Ikhomhi 4 Ipitẹ ni ikyiatsolo
1
Abhi ọ ke rhọ kyila khi ijegbe Ikiristi ọ mẹ ẹchọ, vha li zẹ idu eyọyọ, rharhi khi ọni ọ rhi ẹchọ ni ijegbe ọ, ọ she gwhua rhọ khali ingmobe.
2
Ọgbọ ọyọyọ ọ kee dua ẹtsẹkẹ ni e la aleghyie a khi ẹtsẹkẹ oni agbona.
3
O she tẹsẹ ni vha te a khyiẹlẹ emeni eni e vha myie suọ ea khyiẹlẹ. vha nyele umumumẹ, nabhi ẹtsẹkẹ elamhijegbe, ida enyọ, ila agbaa edenyọ, igbe idetsia ghogho ali ibẹna lasẹ ebo.
4
O dobẹ a nwu eni e vha myiesuọ ẹloe abhi vhavha gwe lia de gboghyiẹ wẹ a khyiẹli ijajamhi ingme, li e te a zẹ onobe vhẹ.
5
Ama ee laa rhọ khasẹ Ishinẹgba ni ọ laa gwu eni e la vhọ ali eni e gwholoa ẹzọ abhi e li gbe.
6
Ona li o rhi a kpọ ngme eni ingmemhi Ishinẹgba khasẹ eni e kpọ gwhuloa, eni a gwu ẹzọ ni ẹrhẹghẹ ni e rhọ nyele ghe mhẹ ghe ẹ; rhẹmhi a ngme oni ingmemhi khasẹ wẹ khi elemhi ayẹmhẹ e kẹ nyele abhi Ishinẹgba ọ li nyele.
7
Ikposhimhi ẹtsẹkẹ kwu o she chi bhẹ. Iyọ vha nwemaa rhi ẹloe a kpẹ egbe vhẹ egbe, vha gwhọghọ egbe vhẹ abọ khi vha kẹ kee dobẹ pfi olema.
8
Ọzukhomhi oni ingme kwu, vha mhọli ighọli egbẹ vhẹ onaghyie, rharhi khi ighọli li oa gwese igbegọ nebu.
9
Vha rhue obọa kee ni egbe vhavha wọwọ.
10
Ọgbọgbọ ọ rhi isomhopfa ni ọ te obọ Ishinẹgba mẹ kpaghyiẹ eni e kpọẹ obọ, abhi egbegbe ọni a rhi isomhopfa Ishinẹgba nebu shi obọ apfuẹ.
11
Ọni ọa ngme ingmemhi Ishinẹgba ọ kee ngme oni ingmemhi onaghyie; eni ea ga e rhi izemhi ni Ishinẹgba ọ rhọ na wẹ kee ga; ishọyọ khi a te ena kwu rhi ikiki ni Ishinẹgba te ikpa Ijesu Ikiristi, ishọyọ khi ikiki o kyili uwi Ishinẹgba te ikpa Ijesu Ikiristi. Ikiki khi uwi ọ ẹlẹnagbọagbọ apfishi ẹlẹnagbọagbọ itsẹ.
12
Inyọgwhọ mhẹ, imhẹ vha dobẹ ọli nwu vhẹ ẹloe ni vha mẹ ọnwufẹẹ ni e ze ni vhaa mẹ, abhizẹzẹ khi a vha kpọ mẹ yọ gwhe.
13
Onochi vha kee ghẹlẹ khi vha li nu Ijesu kemhi ẹchọ ni ọ mẹ, oo laa kyili oghẹlẹ ogbẹlẹ ni ọa bhẹ,
14
Ivọsẹna khi uwẹ vhẹ ni a zẹ ẹnwẹ na vhẹ rharhi vha rha khali Ikiristi; ivọsẹna o kyili uwẹ vhẹ, Ayẹmhẹ ikiki ali Ishinẹgba o nu vhẹ la.
15
Imhẹ vha mẹ ẹchọ abhi ọni ọ gbe ugbee, wẹ khi agyiaguda, wẹ khi ọghyiatọ, wẹ khi ọni ọa pfuẹchẹ uwi iọgbọ evhese.
16
Abhabhi o rhẹ li, vha khaa mẹ ẹchọ rharhi khi vha rha khali Ikiristi, imhẹ vha dobẹ omama nwu vhẹ, vha rhi oni eva ọyọ kee chichi Ishinẹgba.
17
Rharhi khi o she rhamhi ẹrhẹghẹ ni igwẹzọ o rhọ te apfẹ Ishinẹgba a teukẹle; o kha ke te iteteva eyẹ gbasẹ, see eni e la elase ni e vha lama shi ingmemhi Ishinẹgba e ke wẹ laa li?
18
Abagwhoyọ, ‘’O kha nwu eni e myie suọ unu khi e rhọ pfue vhọ le, see o ke wẹ laa li eni e vha myie suọ ali iọgbọ ebe?’’
19
Iyọ eni e mẹ ẹchọ abhi Ishinẹgba ọ li nono ọli, e rhi egbe wẹ ni ima ea kee khyiẹlẹ onaghyie.