¹ Piyu Cubru u gayu unna mani, a mani matinim. ² Mmanibu, mimmi gisa kashira sa ka pirya bu ugaru ripum nekene na ujaru umazob makashiri udugan bu. ³ Kaman kene na pijara na ribin nimu, migin na potu rentu a bara nan zugi ushaida umu na kwani ana wana ama duksha abara na pidishi ribin au tumu mu. ⁴ Ba kiming kipiri mapoti agu nono na nang na disujaru ribin. ⁵ Nna pitumzana a jhan na a kwani pi disha kuduntunu. ⁶ Ayakudhagha kwa shiri ayo agu ama do ushaida umu, pidama dene ukusu dugan ukumina ku piyi zob Kashiri. ⁷ Yeni ama cira yinzyi ma al'ummai abara nizagi niyi maza zyan kadamana. ⁸ Ki dama shere yeni, awana atumzanan abere aka shiri. ⁹ Nnyakaran ukun ukana kaya yo asu bauta Kashiri piyu dah, Diotrephes, imani ma wana kugbaku kuyeni ikupandi. ¹⁰ Nna tumu ki yita ukusu muru uzadugan na Diotrphes idini uzamatini gạmé na wur, ima gabi mashere a kobini apa nyaza aya mana mashere yeni has a zopto yeniuya daga kudeǧha ku gisa Kashiri. ¹¹ Ayar azob Kashiri azu shere ukusu kucok, piyi disu ukusu dugan a piyar washiri, aya disan kucok, ayitan yeni Kashiri. ¹² Demetris ima shere ushaida udugan unyong ugaskiya. U kowan, wurna ki dugsha ushaida u Demetrius kigo gu ushaidu wur a ribin. ¹³ Nde ukusu ma nyakari ni nakam, kuma ndama nyakarami aupen na uinki. ¹⁴ Nde kumina ku yitini minamina, sa ki berbene ayizhy na ayizhy. ¹⁵ Usalama ukasanche napu, a chayi asumazya bu. Sumazya ajamiawur unyong rizagi riYesu.