1 Benojairio, bọnọ ki onighan ne ebianlen, bhibha ni bha khian bhu uwedẹ nọgba bhu ututies na tie bha. 2 Imen bhi bha ni bha nien unienbhi idegbere bi obhen hi iziegbe, rehubbhon ọboẹ bhan bhon egbe. 3 Iue ebu uwẹ asabọ lu nokugbe nọsẹ elibhin Nokhian ada aribho bhẹkẹ ofure. 4 Egbe ọkpa ribho bi elibhi ọkpa, bena yene tiebhan bhi ikhualoghe ọkpa. 5 Ebianlen ọkpa ribhọ, uriọbhọ ọkpa, imiamen ọkpa. 6 Bi Osẹnobula ọkpa nabọ ọrebhe, nọ nian ọrebhe, nọ ribhi ibha rebhe. 7 Rẹjin bhen kikẹ arẹ eseọhẹ bhan beno orẹna nọsen bhan dia bhi kiristi. 8 Bena gbẹlen bhojebe, ẹghe norẹ a kihiokhun oda re. Imu sibhẹ ẹkẹ imure ro orẹna nene. ẹbho. 9 Bebhọ arọletu ẹghe norẹ kpano akhiokhun., sokpan ọle ka huenre vale bhu ukotọ ọna agbona. 10 ọnọ huenre ọle yiẹ kpanọ gbera agbokhun rebhe, benọ ọle ada kion onoki bhon obọ bhe ebhi rebhe. 11 Ijesu da ri urẹna kikẹ nele eso enajele, eso esaghasẹ, eso evẹvẹbhon, eso ipasotọ, eso emaebhi. 12 ọle rei ele bhọni Ihena, nerẹ mui ẹbhonekhiale neso osenobula egbe, bhọ Aẹ esuon nomunele nere bin egbe nosi Ijesu kristi okhun. 13 ọle sẹyẹ bune ọnegbe okhun rẹsẹ ẹghe nima rebhee a rẹkugbe bhu uriọbhọ bi ẹwanlen nọsọ ọmon nọso nobula, bi ima kikie ene wobhẹlo mie ebhirebhe bhi kristi. 14 Kristi mubhan egbe wanre beni ima yẹda da dia bi ibhokhan ne fiyo fire be efi, rẹkhan uwede nedughe ẹbho rẹluebhi ẹbho eku bhebele bhanbhan nerẹ muen ẹbholu. 15 ọkpanon akia tẹbhon ata bhan ahuẹbhonegbe, ọkhẹke nima rẹ wanre bhu uwede rebhe dia bọ ole nokien ọkalo ni Ijesu. 16 Kristi bunegbe rebhe, ọda kuolẹgbe muonlen kokore rebhi rebhe nọ asabo nulen muonlen bhon, ẹghe nele kike a kirẹ waner kugbe, oni ronegbe wanre benadamien ọkikie eba bunlen bha ahue-bhon-egbe. 17 Benọjairiọ, Imen tae imen somudia bhi Ijesu, ghe ibha yẹda a khian luebhi beni ene bha len osenobula rẹlu, bheke ọkhọ nobhen nọsele. 18 ọghe ẹwan ghe ẹwanlen ẹkẹ ebiuki eye, ele kion oriobhe bhu uwienbhi nọso Osẹnobula rabh udi abha lensẹ nọsele, rabhudi udibhọkhọ nọsele. 19 Ekikie enẹ ẹkhọilo neki muegbe ria ọkhọ nọsele a benele ada a lue bhirebhe nobhen bi ẹlobhọ. 20 Okpanon ọyọni ama uwẹ ele rẹda Ijesu. 21 Imen ayọle ibha kahe bhon len, ghe aka mabha ebhin bhọle. ẹkẹ Ijesu ọnẹ ẹbhan ta ye. 22 Atama len nibha reobọ sibhi uwedẹ nibha karẹ alue bhire bhu unienbhi ni bha kaanien, nebha muon oneghe orieifia, enegbe orie ria ramudi ebhi nebhagba nọ alu. 23 atamalen nebha jin laenibha re riaeria bhokhọ no kion ọsọgbon. 24 Nibha muon ọnakpa ọsọgbon yiọ ma malen bhu urekhokho egbe noso Osẹnobula bheke ebediale bi ikhiale. 25 Benojairiọ, reobo sibhọ ọhoghe re, ibha rebhe atẹbhon ata ma egbe, ramude ọkpa ma khin. 26 Eke akhọẹ elue ebhiebe, ẹjẹ ẹkẹ khọẹ nebilo. 27 hErotọfubhen ne ẹlinbhebe. 28 Onọ ka daebhire ọle ẹyẹ dore, okpanon orobolu miesan buọne bhi nobhen ni, benole ada mien rẹ lunegbọle bino le rẹ luẹse ne enebhon. 29 Eru unu nọse atotu nọbhen ọtoigbe, bha a tote esi no a rẹwan nọ ọnohonlen, bena ada mien ebho nu uwe tale kirẹ eni nọ ọnokerẹ hon. 30 Erẹkẹ khọ Elibhi Nọkhiole nọso osẹnobula, ramude ole arẹ gue ẹ rese ẹghe no a rẹdo nebhan. 31 Reobọ sibhe enebhi nare eriaọbe, ikhuan eghe, ẹkẹkhọ, ikpesioria, be ebhi rebhe nebhen. 32 alue ebhi esi da ọboẹ, okhu esi, rehuan oboẹ, beno osẹnobula re rehubha ma ramudi Ijesu kiristi