¹ Nyẹnẹ rẹ ji eluro lo vbe vi yo, ọikhume ni ọmọkhe re robo svbi ọkposo. ² Ama bamọi idamegho yo gbighe le bu, Ọmọkhe ọkpọkpa mọi ọkhai sọi bi ọkposo ọkpọkpa mọi ọdiọ sinyẹ. ³ Ọdọ lo ke biobia sọi lo re gbo ghegvbe ọkhia, gbo vbọ kha rẹ ji ọdiọ. ⁴ Ovbi ọlọkhai lọ mọi ekhe yọ egbe sọi ama okhai ọ. ⁵ E sẹ khiegbe vba, ama yo akomaimai yọ ẹgẹgẹ li ma ekhien ọna lu rẹ regbe vba ji adua, ama vba bo bu egbe vba re, li esu kha dame vbẹ gho bamọi u meti. ⁶ Ama i ke gvbemina jo vbẹ ebi kosẹsiọ ọ vbi rẹ bi ukhi. ⁷ I ke kho yo ama akhoomie eya gbegbe rẹ bi mẹmẹ, ama ọyagbegbe mọi emina sọilọ khume rẹshain obọ sọghẹna ọkpa mọi emekhume ọvbe mọi isọi. ⁸ Rẹji eya legbe nwose bi ikposo leke mọi odo, i gvbere erọ khume ni inye ekha ja yọ esẹ nwọse. ⁹ Ama akha gaze ekha mati nwegbe sinyẹ, le nwọse ama ero khume ni rẹ nwọse le le rẹ zai to ẹkẹ ukhumekẹ ¹⁰ Nyẹnẹ rọ ji eya leke nwọse, i rukhi najovbe - ọ vbi mẹ ama ọlọmọima, ọlọvbọkhai rẹ bi ọdiọ wa sẹ van. ¹¹ ( ama ọ khai leha van shọi obọ sọ dọi, lọ sẹ nwose ama lọ gbo yi obọ sọ dọi) bi odio esẹ va shọi obọ sokhai re. ¹² Okposo kha mọi ọdiọ lọ miekhọn, ọ lọdiọ, kha lọ jia kpẹ inyọ, lọi sẹ van ọdọi ya. ¹³ Ama rẹji ekhie i gvbere, mẹmẹ ọsẹ vbi ọlọmọima yo akhagaza ọlemioma sọsọ omọi ọkha lọsẹ miekhon bi ọkhia sọ kha kho lọ ja kpe inyọ e se van ọ ya. ¹⁴ Ama ọlọkhai lo kho lọ miekhọn a rọ ja jọ kpa bamọi okhai, ama akho gaze ọvbinyọ iye khan sẹ ekha khai ama ake rinyẹ ja jo kpo. ¹⁵ Ama ọlese miek̇han kha shọibọ re, zinyọ le ẹkẹ ero li na, ọlọmọkhe bi olomọkhi ẹkẹ yọ ẹkẹ eme ke kugbe mama. Ọghẹna ọkẹ etie ma li ma vba gbọn ẹkẹ ofure. ¹⁶ Ama Abu rẹ ẹ, okposo, yo si ulọ sumi ọdiọ ẹ? Ama Abu rẹ e ọmọkhe yo si vlọ sume ọkhoi? ¹⁷ Ama abi ọlọmọima ke rẹ neya isinyẹ, li ọya gbegbe khain abi Ọghẹna ke etiọ. ¹⁸ A miọ ya sọso la sikọsis eba rẹ etiọ lọ miekhọn? lọ sẹ rọ mie ọvbi unsikosisie. Amiọya sọso lo gbe sikọsos abe rẹ etio rẹ ji miekhọn? lọi sẹ siskọsis. ¹⁹ Ama isikọsis shọ bi unsikọsi shọn e ki emina la kho, ema kho lọ khi a rẹkhian ukhi sọghẹna. ²⁰ Ọya gbegbe le ja ẹkė uetiemi sọi lọ rai abọ Ọghẹna rẹ etiọ. ²¹ Eru ki oviẹn ẹgẹgẹ li Ọghẹna etiẹ? ẹsẹ, bọ bamọi ọni, Ama ukha meti nifa, ya ọ. ²² Ama ọya lọ ki oviẹn li ọlọkpodẹ, ọlọya la etie lọ sẹ vbi oviẹn