¹ Oni eminlin nọ da bhi omunhẹn rẹ ha vade,-ni imanlẹn, ni iman ri elo manlen daghe, ni iman ghele bi ni umanlen ri obọ so noretẹ ẹmonli iyenlen. ² Gbokie, ada zọ ọni iyele egbere, imanlen daghe ole manlen da si osali ọ bho. Iman tale man ibha iyenlen ededemede nọn ha ni aba na zọle egbere ni imanlẹn. ³ Ebi imanlen daghe ni imanlen hanlen iman tama bha, bi eji bha da yẹ deba man bhi oga akugbe. Akugbe nọ sẹ manlẹn deba aba, bi omọn nọ sọle, Ijesu Kristi nọ. ⁴ Imanlẹn gbi enemilin non ji ibha bi ejadamien eghọnghọn nọn sẹ manlẹn ki gba. ⁵ Ọna hi ọni uhunmuje ni imanlen họnlẹn bhi obọ ọle, ni imanlen yẹ tama ibha: Osẹnobula hi ẹfua, bhi ọle abha miẹn ebiuki hiehie. ⁶ Man ha yọle imanlen mọnli ikokhian deba ọle, iman da yẹ khian bhi ebiuki, iman bha ohogholi, iman bha khian bhi emọnta. ⁷ Aha mie ebezele iman khian bhi efua bee nọn ọle ribhi efua, imanlen ki ha mọnli ikokhian deba ọboman, aranlẹn nosi Ijesu, ni ọmọn nosi, Osenobula ki kpe iman olukhọlọ rebhe kua. ⁸ Iman ha yole, imanlen monli olukhọlọ imanlen ki hahie egbema, emonata ye ni imanlen. ⁹ Okpakino, iman ha ko ozi olukho no se manlen, omudia bhi ebotale bi ikhiale nọ rẹ rẹhunbhan olukhọ ne sẹ bhan bi nọ rẹkkpemankhia bhi abhakhia rebhe. ¹⁰ Man ha yọle iman bha lui olukhọlọ, imanlen tiole ọbhahoghe, ẹmọtẹn nọn ọsọle ribhi imanlẹn.