¹ Paul, umi na ma karkya, na kobina Timothy, makanu Philemon pijamu wur utuma, ² na Aphia kobinu wur uyeni, na Archippus piyuriguma, na aya na ã zomzono a gisa Kashiri ugirumu. ³ Alheri azoborini na usalama uwur uKashiri picu wur a Yesu. ⁴ Nna gudazana Kashiri, ko kashe kapa nnan gisa kani, ⁵ npotonzya ushiru uyin a bara mayo mashiri manna yin ide ma kuji kuyin, izob Kashiri. ⁶ Ka gisa kanang, madene makasuga kayin mademi izuga mayo madugan makashiri. ⁷ Mani madugimi kimingh ya a yella ade nasugu nawur nama zob makashiri. ⁸ Ari zagi ni Yesu, nde mamaki manna ndama denebu pidene ukusu na pidama dene, ⁹ abara ma mani ma Yesu, ingishi ni ndigi kacucu, akarkanmi abara nizgi ni Yesu. ¹⁰ Nbashabu abere Onesimus kono kang nwani picu kani unyong manyen. ¹¹ Ima zai kadamana mi upu, ukyaru i wani kadamana mi upu na mi. ¹² Nguddun yi upu yi iyi kasugu kanang. ¹³ Mya mani ma izomo nami a tumzana mi unyong kidaɠha kima kashshi abara bishara. ¹⁴ Mmani ma wamtya nasugu nayin. Ko iyan iyin iwani kumina kuwur. ¹⁵ A zyanyimi uyin, aka dene kadar, abara nadama gudduyi mu wanu ren. ¹⁶ Idama pa wani pidere, idama pira pidere awana kwani umatini abara na maniyi. ¹⁷ Aku yi na abere aKashiri bai deni agwa kwaniyim shirinyi a gwami nisheri. ¹⁸ Ibang imi nayi idenini ba izobi a kadamana iguddu ibang imi umi. ¹⁹ Mi Paul, nynyakara aicari nang; min dama bya-banda maguragu nzobni anaci ayin. ²⁰ I, kwani, mukyami unyong Kashiri anaba Kasugu kanang unyong u Yesu. ²¹ Npok ushiru au biyayya umu, nnyakara bu, nyo agu pidama dene apira kenna nku. ²² Akapakadha napsa mi kidhagha, abara magu unyong kagisa kayin ndama guru. ²³ Epaphras ca uma nyen uYesu i sumazyabu. ²⁴ Markus ma kene Aristarchus, Demas na a cayi utuma. ²⁵ Alheri a Yesu Almasihu ana zomo au ruhu uyin. Amin