¹ Ghue miẹ yẹn le zha rẹ-ẹmọsi eya le ri eya kian bi ije si ẹwo kian, le gbo ri ehọ yọ emina eghegha le ghuemiẹ yẹn, le gbo zha bio-bia nẹsẹ. ² GHue miẹ yẹn, le ri ọya so-so miẹ, la rẹ miẹ i rlooo, la rẹ miẹ eya ukpodẹ si yẹ, bi ida-egbe yoto si eya. ³ So-kpa le rẹ mọ uoo-udu bi akhi-ehọ. a fi oza-za yọ egbe ma bi ọviẹ si emina si olagbọna. ma dia ukpodẹ si ọbe bi ubiohan. ⁴ E khumekhẹ si ọghẹna lọ mie ma fan bi ukhumemhẹ si egboma lọ re egbọ miẹ ji. ⁵ Ọ wo bia si ọkhuan li ma ekhen, ea ri ikhumekẹ lọ rẹ mie ma fan.Ọ ri Okhọọ ma khia ẹkhẹ unwiami lọ-ọgbon bi urẹmiẹ si etilokhuan. ⁶ Ọghẹna ri etilokhuan na ma shaan owiọ ijesu kristi. ⁷ Ọ ehon, la rẹ miẹ, eghọghọ ji ọlagbona,ma lọ ka wie abuza si eya le lofen si agbon lọ mọ ireso. ⁸ A miẹ yọ oni ẹmọ goon, ẹ khọọ wa yama yọ eni ẹmọ bi amiehon, yọ eya le ri udu yọ ọghẹna e rẹ wi obia nẹsẹ lọ ọghẹna rẹ li ni e le eya.E le emina na e le khume, bi eerlẹ si eya gbegbe ọọn. ⁹ Rẹ ehọ shọọ unwu si eya me mọ amiehon re, bi ere-era ma,bi urlọọ si ukhi a rẹ gbion. E li emina e-mọ eerlẹ ¹⁰ whukhua, eya le ri urlọọ vbare ose-awrle agazie e yama deludu. ¹¹ Ẹẹn, ọya ni niọ, ọ shọọ ata re, ọya ni niọ ọ wi ọkhọọ, bi ukhuomi si agbọn lọ mọ irẹso. ¹² Ẹghẹ-ghẹ i rẹ ji iartemasi ọ itychicusi ji ẹẹ, ekhen ẹje lu vbare inicopolisi, e bi yọ e lọ dia ẹghẹ-ghẹa ọkhua-khua. ¹³ Ehen-ẹje izenasi, olọ ẹẹn ukhi, bi iapolosi, ukpodẹ li okhami-gbe. ¹⁴ Eya ma diọwọ e zha ehen obia lọ okhume ẹje-jie, la rẹ miẹ e wi eya la yọ e khume. ¹⁵ Eya eghẹ-ghẹ irlnwa,irlnwa eghe-ghẹ le mọ ukhumekẹ si amiehon. Okhumemhẹ degbe nwa.