1 . Mubha dhumabhe uweshi olimini, ibeka emene Geleseues 2 . Ekele mu Jizos bhazhio lukpoda lime ugboh lekele neten, kpomu Jizos bhakpoloshio lime upboh, yabukpu uduke uwabhiyo ugo, ujiakeshilema. 3 udukem ubebu lime ili, uzhiedhe nye enwegba ugbakpo lumojikedhogba, umashibhu bune gontuli uchishi iyabha, odobiekpo bu iyabha, a-ishiya bimalikpo uzhienye nwe ugbakpo lumojikedho-a 4 Ekeshile bhema edhi li iyaba lekele tu ogbo. ugbajekpo iyabha, edhiya bimalikpo bhele bhelem, uzhi bye new ugbakpo lumojika. 5 Gontu loyokwe dhuma eye, ubeshima buli ili li ebhu, yabukpu uchizedhile ikpu li meyashizeya enye, leli gontu lugonu ibe-igwu 6 Ekemu uwejio Jizos lutoh, yabukpu ugbalale ludho kpowe ishi lele lununuya. 7 Muchikpu luli bueke, “ndiye me liyo amekatala, Jizos unwo Ebilikpabi mubeo ladhi kakpolibhe? Modhioyo lewa Ebilikpabi, ehwashiemu uya. 8 Iyedoni akanigili lema kpomu bhubuzeli, leliya 9 Yabukpu ubha julema “idhini kpala? Mubhasala “ewame dhini atuogbo, iyedoni yele atuogbo 10 Mu-udhiayashiela kpombhu akpachigbobhe li asagaya 11 Lumom, ogbo-ezhi tubhe ogbo zhibhe l’asagaya ludhiye lolu ebhu. 12 Mubha dhiayashiobhela kpom “Chigashiye” leli ezhi, whebhuyele akpugadhubhe leli 13 Mu-ubha chigashiobhe, mu-uwabhiyoya bhabuzeliola leli, lukpudhu leli ogbo ezhi, mu-ubha gbagadhuobhe lime mini. Mu iyezhikpom pukwu ezhi ibo dhihobhe 14 Yabukpu emene mukpabhhe ezhiya gbalebhe eso, ludhe Kaloshiwe iyemu udaya lime ula, li asagaya logbo, yabukpu madu egede jiaze-lebhe lubha weji iyemudaya. 15 Mubha jiakeshiobhe Jizos, uwejihobhe uduke mu uwabhiyo goya, ubu udukemu uwabhiyo tuogbo ugoya kpuzhile lunazhi ladhiya, oyojikpole iye, enwemadhihule eliya, yabu kpubha yululebhe lotogwu. 16 Ogbo emene muwejikpobhe iyedakwashi udokeya ukaloshike hobhe iyemudaya, mu-ukaloshiwe dhihuobhe iyebasali li-ogbo ezhiya. 17 Yabukpu ubidolebhe udhayashia kpom bhubuzeli ligbu a-abhe. 18 . Lekele muzhio lukpodhu lime ugboh yabukpu uduke mu uwabhiyo ugoya udhialema kpombhu yanazhi keshia. 19 . Jizos nela uwedhiniya buhuto mubhakaniola, kaze udhoyo ladhi emene udhoyo zhibhe muikanibhe iye nyenwe meniyo,li kputugoshileyo otuizho. 20 . kpomubokpeye yabu kpukazele ludhe kaloshiwe ligbu Decapolis, iye umamu Jizos menyola mu bhele bhele madu uwodhabhe enye 21 . Lumon, ekemu Jizos bhaweshio olimini udogba li-ugboh, yabukpu ogbo madu shikoshilebhe ma, li uweshi oliminiya. 22 . Yabukpu onwunye lime emene uduodu udho-ukpeni uwhubhe bhubu Jalius ujiale; lekele muwejiola, yabu kpu udale lukoya. 23 .Yabukpu ubidole ludhiayashia, udhia udhia bueke lukania, “Unwo unioma me zhibu gbono enwu. Modhioyo, jia mu idajia eka leli, kpu emele munwe eliya, mu-ube. 24 . Mubha kazekezhiela, yabukpu Ogbomadu chizelebhema, gontu li uyita eyita. 25 . Lumon, ununwe zhiladhiya, uzhi lukwu liye zhikpomu dhi-ala li alibo 26 . Atale akuku bueke leka emene dibio ubuhuto, kamu amanuhola amanu, unazhiya uyokaho bu kpuzhile. 27 . Ekemu ubhanujio iyebasali li Jizos, yabukpu ubhajialema lozu, gontu logbo-maduya, mukpotuo eka lete kapaya 28 .Mu-ubhakao, mkpotuhutone eke li kapaya, menwebu elime. 29 . Kpom ukpotuoya, yabukpu ubalaya kushile, mu-uwuwejio leliye kpomu bhu yanwelema ugwo-ogwo. 30 . Jizos li-ekeleneten kpu majile kpombhu ugbakpo bhu-obuzelileya leli. Mu-uba yinwosalio ogbomaduya lujukwa bhe “nina ukpotume eka likapa la? 31 . Emene uzhiya akalebhe, eweji ogbomadu shikoshibhe yo kpom a-ijujine ajuju nye kpotuyo eka? 32 . Buhuto mu Jizos nwadhiga kadhio enye luweji nye kpotua eke. 33 . Ununweya lumaji eyemu dakwashiola, uylukaho bu ligiti li-otogwu, mubha kaniola ishiuka 34 . Mu-ubha kaniola, “unwo unioma, uwhetuyo emeleyo mu-new eliyo. Kaze li uyodhu gontu lunwe ugwo ogwo zhuta ozuta” 35 . kpomu uzhio li-ukpo ekpoya, yabukpu emene uzhi buzelibhe leka nyishi udho ukpeni, bhakalebhe, “Unwo uniomayo onwulumale, eyala odomu imekpagba nye uzhiezhi elila. 36 . Ubuhuto ekelemu Jizos ubhanujigashio uzhiya, yabukpu ubha kanile nye udu odu udho ukpeniya “ehio otogwu, whedawe gbohuto” 37 . uwhebhu udonwunye bhuchizeya, ugama Peter, James li John nwana James. 38 . Yabukpu ubhadhumalibhe udho nyishi udho ukpeniya mu uwejiobhe kpu maduegede uhudhilebhe uhwu, gontu li ukwaikwa li agbezhi bueke. 39 . Kpomu ubha kpudhuo ludhoya, mubha kaniobhe “Eliyo sunwalini eyela, Ikwanini eyela? Unwoya unwuhuo onwulu buhuto uninina. 40 . Umudhiabhe umu, buhuto mu ukpachiloshikpo bhelebhele madu elezhi, mubha gowuo ida unwoya li ina-a ligba emene uzhiya amuzhikeshio bhela, mukpudhuobhe lime adhimu unwoya uzhieya. 41 . udotu unwoya leka, mubha kuniola “Talitha Koum! “ amukowabhe kpomu “unwo unioma, makaniyo buzeli 42 .lekele neten yabukpu unwoya buzelile. Mu kazeo-uze (unwom bud hi ala li alibo). Mu-uyulukabhe li ekpemeto bueke. 43 . Yabu kpudholebhe eka lete lukanibhe “onwunye onwunye amajie eyemu-o mu-ubhakaniobhe bhunabhe iyudhiedhi.