¹ Ipọ, edibo osi kirisiti Jesu bhi ẹkẹ iho nọ si Osenobulua, rẹji imon nosi osenobulua nọ khiale ne ribhi Ẹfisọs, ne muẹn ekhọ soi ẹkeata bhi kisiti Jesu. ² Eseohẹ bi ọfure nọ dabhi obo osẹnobulua na Aba, bi Ijesu Kiristi nọ gharibha bhọ. ³ Ekhuenmen nọ ji Osẹnobulua na Aba osi Ijesu kiristi, nọ ri ahianba bho, ọsi ẹkẹ oriọn rebhe bi osi eguaokhun rebhe, bhi ẹkẹ kiristi. ⁴ Osenobulua zẹ man bhe ẹkẹ Kiristi danbhe eghe nare gbẹ elo-ọtọ osi onagbona, ni man mien eji man dayi ene khiale be ene mon okan bhe egbe bhi eluọle bhi ẹkẹ aguẹmọn egbe ⁵ Bhi ẹkẹ ahuemon egbe nobulua, mamanlen bhoto man no rẹ rẹman khin ọmọn bhe ẹkẹ Ijesu kristi, be jio rẹ yọle zẹbi iho no ọsọle. ⁶ Alọ rẹ rẹ man khin imọn nọ da bhi uromin osi ugenmin ẹsọhẹ nọn ale rẹman bhi ẹkẹ ahuoemon egbe. ⁷ Bhe ẹkẹ Ijesu kristi man mọn imienfan bhi aran nasole bi urẹhuman osi alukhọ nosẹ man zẹbi ufe mi esọhẹ nọsele. ⁸ Ọle da rẹ onẹ esọhe na khin ọnọ bunbun ji bhan bhi ewọn rebhe bi ilẹnmin. ⁹ Osẹnobulua re'ole manman alo osi iho nọn osole, bejio oyiole, beji orẹ rẹọman bhi kristi. ¹⁰ Bhe ejioda moen bhi ọkhọ rẹji emanman osi ufomi eghe, nọ rẹ si emirebhe kugbe, nọ ribhi egua okhun bi otọ, bhi odotọ uhumu okpa, kiristi tobọle ¹¹ Bhi ẹkẹ Kiristi ọle da ri isitan (lot) zẹman nọle manamn dabhi otọ rẹre zẹbi emanman nọsole nọ ole winanlen zebi iho nasale. ¹² Osenobulua man zebi enea lukhu bhe jia da mien, man ne ka mọẹn ikhualo ghe bhi kristi, kia yi uromin osi ugenmin nosole. ¹³ Bhi ẹkẹ Kiristi, ibha tobọ bha, bhe eghe nibha ki rẹ họn ẹmọn osi ẹmoanta uhumun ujie nọsi ẹni nosẹbha, bha da rẹbhi kristi, ada re orion no khiale guole. ¹⁴ Na rẹ ji man len wẹ enean lukhu man khin ọkhuẹsẹ imienfan ọsi ebe semanbọ, rẹji uromi osi oriri na ọsọle. ¹⁵ Ranmunde ona, ni men rẹ họn ẹmọn beji bha rẹ rẹbhi Ebianlenbhan, Ijesu bi ahuẹmọn egbe ni bha mon da ebheolo ne khiale osi osẹnobulua. ¹⁶ Imen bha moen eghe ni men rẹ dobo yi, wẹ men bha riẹ ẹkhuenmen no osẹnobulua ni bha, beji men rẹ ru-unu sobha bhẹ ẹkẹ erọnmon ¹⁷ Imen nẹ erọnmon, ni osenobuluaosi Ebialenbhan, Ijesu kristi, Aba no gbo oriri, orie, ebha orion osi ẹwanlen bi urẹman osi irẹnmin na osole. ¹⁸ Imẹn ne erọnmọn nin elo udu nasẹbha nọ miẹn efua, ni bha mien eji bha da len ikhualoghe notie bha yi bi efe oriri nọn ribhi alebhu-ukhu, bhi esẹsẹ imọn ne khiale oso osẹnobulua. ¹⁹ Bhi eronmon nasi men, men nọnlen ni bha len ukpọnọmin ahu nọn osole nai rẹ khọkọ emin obhehe, non mon da man ne rẹbhọ, beji ahu nọsọle rẹ wina. ²⁰ ọna bho li ona ahu ni osẹnobulua no wina bhi kristi bhe eghe nọ rẹ riọle kpalọ bhi u'u re bi ọdia riole dotua bhi obera nosọle bhi egua okhun rebhe. ²¹ Osi kristi dotua bhi ejie le nọ khua gho okhun gbera ene remin khian rebhe bi ene ribhi ahu, bi ahu bi ene miọto bi enin rebhe na ahe. kristi di remin khian, ọiyi bhi oni ore na okpa, okpanọ rẹ ya sẹ bhi orẹ nẹọ vade ²² Osenobulua, ghọ mun emin rebhe bhi odotọ eranbhen na osọle ọda rọle ni uhea nọ osi osenobulua nọ da yi ọnọ gbẹlo ghe emin rebhe. ²³ Uwa ni oso osẹnobulu, ole li egbe na osole, uvuọnmin no ọsọle nọ ribhi emin rebhe bhẹ ẹkẹ erebhe.