1
Ẹrhẹghẹ ni Ishinẹgba ọ rhọ te odẹ ọdọdọda te unu ebolẹ nu itita eyẹ ẹẹ ngme.
2
Ama eni egbẹlẹ ikposhimhi ena, unu ọni Ọmyi ọli li ọ ke te nu eyẹ ngme, ni ọ zẹ khi ọ le ukwu ẹtsẹkẹ kwu, ni o kyia khi ikpa ọli li ọ te ma agbọ kwu.
3
Lẹ ọni Omyi ọli lẹ khi ọni anyanyaa ni ọ la ikiki ọli, li ọ rhi emeni Ishinẹgba ọ kyia khasẹ, ọọ rhi izemhi ọli gbe ingmemhi ọli awẹ sọ ekẹ. Abhi ọ rhọ gbe ingmobe kwa ni iọgbọ kwu, ọ vu a shitọ obọ obita ikiki ọli ni o yagha nẹẹ.
4
Ọ she nwu ẹloe dala eni ighyiukọ, rharhi eva ni ọ le vhi ukwu o vọ ẹloe dala eva wẹ.
5
Rharhi khi a vha mẹ aghyiukọ ni Ishinẹgba ọ nu ngme gwhe ni ọọ li, “Ghyiẹ khi Omyi mhẹ, amo ena mhi she kyili Ita ẹ.” Mhi laa kyili Ita ọli, lẹ ọ ke kyili Omyi mhẹ”?
6
Abagwhoyọ, abhi Ishinẹgba ọ rhọ rhi omọjọ ọli bhẹ vha agbọ, ọọ li, “Ighyiukọ Ishinẹgba e nwemaa gbe ga nali.”
7
Obodẹ eni ighyiukọ ọọ li, “Ọni ọ rhi ighyiukọ ọli kyili iyẹmhẹ, ọ rhi egamhẹ ọli kyili ẹlamhi erhẹ.
8
Ama obodẹ ọni Ọmyi ọ ni Ọmọse, Ishinẹgba ọọ li “Eghyiele ẹ, uwi ẹlẹnagbọagbọ apfishi ẹlẹnagbọagbọ li o kyia; ipfuasẹ li o laa kyili orhẹ atuekẹ eghyiele ẹ,
9
U nono igwabhagbe u kyhie umhasuesọ, Elemhiyọ Ishinẹgba, Ishinẹgba vhẹ, ọ she kwu ovhili oghẹlẹ rhugwhu ẹ khi u rhọ dala ugbago ẹ,”
10
Ituẹkele, Ishinẹgba, u tue agbọ ekẹ le. Oni idane o kyili ikanya abọ ẹ.
11
E gaa li opfua, ama ghyiẹ u kyhie la. wẹwẹ kwu e laa dejọa abhi ode.
12
U laa khyili wẹ ekẹ abhi ode, e nwu lieliẹ abhi ode ama abhi u li iyọ li u li, abagwhoyọ ikpe ẹ e vhaa pfo.”
13
A vha mẹ aghyiukọ ni Ishinẹgba ọọ li gwhe, “De shitọ mhẹ obọ obita, apfishi na mhi rhọ laa rhi ẹbele ẹ shi ẹ vhi ijiawẹ”?
14
kwu a khi iyẹmhẹ li e gaa kyia ni a ghyie khi e kee lẹẹ gbe akanya ni eni e laa le imyiepfuese ukwu, e rhi ẹloli a kee kwhu wẹ?