¹ Ipitẹ, mhẹmhẹ aghyiusomhi IJesu Ikristi, mhẹmhi kẹkẹ oni ẹbe ona ghyi elele ni e pfino khakha ni a zẹ kwu aloekẹ Ipọtusi, Igalatia, Icapadocia, Eshia ali ibithinia. ² Ni Ishinẹgba ni Ita ọ she kpọ zẹ shi ekẹ, rhọ te ikpa ikanya ipfuasẹ oni Ayẹmhẹ ni o Pfuasẹ, rhari imyie Ijesu Ikirisiti suọ ali ipfiaka ọlia li; Ishinẹgba ọ zẹ ọte na vhẹ, ọ khyi nya vhẹ ọpfọmẹ. ³ Ichichi o kyili uwi Ishinẹgba ali Ita Ijesu ikiristi! Elemhi Ivhelemhi ọli nofu, ọ she khyiẹlẹ eye vyia bhẹ vhi irhegbenya ni o nyele te ipka inwu Ijesu ikiristi te egwhi vule. ⁴ Khi a rhọ le ukwu ni o vha pfuẹchẹa, ni o vha nwu ijomhi, wẹ khi rhẹmhi o takwa ni a rhọ shi aleghyie shina eyẹ. ⁵ A she rhi izemhi ishinẹgba khẹ vhẹ shi ekẹ te ikpa imyiesuọ, rharhi imyiepfuese ni a she nwegbe shi ekẹ khi a laa rhọ khasẹ vhẹ ẹrhẹghẹ ikposhimhi. ⁶ Ona li vha ghẹlẹ a shi ena, ama ukwukwu ẹrhẹghẹ vha dobẹ a mẹ inwufẹẹ ọdọdọda. ⁷ Ona la rha nwu irhọshiọ vhẹ a fẹẹ ni o kyili onaghyie. O kha rhẹ kyili igolu, ni ọa pfuẹchẹa, o li te erhẹ dọsẹ la lẹẹ, vha ke laa ngme khi imyiesuọ vhẹ ni o ghalẹ dala igolu, a nwemaa nwu ọli fẹẹ, khi o kẹ dobẹ rhi egbe myie. Ishọyọ khi a chichi vhẹ ogbẹlẹ ni Ijesu Ikiristi ọa bhẹ. ⁸ Vha mhọli ighọli ọli, ama vhavha mẹ ọli gwhe, vha lama shi ọ vhọ, ama vhavha mẹ ọli gwhe. Ukpokpomhi oghẹlẹ ikiki o vọ vhẹ ni a vha dobẹ a khọkhọ, ⁹ Rharhi khi vha she a myie emeni imyiesuọ vhẹ o nono, ni o kyili ipfa ayẹmhẹ vhẹ vhọ le. ¹⁰ Obodẹ oni imyiepfuese ona, eni ebolẹ, ni e ngme obodẹ ivhẹlemhi ni ọa bhẹ bhuli vhẹ le, rhẹmhi e kwu egbea nono ọ, ¹¹ Ee nyakwa gwanọ oni ẹrhẹghẹ ali abhi o lẹẹ li ni ọni ayẹmhẹ Ikiristi ni o la wẹ egbe oo ngme obodẹ ẹchọ ni Ikiristi ọ lẹẹ mẹ ali ikiki ni o lẹẹ rhọ khali ọ. ¹² Ishinẹgba ọ rhọ khasẹ wẹ khi a khi egbe wẹ li e gbe eni ikanya ena ẹẹ na ama vhẹvhẹ, ni e rhọ ngme ingmemhi ni e te ikpa izemhi Ayẹmhẹ ni o Pfuasẹ ni e te aleghyie bhale khasẹ vhẹ. O tẹsẹ ni eni ighyiukọ e te dọ eni ingme ena ẹloe. ¹³ Rharhiyọ, vha nwuno idu vhẹ egbe shi akanya. Vha rhọ kee nwu egbe; vha rhi egbe nya izọtena ni a laa rhọ na vhẹ ni Ikiristi ọ ke bhẹ. ¹⁴ Abhi ivhiẹ ni ea suẹsọ, imhẹ vha nwu kwu ọgwhẹmhẹ obe vhọ ni vha kpọ ẹẹ khyiẹ ni vhavha rhọ mhọli iyẹsẹ nee. ¹⁵ Ama abhi ọni ọ nyanlu vhẹ ọ lee li pfuase eyọ, vha liyọ pfuasẹ ememeni vhaa khyiẹ kwu. ¹⁶ Abhi o li la akẹkẹshekẹ eyọ: ni ọ rhọ ẹẹ li, ‘’Pfuasẹ abhi mhi li pfuasẹ.’’ ¹⁷ Abhi o ke rhọ kyia khi vha nyalu Ita ni ọ vha rhi ọna li ọ kpẹ nẹẹ a gwu ẹzọ, vha rhi ekpẹ ali ulishi nyele abhi elele oni agbona. ¹⁸ Vha yẹsẹ khi a vha rhi emeni ea pfuẹchẹa dẹ vhẹ nabhi igolu ali isiliva ni a rhọ tsumhi vhẹ vhi agbọ apfuẹ ni ititita vhẹ e rhọ shi ekẹ shina vhẹ, ¹⁹ Ama ọlia Ijesu ni ọ ghale nẹẹ a rhọ tsumhi vhẹ, oke ni ọ vha mhọli itonotono wẹ khi ukphiọkphiọkphiọ li ọ kyia. ²⁰ Ituekẹle agbọ li a te zẹ ọ, ama ikposhimhi li ọ ke rhọ bhẹ rharhi vhẹvhẹ. ²¹ ikpa ọli vha te lama shi Ishinẹgba vhọ vha rhi ikiki nali, vha lama shi Ishinẹgba vhọ vha gwe rhi egbe nya ọli. ²² Vha she rhi ayẹmhẹ vhẹ shi ipfuasẹ rharhi isuọesọ ni oni ingmaghyie ali imhọli ighọli ni eni inyọgwho vhẹ, iyọ vha mhọli egbegbe ighọli ni o te udu lasele ni egbe. ²³ Rhọ te ikpa eni ingmemhi Ishinẹgba ni e nyele a she khyiẹlẹ vhẹ vyia, a khi ikpamhi erhẹ ni ea pfuhẹa li a rhọ khyiẹlẹ vhẹ vyia ama ikpamhi erhẹ ni e vhaa pfuẹchẹa. ²⁴ ‘’Rharhi ọgbọ kwu rhẹmhi ọ liabhi ebuli ikiki wẹ e liabhi idodo ni e la ebhui: eni ebhui e kha khakhaa eni idodo e dena kwa. ²⁵ Ama ingmemhi Ishinẹgba rhẹmhi e nyele ẹlẹnagbọagbọ.’’ Ena khi ingmemhi ni a rhọ tsabọ khasẹ vhẹ.