¹ Ẹkẹ e lukpe ni Ijọni lọ reya samẹ ọvare za vbevbe ẹkẹ ọdagbe si Juda ọgvbere. ² Delunwe ama eje si ukhumeimi ọkẹ kpian re. Ama ọlọya na li ³ azaya o miarlo, , gvbe "urolo sọya ọ etie ẹkẹ ọdagbe, rẹ nwegbe ukpode sọ lẹ mọima ekhien ebọ sha lọ shoshimi. ⁴ Nyẹnẹ Ijọni kvbi uku si ekhu si ikhamẹ bi ema re gbedio ilẹtia yọ ekhu sọi, emarlo sọi vbi lokosti bi ẹrlọ. ⁵ Ijerusalẹm, Ijuda gbegbe, bi ele vbo le rai Jọdani e ọ bu ọ re. ⁶ Ekhien usamẹ, ninyẹ ẹkẹ ẹda si Jọdan, e mẹ ese sinye. ⁷ Abọ re mi isievbarle le bu bi esi evborle lebu e vade jinyọ lọ rinye samẹ o gvbminyẹ, ovbe, iyekha sọbe ọkẹ gvbbemiẹ vba la shọi ẹhiọ lọ vade re. ⁸ Vba zẹ re ukpekọmi si delunwe. ⁹ Ese ye rẹ jegbe vba mamọi, Abrahamu, lọ vbe ra ma, ama i gvbemie Ọghẹna lọ meti zai ẹkẹ eluda na ẹkhiẹn iyekgan ni Abrahamu. ¹⁰ Ake rọ luze yọ eshi ora, ora gbegbe lọ sẹ zi ukpekọmi lọ khume rẹ, era lọ khia fia, alo fiọ ovbẹkẹ erẹn. ¹¹ I ramẹ ekhien usamẹ si delunwe na vba, ama ọya lọ lọ vare, e rọ miọ ototo lẹmẹ, I kha mati rẹ dai ibata sọi, ọlọ ekhien usemẹ si etilọkurlan bi erẹn. ¹² Ọ lọ uvba ya ikpẹkọmi le khume khiọ e ne khume, ọ kpẹ rẹ dia ni ikpẹkọmi le khume. ¹³ Ijesu rẹ za igalili vareli Ijọni rọi samẹ. ¹⁴ Ama Ijọni sẹ nyama, ọgvbere vbẹvbẹ lu lọ nẹmẹ samẹ, ama uke bu mẹ re. ¹⁵ Jesu re nyanyọ ọrẹ gvbemiọ, zọi rẹ vbi nyọ nyẹnẹ lọ rẹ ri ukhai mi gbegbe rẹ gha, Ijọni ke rẹ nyama. ¹⁶ Ebo ke rẹ samẹ le, ukhumemi tinye, ya rẹjọi, ọ rẹ mi eti sọghẹna ọvade otọ re bi ukpafiami ọ re muza egbe sọi. ¹⁷ Urolo ke rẹ zai ukhumeimi jiare ȯgvbere ọna khi unyọmọ sẹmẹ limọi ukhumẹkẹ ni i ghọghọn naị.