¹ Naki ɗəparat ɓat kes khur khawurta. mbo'omənchiyan kum, paɗ inchiyan muɗ. Ɗar mbo'omənchəyan ləɓokər kutraktəs kum, paɗ ə ɗar chəkwun indəyan tlimsi i 'yara fata. ² Tlukhənggaɗi nti kəɗ nggitlwete. Sarchəyan kəɗ sarchi ufana, meeyan paɗ kəɗ mee'i chini. Tlukhənggaɗi fərankan alkətyan tə kutraktiyan, tə kapa alkət chət kutraktiyan. ³ Artə khur inchi tlukhənggaɗi chəkan kəɗ tə ɓəlan fee, chək kəɗu kapa miring'ini kinkaɗi. khəssə nat sakandach inde nakandə para tlukhənggaɗi. ⁴ Fen paɗ fərankandə mandə tlukhənggaɗi, kətləm fərantə alkətyan tlukhənggaɗi. Manankandə tlukhənggaɗi, paɗ nakandə ndatwa, "wunne kəɗ tlukhənggaɗi? paɗ wunne mbakhən yanndi?" ⁵ Tlukhənggata'an fərankə fe mee tla ne ndik əna maan inde tə 'yarafata. Fəranfe mbanda kə chət kutraktə ɗar kumchət foda ngərsə chep. ⁶ Innankə tlukhənggata'an mee khaa kətləm kə ndik səɓtə ən kə ɓəra Farta, mbu səɓtə ən kə ɓəra tləman, məɗi tlə choktən, tə fe ne khulafərta. ⁷ Tlukhənggata'an fərankə fe mbanda kəyantə fə fər kitcha, kə mbakhən tanda. paɗ fəran fe alkəta kə ɗar chəkwun kwatl nafcha, miicha tə khesə nat. ⁸ Nat fe ne khur khesi nandə manada, nat tla yarawaktə fe tləman, kə chə fe khəsi, khur ɗelwer tə sisingde, tla ne kə i wanchokhreta'an, tla tlendə fe ɓərata. ⁹ Ma tləmati nefsi, kə kaa tləmat khaa. ¹⁰ Ma na fe tər nef kə khur mafakəta, nachan pəɗat kə khur mafakəta. Ma na fe ɓəlandə nef tə tlutə na fe ɓəlanda. Yat ya kətləm kərəs əna tə fər kit kəmɗi fe ne chəɗchəɗ. ¹¹ Naki yowun tlukhənggə ɓat kes khur khesi, mbo'omənchiyan chep kəɗ chokhrete, ndikkan kəɗ tlukhəngga. ¹² Chəkan nat alkəti tlukhənggaɗi tərkananyu ə pangn nan, paɗ ɗəfkan khakha tə fe ne khuran kə manandə tlukhənggaɗi tərkanan - tla chandə fe mbaru f, kənchəkaɗ yu. ¹² Chəkan nat alkəti tlukhənggaɗi tərkananyu ə pangn nan, paɗ ɗəfkan khakha tə fe ne khuran kə manandə tlukhənggaɗi tərkanan - tla chandə fe mbaru f, kənchəkaɗ yu. ¹³ Chəkan paktə əna saka incha. Ɗəftə wat kə ɓə kakh khulafərta kə ɗar khesi ə pangn nafcha. ¹⁴ Təmɗi sakcha'an təɗi fərandə fe ɓandə kə cha, ləmtə fe ne khur khesi. Ndandachanwa kə takhəsndə əna kətləm manandə tlukhənggaɗi tla na mərəng tlutə fəyan, chək kəɗu mətlan tə sisingndəfa. ¹⁵ Fəran kə fe mbanda kə fərantə yiptə ɗənɗi chət fe kəɗ tlukhənggaɗi kətləm ɗinni kə ndike kə ɗəf fe karchəf kə manandə tlukhənggata'an kə ɓəlandach fee. ¹⁶ Njekentə chəkwun fa wanwaa tə kapa nefe, wurumnda tə tlə ɓakhta, mafata tə tla nawakchə kə mafata kə tləndə yarata kə khar kharsəm ndu ə mi paanda. ¹⁷ 'Yan'yang məɗi chəkwuni kə khiya ndu kə khiyantə ən kaɗi, man'nggə yarati tlukhəngge ini'yansəwa, nda'an ne kə ɗəna sənan ne kəɗ tləman. ¹⁸ Nda'an ne kə sən əna, Ma sən əni nefsi, kə sengngntə ɗəna sənan i tlukhəngge'ini. Kətləm ɗəna sənan i nefe. Ɗəna sənanwa 666.