1
Utsutsu ogbeẹ oni ogbele ikyiatsolo oni elemhi uka, e bhale vhi oni uji, e tsua ltulale ni e lẹẹ rhọ shi Ijesu vhi egbe.
2
Abhi e ke rhọ bhẹ vhi ayọ, ee bhale a vhẹ khi a she gheghele oni ẹchẹ vhi odẹa.
3
Ee lo elemhi oni uji, ama e vha mẹ oni olimhi Onomholi ni ljesu vhi ayọ.
4
E vha yẹsẹ emeni e kha khyiẹ. E kee fẹẹ, udomhija e mẹ emọse ava ni e sọnọ iwulu ni ee gẹẹ pẹpẹpẹ khi e mugha.
5
Udu o fianọ eni ikpotso elemhi. E nyẹsẹ egbe je ekẹ, eni emọse ẹẹ wẹ, ''See vha ke lia nono ọni ọ nyele vhi ifuabọ ilimhi?
6
"Ọ vha la ekẹ ana, ama ọ she vule! Vha sato abhi ọ ngme vhẹ abhi vha rhọ khyie la elemhi lgalili,
7
Khi a nwemaa ji Omyi Ọmose abọa ni elingmobe khi e rhọ tanọmanọ, ogbẹlẹ ozese, ọ gwe vule."
8
Eni ikopotso e sato ingmemhi ọli,
9
E te oni uji bhale ea gwu eni ingme ena kwu khasẹ eni ogbe ali ọgwho ali eni e kpọẹ kwu.
10
Nenaa lmeli lmagalini, ljoana, lmeli ni inyọ ljemhisi ali eni ikpotso evhese ni e nu wẹ la li ea gwu ni eni idibo ọli emeni a gaa mẹ kwu.
11
Ama oni usomhi ona rhẹmhi o liabhi ingmemhi iwe ni ldibo ọli, e vha lama shi eni ikpotso vho.
12
Ama lpitẹ ọ vule ọọ na ẹẹ je oni uji, ọ mugha ẹẹ bino elemhi ọ, ọọ mẹ oni ode ni a rhọ kwhuli oli. Ipitẹ ọ rhọ vu je apfẹ ọli, ọọ li ibe obodẹ emeni a me.
13
Ghe, ghee, oni ogbẹlẹ oyọ ikwhumhava e je evholi ni aa lu Emausi, ni o liabhi imali igbe ali esesa te ayọ je Ijerusalemu.
14
E nu egbe ee neta emeni a gaa mẹ kwu.
15
Abhi e kee li neta, ni ee li mhila egbe wẹ ogbọ, Ijesu ọ chi mama wẹ.
16
Ama a vha dobẹ alo wẹ gweghyiea khi e ke yese ọni ọ kyia.
17
Ijesu ọọ wẹ, "lngme elọ vhẹvhẹ ava vha lina ngme abhi vha lia kyia ena?" E mugha ayọ o ke liabhi khi o sha wẹ abọ.
18
ukwhumhọgwho vhọ, ni aa lu lkiliopasi, ọọ li, " Ghyiẹ ọgwho li u la Ijersalemu ni u waa rhọ yese emeni a mẹ ana eni egbẹlẹ ena?"
19
ljesu ọọ we, "Ingme ni ogwho?" Eẹ li, "lngme obode ljesu ni ọnyi Inazarẹti, ni ọ ke kyili ọbolẹ, ni ọ ngme ududmhi ingmemhi Ishinẹgba ni ọ gbe ikpokpomhi ikanya ọnyaloa ni iọgbọ.
20
Ali abhi eni e kpeda ugamhi ali eni ighyie e li rhọ lase khi a tanọmanọ gbea.
21
Ama eyẹ mholi irhegbenya khi li ọ laa dobẹ tsumhi Izulẹ. Ingmaghyie, a rhi obọ gbe ena kwu shi, ugbẹlozesẹ khi ona abhi a te mẹ eni ingme ena.
22
Ama abagwhoyọ, ikpotso egwho ni e li nu eyẹ la e rhi abọ sha eyẹ, ni e rhọ je oni uji utsutsu ogbeẹ.
23
Abhi e vha ke rhọ mẹ oni ijiegbe oli, e bhale, ẹẹ li khi wẹwẹ e gwe li mẹ ighyiukọ ni e gwu khasẹ wẹwẹ khi ọ vha gwhua khi ọ la agbọ.
24
Emose egwho ni e nu eyẹ la e je oni uji, e bhale a vhẹ o liabhi eni ikpotso rhẹmhi e le li ngme ọli. Ama e vha bhale a vhẹ ọli vhi ayọ.''
25
ljesu ọọ we, "O emọse idekẹ ni e mholi idu ni e vha kẹlẹ a lama shi emeni ebolẹ e kpo ngme!
26
O vha kyili emeni e nwu egbe khi ọni lkiristi khi o rhọ mẹ eni echọ ena, ọ ke lo elemhi ikiki ọli?"
