¹ Ndǝpaki khaa naki Wanchokhreta'an kit ɗar nggwal Sihiyona. Tlǝmata'an nafchǝs 144,000 tla na tlǝman tǝ tlǝm chǝnan ɗar paǝnchǝ yanda. ² Sǝk ki ɓǝratǝ ǝ khulafǝrta kǝɗ tǝti raka 'yem kapa kufa tǝ yaandǝ 'yere. Ɓǝratǝɗi sǝkti kǝɗ tlǝ kǝlaya ne fǝɗ kǝlaiyan. ³ Inkandǝ yuwa 'yemse pangngǝn ɗakwan kutrakta'an, tǝ paɗ pangngǝn ɗəchəɗi tə sisingndəf foɗa yu tə paktə nafchəɗi. Nefsə ne mbakhən cha'a 'yamsan wa, se nafchəɗi 144,000 yu fe khitə fe ə khur khəsi. ⁴ Fenni ne kə fe səɓawakchə fatyandə kaɗ tə nəssa, kətləm chəwandə fəlaukəta wa. Fen ne kə fə parach wanchokhreta'an nat məɗi ndatən. Khichə fe tandə kes khur nafcha kəɗ yuwa nəkhati ɗəsəmnda i Farta tə wanchokhreta'an. ⁵ Mbəsu fe lektə mee yanda wa, mbəsawufe tandə tə səɓtə ənawa. ⁶ Naki nowun tlə tləndi Fartə tlatə khurɗəfi tə khulafərta, tla ne tə ra'a ka'a ndikche kə mba'antə fe ne khur khesi - kəmɗi chəkwun khakhaa, nggətkekche, miicha, paɗ tə nafcha. ⁷ 'Yakan tə kapa ɓərata, "kwaraman Farta kə fərawun manda. Kətləm fartə chak mee'yan ɓi. Manaman, mətlan təɗi chəch khulafərta, tə khesi, tə khawurta, tə tlətle 'yamcha." ⁸ Nowun tlə tlənɗi Farta, chepeta'an, parakan nakan ndatwa, "khəmkhaa, khəm Babila khaa tla ne manchan, tla ləmchə khakhichə nat kə sandə'yam innabi i fəlaukət'yan." ⁹ Yowun tlə tləndə paɗ, makhkanan parakan tanda, nakan ndat tə kapa ɓəratə wa, "Ma manan nef tlukhənggaɗi tə mirsing ndiyan, paɗ, ə tlət yarat kə ɗar paandəyan ndu kə kheryan, ¹⁰ nan sa innabi paɗ i səɓtə khuri Farta, innabi təɗi chawaktə fe 'yem kafa, tlərtə fe kə ɗəna sata i səɓtə khuryan. Nafɗi sacha nafe ɓakhandə tə wata ə pangn wanchokhreta'an. ¹¹ Innii waɗi natndə ɓakhtə khaa khuran yu nachan nat tlatə kafərtə kə fere, paɗ nandə yipwa, ndə witə tə farta - fenni fə manandə tlukhənggə'ini tə mirsingndiyan, paɗ nat tə nafɗi tləch yara tləman. ¹² "yat ya kətləm Kristi fe ne chəɗchəɗ, fe tlə parach mba'ti Farta tə fər kit kə Yesu." ¹³ Səkki ɓəratə khulafərtə ndat wa, "yaran ɗənɗiya, " Fə mbəs ɗəch khar məmatachəɗi mərchə khur Farta." "Aa," nda semete, "ma'nandə yipta khur ɓakhtə yandə khaa, kətləm ɗə chəch yanda nan para tanda." ¹⁴ Ɗəpaki khaa, mbəsanchi kə kheɗɗitə khusambaa. Ɗas ɗar khusambiyan, nefsə kəɗ Wa'i Nefe. Ləɓokər kutraktəs ində'yan tə chəmən chelet kharyan. ¹⁵ Ɓak nowun tlə tləndi Fartə kes kətən sita 'yakan tla ne ɗas ɗar khusambiɗi tə kapa ɓərata: Təru chelet yo kə tirin kan khwachanta'an. kətləm fartə khwachata'an se'i, nakan khesə nəkhi." ¹⁶ Tla ne ɗas ɗar khusambiɗi tla'ankan chelet'yan kə ɗar khesi, khwachan kan khesi'yan. ¹⁷ Yowun tlə tlənda chekan kes khur kətən sitə khulafərta: mətlan paɗ chəmən cheletsə kharyan. ¹⁸ Paɗ yowun tlə tlənda ɓakan kes khur bagadi i kwastə inne tla tlə chəch kutraktə kə ɗar wata. 'Yakan tla ne tə chəmən chelet kharyu tə kapa ɓərata. "Təru chəmən cheleɗo yu kə khwecheen nəkhaa innabi chəɗi ɓəra ɗəfcha'an i khesi, kətləm innabi ta'an nəkhi." ¹⁹ Tlə tlənan tla'ankan chelet'yan kə ɗar khesi, paɗ nggomankan nəkha innabi i khesi. Chamkan tandə kə khur mət 'yim innabita'an i khuptə khuri Farta. ²⁰ Njekankə fe ɗəna yimmandə innabi ta'an kərsə wiri, fer paɗ nakan rakat sakankə mbarat tla sa'anchə lanjam i pirse, langngə paɗ kəɗ mel 1,600.