¹ Magu uhidima utsarkaka, unyhakaromni magu. ² unyho maramtazana mayin, manna undani ufaharya na mani, kazono kayar umakiduya, unbaran yani ukoya yani amaru camsana awoddo niwa, ukmagu nyani udeni uyawanci uyani angha righan utuma. ³ To mi unkuni ka kwanai, magu ufahariya uwur uyin unu won uwammi, magu igomo na macamsana. kaman kenna unku idama dane. ⁴ In ba kene ba, idan akwai pidhog umakiduniyawa igaboro mi kimai aguga i camsananni ba, kidama potya ugbro unda magumi undhog gami nayin magu unde ugabagadi uga aci ayin. ⁵ Unna yita kene mummu daceri ummanuca akwani uyani awon uyin kafin kapa kawan yani acamsangana magu ugudunmawa na iyisan nikawolim. mummu mu woni kane magu acamsana muni aka yhazi kimadukaki nibarka azan ukusu na damagaga. ⁶ Kenna muyi, piyi ibazzan nacun idomo puba nibarka. ⁷ Jikinmi kowon idho kenna ideni kumina a kasugu kani. kada iduk amonagazi makusu kayi ko kuma audole. magu kashiri kamani iyi na dho akasugu karentu. ⁸ Kashiri kadhe uiko umadene nibarka nbgakanzana magu yin, magu, ko kashe kapa unyho ko unshe unkusu; izuk ukusu na yin imani. kenna mudomawana magu yin, apiazura ako ushe uvura utuma. ⁹ Kamon kenna ayhakaran, itusan mazuga mayi, ima duksha aya zani kadamana; adolci ayi azomo mazadara. ¹⁰ piyami ina dho iduk ga pibiggan, na ugurasa magu maninaru, idama dho akuma piszini imis magu biggin, idama dene kibuba kimi kya adolci ayin apirguraga. ¹¹ Idama guga micara, ako ushe ujira, magu uwan ayo madukshi mummu mudama dene ayisha kasiri nighagha amagu wuri. ¹² Uiwatar na mummu mutumo, azan uhya ibukatu waya nagugi kawai na ayisha ba, unu pirgura makona ankusu mummu bgaki, muma dho maguda mashiri. ¹³ Magu agwadani, akuma tabbatarni na mummu tumunyi idama bgbakangha kashiri ama kakhanzhanha mawur mudama wono ushaida ma bere almasihu. kidama bgakangha kashiri a magu uyelwol madho mawur uyi na kewan naduk. ¹⁴ Yani adhe nibgayhe na mayiti ni, yani kuma asu gishiri kashiri; ayisha kene magu alheri ashiri ami abgaki ayi uzho aci ayin. ¹⁵ Ugodiya ga kashiri magu madho muwam mamma piyi kazano kamacandurga.