27
Rhọ te lmozisi bhẹ apfishi eni ebolẹ kwu, Ijesu ọ kweghyiea khase wẹ emeni ebe akẹkẹshekẹ o ngme obodẹ oli.
28
Abhi e ke rhọ chi mama oni evhue, ni ee jee, ljesu o ke liabhizẹzẹ khi lẹ kyiele je alo.
29
Ama e nu ọli gwu ọ, eẹ li, " Nu eyẹ la ana, rharhi khi ogbode o she le, oni ubi o she wẹ laa bi." lyọ ljesu ọ lo ọ vha nu we la ayọ"
30
Abhi ọ ke rhọ nu wẹ shitọ ayọ khi lẹ nu wẹ le emenale, ọ rhue oni ukphakpha, ọ zẹ ọte shio, ọ gbe ọli khyia, ọ rhọ na wẹ.
31
Ayọ li ikpalo wẹ e la gweghyiea, e mato mẹ khi lẹ lọ, ọ welia shi wẹ vhi alo.
32
E ke eẹ li egbe, " Idu eyẹ li e mẹẹ vhala eyẹ yọ, ni ọ rhọ nu eyẹ ẹẹ ngme vhi atuode, ni ọ rhọ maghyie eni ingmemhi Ishinẹgba ẹẹ khase eyẹ yọọ?"
33
E vule oni ẹrhẹghẹ oyọ e liegbe bhale vhi ljerusalẹmu. E bhale a vhẹ khi eni ikwhumhogbe ali ọgwho khi e legba, ali eni e nu we la,
34
Eẹ li, "Onomholi ọ she te egwhi vule ingmaghyie, ọ she rhi egbe khase lsamọni."
35
Iyọ e ke gaa ngme emeni e mẹ vhi atuodẹ khasẹ wẹ, ali abhi Ijesu ọ li rhi egbe ọli khase ni ọ rhọ gbe ukphakpha khyia.
36
Abhi e kee li ngme eni ingme ena, ljesu ọ tomugha wẹ vhi iteteva, ọọ wẹ, "Opfomhẹ o nu vhẹ laa."
37
idu e fianọ wẹ elemhi, ulishi o rhẹẹ nwu wẹ, e sa khi olimhi wẹwẹ e me.
38
ljesu ọọ wẹ, "Elọ e ze khi vhaa nulishi? Elo e zẹ khi vhaa mhila egbọ elemhi idu vhe?
39
vha ghee abọ mhẹ ali awẹ mhẹ, mhẹmhẹ lọ. Vha rhi obọ chi mhẹ khi vha mẹ. Rharhi khi olimhi ọ vha mhọli ofiegbe ali igwa, abhi vha mẹ khi mhi li mhuẹ wẹ ena."
40
Abhi ọ ke rhọ ngme ona, ọ rhi abọ ali awẹ khase wẹ.
41
Abhi oghẹlẹ o ke kyiele li rhue wẹ sọ, ni o li nya wẹ aloa, ljesu ọọ wẹ, "Vhavha mhọli etsẹkẹ pẹẹ ni vhaa lee?"
42
E rhue ukhyikhyi afẹ ni ee gbe erhẹ nali.
43
ljesu ọ rhue ọ, ọ rhi ọli le ukpeloe wẹ.
44
Ọọ wẹ, "Abhi mhi rhọ nu vhẹ la, mhi ngme khase vhẹ emeni a kẹkẹ shi ushi Imozisi ali eni ebolẹ ali ebe lsamu (ebe iwolo ldevidi) e nwemaa tsẹ."
45
Ọọ ke gweghyie wẹ idua, khi e kẹ yẹsẹ emeni ebe akẹkẹshekẹ o ngme.
46
Ọọ wẹ, ''Oo la akẹkẹshekẹ, khi ọni lkiristi khi ọ mẹ ẹchọ, ọ te egwhi vhule ogbẹlẹ ozesẹ.
47
Abagwhoyọ ichegbe vhi ingmobe le ali iyele ingmobea a ngme ọ gasẹ ẹvhue khi ẹvhue kwu elemhi eva ọli, vha te ljerusalemu gbasẹ.
48
Vhẹvhẹ khi ọtsẹ eni ingme na kwu.
49
Ghee, mhi ghyie oni ishobọ lta mhẹ a bhuli vhẹ. Ama vha mhugha vhi elemhi oni evhue, rhili apfishi na mhi rhọ laa rhi izemhi te aleghyie ghyi vhẹ.''
50
lyọ ljesu ọ rhọ khẹ wẹ a rhamhi odẹ apfishi ni e rhọ chi mama lbetani. Ọọ yasẹ abọ eda ọ zọte na we.
51
Ọọ ke zọte na wẹ, ọ dobẹ wẹ shi ayọ a rhue ọli shele je elemhi eda.
52
Elemhiyọ e gbega nali, e rhi ududmhi oghẹlẹ liegbe bhale vhi ljerusalemu.
53
Ẹrhẹghẹ kwu li e rhẹẹ la owuka, ee gbega ni lshinegba.