¹ Isierayovbo gbi akewe e so za ijerusalem vbare ọ gi ijesu ze, e ghuere, ² E mọ zẹ idibo sẹ e rẹ mọ akhan-ekhọ yọ e mi idioma ekhe? ama e kpeji agbọ si yẹ ya e kha ei ọsuako. ³ Ọ nyia-nyẹ ọ rẹ ghue miẹ yẹ,'' E mọ zẹ nwa rẹ mọ akhan-ekhọ yọ uhi si ọghẹna? ⁴ Ọghẹna ghuere, 'Ri ekpẹ ni erha gbi inyiọ, ọya lọ ghui emina lọbe si erha bi inyiọ lọ wu. ⁵ Ama nwa ghue re, 'ọya lọ ghue miẹ erha gbi inyiọ' 'E mi kha rẹ kpajẹ nwa ogbọ li khe rẹ ni ọghẹna," ⁶ "Ọya ni niọ ọ gha lọ ri ekpẹn ni erha; Inyiẹ-nyẹ nwa rẹ yọ nwọ ẹmọ si ọghẹna. ⁷ Eya li vbia-vbia! Isaia sẹ kpi-ita re ọ rẹ ghue re. ⁸ E ni eya na ukputunu si yẹ e za ri ekpẹn nẹmẹ ama udu si ye re ji mẹ. ⁹ E du mu khuẹme mẹ, gba mọ e le vbia egbi uhi si yẹ vbiẹ eya. ¹⁰ Inyiẹ-nyẹ ọ etie ọgbuan si eya ọ rẹ ghue re, "Nwa khi emi ghue miẹ nwa- ¹¹ Emina lọ o unu si ọmọkhe ọ zọ deunese. Ama e mọ za unu dia re, lọ zọ deunese." ¹² Idibo sọ vbare e rẹ ghue miẹ ijesu, "U ẹẹn yọ isierayovbo za gbiokhian e gbe khi ẹmọ na.?" ¹³ Ijesu nyia-nyẹ ọ rẹ ghue re, "Ikpẹkọmi li erha mẹ sẹ khọn e lọ vbiọ khiọ otọ re. ¹⁴ Zi yẹ ogbọ, e rluarho.Ọya lọ rluarho kha ri ọya lọ rluarho khian e lọ kho gba de." ¹⁵ Ipeta nyia-nyẹ ọ rẹ ghue miẹ ijesu," Ghue miẹ ma ita na." ¹⁶ Ijesu ghue re, "Nwa kpẹ mọ u ẹẹn mi?" ¹⁷ Nwa ẹẹn e mọ ẹkhẹ unu ọ o ẹkhe a kpẹ nọ fia ẹkhẹ ijiku. ¹⁸ E mọ za unu dia re, udu ọ za vbare. Li khi emina lọ zi ọya deunese. ¹⁹ Udu li emina lebe za vbare, agherẹ amẹkhẹn kpẹ egbe, orha, gbi ẹmọ lebe. ²⁰ E na le zi ọmọkhe deunese. La rẹ i ogbọ ei emae ọ zi ọya deunese." ²¹ Ijesu khiọ e wọ re ọ rẹ yi ẹwo si ityre gbi isidon. ²² Ama, ọkposo icana ọ za ni vbare. Ọ khue dia re ọ rẹ ghue re, " Mọ ituegbe nẹ mẹ, ọlọmọema, ovbi idavi! ukọbe kpo-kpi ivbi mẹ." ²³ Ijesu sẹ nyia-nyiọ. Idibo sọ vbare e re duagbọ na, e ghue re, "Khu fia ọ ni ọkposo na gba mọ e lọ kpokpo ma," ²⁴ Ijesu nyia-nyi yẹ ọ rẹ ghue re, " A sẹ je mẹ ghi ọya so-so ze lọ nwi ighue si e le mọ amieghọn izire." ²⁵ Ọ vbare ọ rẹ deghua ighua-ghuẹ sọ, Oghue re, "Ọlọmọema, kpa je mẹ." ²⁶ Ọ nyia-nyẹ ọọn ọ re ghue re, " Ọga kha ri ọsuako si iyekhan ni aghua ee." ²⁷ Ọ ni ọkposo ghue re, "Inyiọ Ọlọmọema, ama aghua ei emae lọ za aghan si ọ ni ọga de fiọ otọ. ²⁸ Ijesu nyia-nyiẹ ọọn ọ rẹ ghue miọ, u mọ amieghọn loghua; zọ khi na e gbu kho ọ." Ovbiọ mọ inifan ẹghẹghẹ ni. ²⁹ Ijesu khio e wọ re ọ rẹ yi ẹda igalili. Ọ rẹ̵ yi ukhumọkọ ọ rẹ dia ni. ³⁰ Eya le gbu vbare ọ ga ze. E khua ga ze eya le khian, e le rluarho, e le ghueta, gbi eya le gbu li egbe dan. Ijesu ni yẹ eghegha fan. ³¹ Eya za mọ eghọghọn le rẹ miẹ e le ma ti khian e khian, e le rluarho e mu je gbi e le ma ti ghueta e ghueta. E khuẹmi ọghẹna si izirẹ. ³² Ijesu etie idibo sọ ọ rẹ ghue miẹ yẹ, " imọ ituegbe ni e ni eya na gba mọ e dia kpẹ mẹ ikpẹ eeya egbo mọ e me lọ ee. I kho li kwi yẹ khua e emae. ³³ Idibo sọ ghue miẹ ọọn, " e gbi ma lọ za mi ọsueko rẹ ni eya na?" ³⁴ Ijesu ghue miẹ yẹ, " Ọsueko e kha ọ ra nwọ?''.E ghue re, "Ikhiọn gbi ẹkhe e so." ³⁵ Ijesu rẹ ghue miẹ e ni eya le dia otọ. ³⁶ Ọ ri ọ ni ọsuekoikhiọn gbi ẹkhe, ọ re gbadura, ọ rẹ khian yọ aje le gbu ọ ni ọsueko ọ re le yẹ ni idibo sọ. Idibo sọ rẹ ri ọ ni ọsueko ni e ni eya. ³⁷ E ni eya ee, e rẹ khọn.E rẹ kho-kho re ogede ikhiọn si ọsueko lọ khọ re. ³⁸ Eya le ọ ni emae za nwi ithousand erle rẹ khi ikposo gbi iyekhan. ³⁹ Inyẹ-nyẹ Ijesu rẹ kwi e ni eya khua ọ rẹ ẹkhẹ okhọ yi ẹwo si imagadan.