¹ Ama, ba mọ kristi ọ miẹshọn ẹkhẹ ewu, wa nwe gbe lw lọ rẹ miẹshọn, ama ọya lọ khe miẹshọn ẹkhẹ ehu khe nifan ọkhọ. ² Ba mọ ni, ọya ni niọ, ẹghẹ-ghẹ sọ ehu, ọ khe dia yọ wọ e mi imokhe kho, ama i mi ọghẹna kho ọkhe dia yọ. ³ Ama, ẹghẹ-ghẹ lọ khe bu khe ra lẹ, la lọ rẹ ekhien emi irluọbo elei miekhọn kho le ekhien- eme ghue eghuran si ẹẹn, ituegbe, enyọ, egḥọghọ bi emina le be si agha ario. ⁴ E mọ yọ udu si ẹẹn o khi emina lọgbọ khe rẹ deghue yẹn ẹkhẹ ọ la mẹ si emina lọbe si yẹn, ama e lọ khe ghui emina lebe jẹ. ⁵ E re lọ ghue agbon si yẹn ji ọya lọ khe nwegbe lọ rẹ ghuẹzo si ele ra agbon bi e le khe wu. ⁶ Ba mọ na, emọ ata a vbie-vbie ji eya le khe wu, ama a khe ghuẹ ẹzọ si yẹn ẹkhẹ ehu si yẹn, e lọ khe mọ agbon rẹ bi si ọghẹna ẹkhẹ eti. ⁷ ikpu-okho si emina gbe-gbe khe shi khẹre, ama mọ udu lọ khume, mọ eghuan ẹkhẹ ẹmọ wa ghue yọ udu wa, ba mọ aduwa. ⁸ Rẹ khiee emina gbe-gbe, mọ ikhumẹkẹ ẹghe-ghẹ gbe-gbe rẹ ji egbe wa, rẹ khian e ni ukhumẹkẹ lọ vbo use si eya lọ bu. ⁹ Wa ri emina lọ khume ji egbe wa, la rẹ miẹ a mi urloo. ¹⁰ E bi wa gbe-gbe khe rẹ mi e me khume, wa rọ ri emina ghi egbe wa. Ekhien ọ na bi igbaliku le khume sọ ọghẹna. ¹¹ Ọya sọ-so lọ ghue eta lọ ekhon ri bi ọya lọ ghuẹ-mọ si ọghẹna, ọya sọ-so kha gha, lọ wi ẹkhẹ eti li ọghẹna khe rẹ re, rẹkhian e le mina na, le za ẹkhẹ ukpodẹ gbe-gbe i lọ rẹ ri ọkha ni ọghẹna rẹ khian ẹkhẹ ijesu kristi, ọkha bi eti khe khi i si ijesu kristi rẹ khian rẹlẹ-rẹlẹ. Amin. ¹² Eya li khumẹkẹ, e sẹ ghuo e ni emina rẹ bi ọgbon rẹkhian idamegho ẹkhẹ erẹn, lọ wi emina lọgbon li khe miẹ. ¹³ Ama, e bu khe miẹshọn li kristi miẹ, eghọghọ, lu rẹ gbo gho-ghọ rẹ khian urẹmiẹ si ọkha sọ. ¹⁴ A kha khuẹẹ khian eni si kristi, ikhiaba lu mie ba mọ eti si ọkha bi eti si ọghẹna khe degbẹ. ¹⁵ Ama ọya sọ-sọ miẹshọn rẹ bi ọlọ-gboagbon, ọ lọ rlha, ọ lọ wi emina lọbe, bi amebọ. ¹⁶ Ama ọya sọ-sọ lọ miẹshọn ba mọ e lọ li ọsẹ: ọya ni niọ mọ ẹkhọ ama lọ ri ọkha ni eni si ọghẹna. ¹⁷ Ama ẹghẹ-ghẹ ọ sẹ la lọ rẹ ghuẹzọ bi ẹkhẹ ighue sọ ọghẹna. Ọ kha za egbe ma gbare, e mọ lọ khi re ji eya lẹ mie yọ ẹmọ si ọghẹna? ¹⁸ Ama, ọmọkhe ọkurla okhiai ọ mie isumẹ, e bi eya le ẹẹn ọghẹna bi eya le duese lọ khe rẹ miẹ?. ¹⁹ Ama e li eya le miẹshọn ba mọ emi ọghẹna kho le ekhien, ọghẹna lọ ri ni oreghe si yẹn agbon nẹse.