¹ Ayana in mani kenna wuri kide a likawari jikyam kinabsa a ci awur nama kusu mami mana makaridi apum na uruhaniya, jikyami kibyane u magusku mu shad wa shiri. ² digin di udama, kidomo nagogidi pidog kasugu, kidam cucidi pidhog; ko ki zambaci pidhog ba. ³ Ngan mugu unyhakini ba, magu unmaru barini agu iyi unyho nasugu na wur, magu kikigi nadu, acako ayi naduk agara. ⁴ Mi undeni kasugu kabgaki unyho uyin, un yisha ufahariya na yin, unkuri a utaazagha ninag nikuri atintari naduk na iwohalu iwur. ⁵ Kapakanna kiwani makiduniya apum a magu kene, kirighan imasaldi ako ushe ujina amacokongi nasugu nachaya, uya ushad kuma unyho. ⁶ Kashiri kami kanayisha urau nanu uta aziya kayi sundi abara nama wana matitus. ⁷ Azan magu mawan mayinanazik na kashiri kayisan di uta aziyaba, a magu uta, azayan na titus izugi uyi ibarond umis umamani ni nasugu nayin nasir na madongan mokumina kuyin, anici ninag, un yisan nigagha nibgaki notek. ⁸ Ko na muyi kene uwasika unag, unagazanni nasugu, unnisanmi, agu unno yho kene, aman kapa konna unyiton uwasika um uninagazanni nasugu, unyisa kimanaye, sai magu managugura magu sugu nayin, ana kadog kapa kacun. ⁹ Mina kuwa, anizagha, ayon magu manogugura manasugu nayi mayendini ga mashare makashiri, idoma dukara nodura nasir nibada, muyi kene idoma bigini amagu wuri. ¹⁰ magu nadura nasir, na wor kashiri, nana jaza amashere makashiri, no maduru ma magaska, mamazayho, nadura nasir nuya nanajaga amake. ¹¹ yitin imis ukusu uvur umi nideni nasugum, na nadura uwanu yin. Inyitan magu ukusumi nasir nan na wur Kashiri uwaban unyong uyin ina maduntuni mugbaku umadena nasugu nama bari agu izaini ibak. Ina maduntani mugbaki ukishiga kiyin, na usahd uyin, na madene nasugu nayin na ukukari uyin na u marmari magu idukara magu ayisan adalci unyong akomushe kiddon aci ayin izaini irabu unyong wa al'amura angha. ¹² Ko na magu nyakaranni, nyakaran nimi magu izani ibak ba, ko kuma piyami na adeni yi ibak imi amu nyakaran magu u kukari uyin uwur unu zuksana uyin kazono Kashiri. ¹³ Udaili u magu kene, na ki gugi nashiruga kacini kutaagiya uwur, kima yisha nighagho nibgaki, magu nighagha nitaitus, a magu uruhu uyi uwarsaken uyin naduk. ¹⁴ Inna nu wani magu unyishi u fahariya uyin kazono kayi ndama potya mi ugboh asabani kene, kaman kenna ko iyan na ki barinni a nibin. Ufahariya uwur anaci ayin na Titus uni wana u nibin. ¹⁵ Mamani mayi uyin magbaki kaman kenna yina mingya ubiyayya uyin naduk kenna isheri yi na usahd na kuzara kwa pum. ¹⁶ Mi nyisha nizagha nakam magu nde ugabagadi ugbaki unyong uyi.