¹ Ipọlu, Isivanus, ali Itimoti li e kẹkẹ oni ebe ona gyhi uka ni o la Itẹsaloniasi ni e kyili uwi Ishinegba ni ita Ọnọmhọli ni Ijesu Ikiristi. izọtena ali ọpfọmhẹ o kyili uwẹ vhẹ. ² Eyẹ lee kphẹmhi a ni Ishinẹgba ni vhẹvhẹ kwu utotona, abhi eyẹ lia ta eva vhẹ shi olema ni eyẹ a pfi. ³ Eyẹ vha yele ikanya imyiesuọ vhẹa ukpẹlue Ishinegba eyẹ ni ita, ni vha rhi ighọli gbe, ali abhi vha li rhi egbe nya Ọnọmhuẹyẹ Ijesus Ikiristi. ⁴ Inyọngwo mẹ ni Ishinegba ọ somelemhi, eyẹ yẹsẹ inyanlu ni a nyalu vhẹ, ⁵ yẹsẹ abhi eyẹ li nu vhẹ nyele khi o rhọ ti vhẹ egbe lọ. Eyẹ gwe rhi ingmemhi Ishinẹgba ni eyẹ a ngme rhamhi vhẹ egbe, a khi ingmemhi unu lọgwho, ama li shi izemhi ni o la elemhi Ayẹmhẹ ni o Pfuasẹ. ⁶ Vha kee khọlia eyẹ ali Ọnọmhọli, ni vha rhẹ rhẹ lia mẹ ẹchọ vha rhi oghẹlẹ Ayẹmhẹ ni o Pfuasẹ myie eni ingmemhi. ⁷ Emeni e ke de vhọ le khi, vha kyili irhọkhasẹ ni eni e myie Ijesu suọ ni e la Imasẹdonia ali Achaya. ⁸ Rharhi khi oni ingmemhi Ishinegba o she lasele, a khi Imasẹdonia ali Achaya lọgwho, ama ashakhasha kwu imyiesuọ vhẹ o she ga ekẹ. emeni a ke mẹ vhọ, lẹ khi eyẹ vha mhọli emeni eyẹ ke la ngme nena. ⁹ wẹwẹ obọ wẹ rhẹmhi ea ngme uvhali ibhẹ ni eyẹ bhẹ vhi iteteva vhẹ abhi vha li kpẹsẹ abọ myie eyẹ. Abhi vha li tsua ikhumhi kwha ni vha ke li liegbe lẹẹ ga egbegbi Ishinẹgba. ¹⁰ Ali abhi ha mugha a khẹ Omyi ọ ni ọ laa te alegyhie bhẹ, ni ọ nwu te egwhi vule. Lẹ khi Ijesu ni ọ tsumhi eyẹ vhi ofu Ishinẹgba noa bhẹ le.