¹ Ghi ukan ahoẹmọegbe nin aba rẹ nin imanlẹn, ghe nan ha tie man imọn nọn ọsi osẹnobulua, ọnan imanlẹn gene khin. Ramunde ọnan,. agbọn bha lẹn manlẹn, ramunde e bha lẹn ọlẹn. ² Enihoẹmọnlẹn, imọn nọn ọsi Osẹnobulua iman ki khin, Abha sẹ yẹ zọle egbe dagbare ọ bi imanlẹn ha dọ kiẹn.iman hi lẹnmin ghe kiristi ha vae. imanlẹn dẹ dia bi ọle, ranunde imanlẹn de min ọlẹn bi eji ọdia. ³ ọnọnrẹhakhin non mọn ọni Ighodalo ni bhi ọle ki kpi egbe olẹ khia bi eji ọle rẹ khia. ⁴ ọnọn rẹ ha khin nọn la eminebe ra uhi, ramunde eminebe yẹ abha rẹklhan uhi. ⁵ Uwẹ hi lẹnmin ghe ai zi kiristi egbe dagbare bi eja ha re olujhọlọ fia, bi bhi ẹkeọle emunebe hi ribhọ. ⁶ ọria hi ribhọ nọn ribhi ọle nọn ha yẹ ha la eminebe ọnọnrehakhin nọn ribhi ẹkẹ eminebe bha min olẹn, obha yẹ lẹn ọlẹn. ⁷ Imọn, ibha hẹ ji ọria rẹ ibha sibhi uwedẹ re, ọnọn rẹhakhin nọn lu eminlin nọnabale, oria nọn gbale ọkhin bi eji kiristi re kin ọria nọn gbale. ⁸ ọnọn lu eminebe, ibolo ojuu ọ yẹ, ramunde rẹ no otọ vade ojuu da ha lu eminebe vade ọnan zẹle nan da zi ọmọn nọn ọsi osenobulua egbe dagbare bi eji ọ a da ria iwẹnan nọn ọsi ojuu a. ⁹ ọnọnhirẹhakhin nan biẹ bhi oosẹnobulua hi yẹ sabọ gua bhi ẹkẹ eminebe, ramunde ikpẹ ne esi osẹnobulua nọle ọi da sabo yẹ ha lu eminebe ramunde akiki biọle bhi ẹkẹ osẹnobulua. ¹⁰ ọnan a rẹ lẹn imọn nesi osenobulua la imọn nesi ojuu ọnọn hi rẹ ha khin nọn hi lu eminlin non gbale hi yi ọsi osẹnobulua. Iriọ yẹ nọn dọ rẹ si uki egbe ene bha hoẹmonlẹn ibhioo ele. ¹¹ Onan hi ọni uhonmujie ni ibha họnlẹn re ni otọ ha vade ni imanlẹn ha hoemonegbe. ¹² Ibha hẹ ji iman dia bi ikeni (cain) nọn ni nọn ni obọ nọn ọsi ọnọimẹn vae, nọn gbi obhioo ọle ugbele. Bezẹle non da gbọlea? Ramunde iwenan elinmin ẹbe ọle ha wẹna. obhioo ọle da ha weni iwena nọn ghale ¹³ Hẹl jiọ han uwẹ ilolo ibhioo mẹn si aba miẹn agbọn bha hoemọnlẹn nọn ọsẹ. ¹⁴ Iman hi lẹnmin ghe iman ki ni uu naa bhi uyẹnlẹnmin ramude iman hi hoẹmonlẹn ibhioo. ọnọ rẹhakhin nọn hi mọn ahoemonegbe, ẹkẹ uu ọ ye. ¹⁵ ọnọn hi rẹ hakin nọn bha hoẹmọnlẹn obhioo ọle, ọgbugbẹle ọ khin Ibha hi nmin ghe ogbugbele nọn rehakhin hi mọn iyẹnlẹn ẹdẹdẹmẹndẹ bhi ẹke egbe nọn ọsọle. ¹⁶ ọnan iman erẹ lẹn ahoẹmonegbe ramunde kiristi hi ri iyẹnlẹn nọn ọsọle sotọ ramude imanlẹn. ọi yẹ khẹke ni imanlẹn ha re ri iyẹnlen manlẹn sọto ramunde ibhioo manlẹn. ¹⁷ Okpakinọn, ọnọhirẹhakhin nọn ha mon eminlin bhi ọni agbọn nan, nọn daghe obhioo ọle bhi ẹke aguanọ, obha da mọn ọkhọle itohan ghe ọle. bi ahoẹmọnegbe nọn ọsi osẹnobulua ki rẹ ribhi ọle ? ¹⁸ Imọnmẹn, ibha hẹ ji imanlẹn ri ọta la olanmẹn ha hoemon egbe, okpakinọn bhi uwedẹ ni iman ha re lu eminlin bi ẹmọnata. ¹⁹ ọnan imanlẹn ha rẹ lẹn ghe emọnata iman na vae, man hi len bhi ọkhọle nọn osemanlẹn bhi iyalo nọn osole. ²⁰ Aha miẹn ghe ọkhole manlẹn hi bhulu ohiẹn gbi imanlẹn, Osẹnobulua kpaọnọ gbera ọkhọle manlẹn, ọ da yẹ lẹn eminlin rebhe ²¹ A ha mniẹn ghe ọkhọle man bha bhulu ohiẹn gbi imanlẹn, enihoẹmonlen, imanlen ki ha mọn irudu ga osenobulua. ²² Ebi imanlen hi rẹ nọn, ọki rẹ nin imanlẹn ramunde n hi ri obọ rekhan uhi nọn ọsọle, yẹ ha lu ebe yẹlẹ ọle ²³ ọnan ọni uhi nọn ọsọle: ghe ni imanlẹn rẹọbhi elinlin nọn ọsi ọmọn nọn ọsọle, Jesu kiristi, imanlẹn ha yẹ hoẹmonegbe, bi eji ọrẹ re ọni uhi nan ni imanlẹn ²⁴ ọnọn ri obọ rekhan uhi non ọsi osẹnobulua ọki ha ribhi ọle, osẹnobulua ki yẹ ha ribhi ọle ọnan iman rẹ lẹn ghe ọi ribhi imanlẹn ramunde ahuelimin non rẹni manlẹn.