmọn s' okpia nin ene'lie eminlin ọlse, e'ki gbọlea, ukpẹdẹ nọn ọzea oki hẹnlẹn se. ⁸ Eni ikhuo da ye ọta s'ọle se. ⁹ ele da fike se dọ taman enin ugbolọ bi enekẹle. ¹⁰ Bhinia imeli madaline, ijoanna, imeli inin ijemisi bi ikhuo nekele da se nin inyẹnlẹn man eni Apọsto. ¹¹ Sokpan eni ọta nan sebhe da kinan b'ọta nọn bha gba bhi eji eni Aposto ye, ele bha sẹ bhọta si sni ikhuo. ¹² Bhisiọ sẹ yẹ ipita da s'unẹ diọ bhi ọnin idin, oki fẹ ẹkẹ ọle ghe, ọle da daghe ọnin ukpọn ilili tobọle. Ipita da diọ bh'uwa sọle, ọda lolo ebe ki sunu. ¹³ Bh'aghe, ele eva ẹdẹnin te da ha khin igule ọkpa nan tiọle ẹmmayusi, nọn bha manman sele gbe bhi ijesusalemu. ¹⁴ Ele da ko ha zilolo ebe sunu ¹⁵ Eje da ko ha zilolo khian, Ijesu tobọle da deba ele ha khian. ¹⁶ Elolo da bhi ele n'ele hẹ sabọ lẹnọnlẹn. ¹⁷ Ijesu da y'ele, "Batie ọnan bhi ilolo nin ibha eva ko zẹ khian?" Ele da si ọkọle asiala mudia bh'enin. ¹⁸ Otun ọkpa bhẹwẹ ele nan tu'ole ikiliopasi, da damien ọnlẹn, Uwẹ ọkpa ọsia bhi ijesusalemu nọn bha sẹ lẹn eminlin nọn sunu bh'enin ikpẹdẹ nan? ¹⁹ Ijesu da nọn ele "eminlin ebela?" Ele da danmiẹn ọnlẹn, "Emin si Ijesu min Inazarẹni, nọn sẹ hạ yi ohẹnlẹn, nọn lu ok'peminlin isisa osẹnobulua bi ẹbholo sebhe, ²⁰ ebi oji en'ebo bi ene sẹbho khian sẹ munọnlẹn nan da bhu ohiẹn gbọle ọkuẹsẹ a da khanlẹn mun esan. ²¹ Iman sẹ ha lolo ghe ọle da min izneli fan. Ehe, deba ọni, ukpẹdẹ nọn'zea ki sa nian nin eneminlin nan sebhe sẹ sunu. ²² Bhisiọ yẹ, ikhuo eso bh'ewe manlen da sẹ hanman ẹlolo, nele sẹ yoeji onidin ye. ọsi ewewẹ. ²³ Beji ele bha ki min ekuọle, ele da yọle ele min osẹman ọsi ehi nọn taman ole ọsibhi agbọn. ²⁴ ikpia eso bh'usun manlẹn da ye ha khinọni idin e'da igene kese beji enin ikhuo tale nọn. ²⁵ Ijesu da taman ele, "Euu, Ikpia n'uuki nọnkhọle sele i kẹ mọn usẹbhọ ebi en'ohẹnlẹn ka ta. ²⁶ Eni ohẹnlẹn ele ka tale ghe ọnin imezayade loya bi eminlin kẹkẹ ọkuẹsẹ ole na bh'ejele osisi ọsọle? ²⁷ Ijesu da tẹmọnlẹn ni imozisi bi ohẹnlẹn sebhe ka gbẹn bhotọ ẹmọnlẹn nọn's'ọle. ²⁸ Bh'ẹghe nin ele ki dẹ bhi Emmayusi se ihe ji ele khian, Ijesu da ha gbesa, ²⁹ Ele da bhi ọle nọn nele dia bh'ọnin asọn nin sanmunde ibili ki so min, ọ'da sẹkhan ele diọ bh'uwa ³⁰ Ele ki ha le ebale, ọle da se ibuledi khese ọ'da nẹ ezọnmọn ji osẹnobulua, oda hian bhọ sẹ nele. ³¹ Osukpa, elolo sele da tanlan an, ele da dọ lẹnọnlẹn bhobọ bhobọ ọ da hosiẹ. ³² Ele da la taman egbe, "ọkhọle sẹ manlẹn ha bẹbẹ bhi ọda bhej'ele vade bh'odẹ nọn se ha seman ele eba gbẹn bhi ojebe?" ³³ Bh'ọni eyhe nin ele da fike Ijesusalemu, bh'eji enin ugbolọ bi ene kele ne sekhan ijesu da si koko. ³⁴ Tale, ebealẹn gene hẹnlẹn se, segbe man Isiamọni. ³⁵ Ele da ha tẹbẹ sunun bhodẹ,beji ele sẹ dọ lẹn Ijesu ye bheji ele da ha lebale. ³⁶ Bheji ele da ha tọnọta, Ijesu da mundia bhẹwẹ yele "egbe fu bhase" ³⁷ Ofẹn da mun ele bọnan yọle ele min ẹlinmin. ³⁸ Ijesu da yele be zele bha guọ? Begele bha da si ọkhọle nọn ota? ³⁹ Bha ghe obọ bi esanmẹn mẹn, ghe imẹn tobọ mẹn nọn. Robọ so men ghele. Ẹlinmin ọi mọn egbe bi iguẹ beni bha sẹ ghe mẹn nan. ⁴⁰ Ọki tale siọ, ọle da zọbọ biesanmen man ele. ⁴¹ Ele bha yẹ sẹbho sabnubde eghọghọn, ọda nyele unuan. Ijesu da yele, "Bha mọn ebale?" ⁴² Ele da sehẹnlẹn nan nyẹnlẹn non lẹn, ⁴³ Ọda sisaele lọle. ⁴⁵ Ọ'da tuje ele ọkhọlea nele sẹ lẹn ojebe. ⁴⁶ Ọ'da taman ele, Isiọ asẹ gbọnlẹn ghe ọni Iksisiti dẹ loya, ọki nabhi uyu fikiese ukpẹdẹ nọn zea. ⁴⁷ Uhọnmuahje si ofidenọ bi osẹhuman bhi elinlin onlẹn ki se wewe n'otọ agbon sebhe sẹ ni Ijesusaelemu mukele. ⁴⁸ Esẹle eneminlin bha khin. ⁴⁹ Ghe, Imẹn dẹ ji ive si Aba mẹn bu 'bha se obunọ bha dia bhagba ẹbholoa, okuẹsẹ a si ukpọn ahu n'okhunlun dọ suẹn bha. ⁵⁰ Ẹghenin, Ijesu da rele khian sike ibẹtani. ọle da hẹ abọ eveva okhunlun nesọmọn nele. ⁵¹ Beji ọda nesọnọn nele, ọ'da zele obọ ada mun ọnlẹn ha khin ẹyua okhunlun. ⁵² Ele da gẹn ọnlẹn si okpi eghọnghọn kiese bhi Ijesusẹlẹmu. ⁵³ Ele da debhi uwaoga ha khuẹnmẹn Osẹnobulua.