¹ Magu aborana kide udong uhidima, na kenna wuri kashiri, ujinkai apotidi usuri watege. ² Ukusu deni wur kibiskya jina umi umapoti ubgor, umi unisan, wur kina yishidi ukusu kucoki wur kina dishidi abere akashiri, kudu ku caza, magu abari abere adu gan wur kidugi aci awur kakumina ukuwa kazono ka kashiri. ³ Inamayo ma kashiri kawur magusan mani magusan kayayi uhailaka. ⁴ Au tuma uyeni kashiri kuya ungu kagusan nasugu nayeni ayami azu deugaskiya, ayu kene yeni adama yitani matus, madaukaka u almasihuomi uyi abere a kashiri ⁵ Wuri yabidi acianur ayi almasihu Yesu picu wur,wur kiyi adere a yin abaru Yesu. ⁶ A kashiri kakugu, "matus madama bhallay amajin yibanllay ana sugu na wuri magu mayende matus ma mayoh, mudaukaka ukashiri kazono ka yesu almasihu. ⁷ Wur kide udukiya anjunu anshibi mu mayingzyi uiko ukashiri, azan uwur. ⁸ Wur kishezye kidere kaushe ujina ariri anidi kuwazyi ki rindirgan ama nasugu nakini nanidi; adisandi kidere, ama abiska anidi. ⁹ Ayishidi a kidere, amma arikan anidi ana kapabidi wur kinaguzuran di. ¹⁰ Wur ko kashe katuk, wur kide make ma Yesu ma bum a wuri magu kisagani mayor ma Yesu uwur. ¹¹ Wur kigara kuwa ko kashe apa,adi shidi kikizi abaru Yesu magu asagani mayo ma Yesu anapum a wur ayashillaci. ¹² Kenna make, mayisha utuma uwur, amma nivatane niyisha utuma uwur. ¹³ Wur kide uruhu uban gaskiya kenna a nyaliaram ndumun, abari kane mbaran" wur ma kidumun mi kenna kikuma. ¹⁴ Wur kiyo piyi cokono na yesu wur kisaskuran idama jagidi ka zono kayi. ¹⁵ Naduk masusu, abera uyinamayi akapa kanna adama barya uku sudu gan yashillaci agbaki, ugbakannan. ¹⁶ Amma wur kitazyi di nasugu, komagu inna uya wuri kinagazi kuri uyon anabsidi kokashe katuk. ¹⁷ Kidere kin kini akikapakacun kinabsidi makanu daukaka umi upiri makuri. ¹⁸ Magu a zandi; umen makusu manna amen makusu manna kimenidi yenna manna kina iya mayita, a zan made madawama. amannu ki men idi mani mayi madugan.