¹ Sǝk ki kapa ɓǝratǝ 'ya fat khur kǝtǝn sita, ndankan fǝ tlǝnchǝɗi muɗ yu wa, "Ɗam tlǝraman khesǝ kǝ in tasochǝɗi muɗ i khuptǝ khurɗi Fartǝ yu." ² Tlǝ tlǝnan tla tǝrkanan ndǝkan tlǝrandǝ taso yan kaɗ kǝ ɗar khesi. Sǝɓtǝ khatǝ mǝrǝngchǝ chekan kes fi nafcha fe na yarati tlukhǝnggaɗi fiyanda, fe mananchǝ mǝrsingngdiyan. ³ Chepetǝ tlǝ tlǝnan tlǝrkan taso yan kǝ khur khawurta. Chǝkan kǝ fere, kǝɗ feri mǝrta. chǝk mǝ khur khawurta'an mǝrkan ⁴ Makhkaan tlǝ tlǝnan tlǝrkan taso yan kǝ khur kuficha tǝ tlǝtle 'yamcha. Chǝkandǝ kǝ fere. ⁵ Sǝk ki tlǝ tlǝɗi 'yamchǝ ndatwa, "Chǝ tlǝ kit---tla nesǝ nakanya tǝ tla nesǝ chokh, tla ne chǝcɗhǝɗ --- kǝtlǝm chekin mi ndǝcheɗya. ⁶ Kǝtlǝm tlǝrandǝ feri fǝ fǝrkitchǝ tǝ annabawach kaɗi, fǝrendechin fere kǝ sanda; nda'an kǝmches tǝ tanda." ⁷ Sǝk ki nggǝman bagadi wa, "Aa, Farta chǝnmǝn tla kǝ fere, chak mee yo ndeta'an tǝ paɗ kit'ta'an. ⁸ Foɗatǝ tlǝ tlǝnan tlǝrkan taso yan kǝ ɗar Farta, fǝrankǝ fe mbanda kǝ yantǝ nafchǝ tǝ wata. ⁹ 'Yandak watfartǝ kaan, 'yarakandǝ tlǝm Farta, tla ne tǝ alkǝt ɓakhti ini khaa yu. Tǝrwandǝ khaa ndu kǝ fǝrandǝ manda wa. ¹⁰ Ɗǝrman tlǝ tlǝnan tlǝrkan taso yan kǝ ɗar ɗakwan kutrakti tlukhǝnggi yan, taurankǝ wutl kutǝrakta'an khaa. Nakandǝ kǝɗ sǝnuchǝ yanda kǝtlǝm khata'an. ¹¹ 'Yarakandǝ Farta tla ne khulafǝrta kǝtlǝm khatǝ mǝrǝng chǝ yanda. Pakǝ nakanya karkandǝ tǝrtǝ khaa kǝ ɗar ndǝchchǝɗi chǝt nda. ¹² Michetǝ tlǝ tlǝnan tlǝrkan taso yan kǝ khur kapa kufa, Yufiretus. 'Yaman njikan kaɗi kǝtlǝm kǝ takhsan fe mbandǝ kaɗ kǝtlǝm kutǝrchǝɗi ne ɓat tǝ mǝt cheti Fartǝ yun. ¹³ Naki sǝɓtǝ semech makhkan kǝɗ chukhopcha ɓat kes mee i tlukhǝnggaɗi tǝ annabi tǝ lektǝɗi. ¹⁴ Kǝtlǝm semeti khwaǝrchǝ nakanda fe ne chǝt ǝna saka incha. Nandǝ pǝɗat kes kǝmɗi kutǝrchi khesǝ nat kǝtlǝm kv nggomandach nda kǝ mǝt arta, kǝtlǝm ya'anda, ǝ far kapa farti Farta tla kǝ fere. ¹⁵ (Ndǝpo! nggǝt ɓat kǝɗ yeere! Tlǝ mbǝs ǝn khar tla ne ndǝpata, tǝ kapat yan fa kǝtlǝm kǝ chǝkes chakhaa wa kǝ nǝfe fatyan.") ¹⁶ Ɓakfe tǝ tandǝ kǝ mǝt arta kǝmɗi tlǝ yafe wa Armageddon tǝ mi Ibraniyawta. ¹⁷ Muɗatǝ tlǝ tlǝnan tlǝrkan toso yan kǝ khur rǝnnaa. Ɓak kapa ɓǝratǝ kes ǝ khur kǝtǝn sita tǝ ɗakwan kutrakta'an ndat wa, "Ə chi." ¹⁸ Wilwiɗtǝ ɗakitsi, ɓǝracha tǝ yandǝ 'yere tǝ kapa yirati khakha fa --- kapa yirati khakhafǝ tla tamwakchǝ sǝɓta kǝ nak nafchǝ khaa khur khesi, kapa yirati khakhafǝ ka'an. ¹⁹ Kapa mǝrɓan chak kan khaa makhkan khuran, paktǝ mǝrǝɓchi khakhicha khǝmkandǝ khaa. Fartǝ kuduk kan kapa mǝrǝɓ Ɓabila, fǝran kan mirǝɓini wanchakhtukhwata tipe tǝ innabi tla chet fe tǝ kapa khuptǝ khur yan. ²⁰ Chǝkwun tlǝ khakhaa taurandǝ 'yem khaa yimkan khaa, nggwalchǝ paɗ tandǝs wa. ²¹ Paktǝ ratlacha fe na lǝklǝk kǝtyandǝ kǝɗ talanti khǝkha takandǝ kakh fǝrta kǝ ɗar nafcha. 'Yarakandǝ Farta kǝtlǝm ɓakhtǝ ini yi ratlaɗi kǝtlǝm ɓakhta'an kaan.