ọke vbi oviẹn si ọlọmọima. ²³ Ake regho dẹ ẹ, Ama esẹ si emọkhe. ²⁴ Omiẹmai, ẹke unwelọde ọgbere, ẹgẹgẹ la etiọ, li ọya gbegbe kpe rai ẹkẹ Ọghẹna. ²⁵ Nyẹnẹ reji emọkhi le gbe mẹkhẹn kpe Ọghoma i mọi ukhu obọ si ọlọmọima. Ama i ko gvbi sẹmẹ re, aboya lu mati rudu ọ, rẹshain igbalẹkẹsi ọlọmọima. ²⁶ Ama, i ke ye yọ bamọi e̱shọn lọ vade, ọke khume li ọmọkhe ja abọ riavbọ. ²⁷ Uke rai anyamakugbe rẹ ji ọkhai? esẹ kho uvami, akho gaze u mọi ọkhia e sẹ khọ okhai. ²⁸ Ama ukha nwọse, u sẹ dvbe se, bi akha gaze ọmọkhi lọgbe mẹkhọn kpẹ Ọghẹna ke rẹ lọimọi ikhuakhua mẹ sekhu le bu, bi i kho mẹ sume ovbe shọi ọna. ²⁹ Ama igvbena, omiẹmẹi ọlẹgẹgẹ kere, rẹ zai ẹna akhọ, li eya le mọi ọkha vbagbọn rẹ bi e mọi ọkhia. ³⁰ Eya le viẹ le ehien yọ rẹbi e sẹ ghọnghọn, bi eya le ghọnghọn le ekhian ẹbi e sẹ ghọnghọn, bi eya ledẹ rẹbi emọi mina sọso. ³¹ Bi eya le ya agbọn le ekhien ẹbi e ya ọlagbọn gbegbe. Ama ọlagbọn ebọ rai nyẹnẹ ọ vade kpu okho. ³² I kho li vba nifa shọi ubọmi sudu. Ọlọmọkho lọ gbe nwose udu sọ rai ẹke emina si ọlọmọima, ebọi rọ rinyọ ghọnghọn. ³³ Ama ọlọmọke lọ ke nwọse erudu sọi rai ẹkẹ emina saghbọna, ebọi rọi rọkhia ghọnghọn. ³⁴ Ovbọya li udu sọi fa ajeva. Ọlọkpso so lọ gbe nwọse bi ọlọmọkhi lọ gbe mẹkhẹn kpẹ ọmọkhe udu sọi rai ẹke emina si ọlọmọima, eba lọ ja jọ kpa ẹkẹ egbe bi ẹkẹ eti. Ama ọlokposo lo ke nwose udu sọi rai ẹkẹ emina sa gbọn na eboi lọ ri ọdiọ ghọnghọn. ³⁵ I ke gvbọ na lọ rẹ khume nai ọvbi li re zẹ ekhian emu lọ ekhien, I gvbena ni ọlọ jọ ọvbọ, lu re rudu yọ Ọghẹna le mina sọso rẹ da udu sẹ. ³⁶ Ama ọya sọso kha ye yọ ọ nyunwe rẹ ji abọi gbe mẹkhẹn kpe ọya ẹkẹ ekpẹ akha ke rẹ miẹ ọke sẹgberai le ukpe lo nwọse, bi erọ lọ nwinyọ - lọ ekhien emọ kho. O dvbese le nwọse. ³⁷ Ama akha gaze ọ damuza nẹsenẹse ẹkẹ udu ọ, a kpokpọi, ọlọ mati regbe sọi shan bi ọkha ke gvbere yọ udu sọi lọ rẹ ekhien ọna lọ rẹ ri sọi vbi ọlọsọmẹkhẹn kpe ọya erọ lọi ėkhien emekhume. ³⁸ Ama ọlọ ri ọlọgbo mẹkhẹn kpe ọya nwọse ọ ekhien eme khume lẹ. ³⁹ Okposo rai ẹkẹ anyamakugbe rẹji ọdiọ eboi rai agbọn, Ama ọdinyọ kha wu, ọke mi nifa lọrẹ nwọse ọya sọso linyo kho, Ama ẹkẹ ọlọmọima dokpai. ⁴⁰ Ama ẹkẹ ẹzọi sẹ mẹ, e rọ lọ ma ghọnghọn nẹse akha mie ọgbo nwọse. Ama i ye yo igbo mọi eti lọkurla sọghẹna.