¹ Mhia nono khi vha yẹsẹ inyọgwho mẹ, ni ikpotso ali emọse, khi ita eyẹ e rhọ te atutu ali okwu dọsẹ a lẹ. ² Wẹwẹ kwu li e mhọli ibatizimhi vhi elemhi atutu ali okwu ẹrhẹghẹ Imozisi, ³ Wẹwẹ kwu ee le eminale ayẹmhẹ. ⁴ Wẹwẹ kwu ee da a mẹ ayẹmhẹ. E te irhui ogwho ni o rhẹ khẹ wẹ da amẹ, oni irhui khi Ikiristi. ⁵ Ama egbe e vha nwu Ishinẹgba rhọ khali ebubu wẹ, ilimhi wẹ e pfi khakha elemhi apata. ⁶ Ena kwu rhẹmhi a rhẹ wẹ rhi irhọkhasẹ khasẹ eyẹ, khi eyẹ ke li ingmobe abhi eni e kpọẹ e li li ingmobe. ⁷ Iyọọ imhẹ vha kyili eni ea ga ikwhumhi, abhi egwho e li. o laa akẹkẹshekẹ, “Eni iọgbọ e denashitọ ee le ee da, e vule ee gbe ishimhi idetsia.” ⁸ Iyọọ, imhẹli eyẹ gbe idetsia, abhi ebubu egwho vhi elemhi wẹ e li. Agbẹlẹ igbhọ igbe asha uye ali esẹ e gwhuloa ogbẹlẹ ogwho rharhi ona. ⁹ Wẹ khi rhẹmhi eyẹ a nwu Ikiristi imhasẹ, abhi ebubu e li ni enyẹ rhọ gboloa wẹa. ¹⁰ Wẹ khi rhẹmhi vha ke ekwumhẹ, rharhi khi eni e liyọ ke ekwumhẹ aghyiukọ egwhuli li ọ gbolo wẹa. ¹¹ Enana kwu irhọkhasẹ li e kyia ni eyẹ. Rhẹmhi a kẹkẹ wẹ shi ekẹ rhọ vhi eyẹ ude--- ni eyẹ ni eyẹ nyele ẹrhẹghẹ ni agbọ o rhọ laa pfo ena. ¹² Iyọ ọni ọ khọkhọ khi lẹ gbesọ ọ rhi ẹgbhẹ kyia khi ọọ ke de. ¹³ A vha mẹ ọnwufẹẹ ni u mẹ egbe ni a vha kpọ mẹ agbọ gwhe. Ama Ishinẹgba ọ tẹ na rhi egbe a da. Ọ vha laa dobẹ ọnwufẹẹ nofu dala vhẹ rhamhi vhẹ vhi egbe. Elemhi oni ọnwufẹẹ ọ laa rhi odẹ na vhẹ na pfue, khi vha kẹ dobẹ rhi egbe myie. ¹⁴ Iyọ, eni e ghọli mhẹ, vha na ni ilasobo. ¹⁵ Rhẹmhi nu vhẹ ngme abhi iọgbọ ni e lia sa, vha dobẹ li te egbe vhẹ sọ a shi vhọ. ¹⁶ Akpa ivọsẹna ni eyẹ zẹ ọte na, o vha kyili ọlia Ikiristi li o kyia ni eyẹ a kemhi? Oni ukphapha ni ẹyẹ gbe khyi o vha kyili ijegbe Ikiristi ni eyẹ a kemhi? ¹⁷ Rharhi khi urhui ukphakpha ogwho li a mẹ, eyẹ ni eyẹ bububu ijegbe ogwho li eyẹ kyia. Urhui ukphakpha ogwho li eyẹ gbaa kemhi. ¹⁸ Vha bino iọgbọ Izulẹ gwhe: a khi eni e la ukhomhi ọta gbe ikanya wẹwẹ li e le emeni a rhọ lasẹ obo? ¹⁹ See mhi ke a ngme nena? Khi ikwumhi o mhọli emeni o kyila khi oyọ? Ọa liyọ khi emenale ni a rhọ lasẹ obo ni ikwhumhi khi o kyili ẹtsẹkẹ? ²⁰ Ama obodẹ ilasobo ni Ijẹtasi ea lasẹ, iyẹmhẹ ebe li e lasẹ wẹ a ghyi a khi Ishinẹgba. Imha nono khi vha mhọli obọ shi iyẹmhẹ ebe vhọ! ²¹ Vha dobẹ laa la akpa Ọnọmhọli da vha ke gwe la akpa okyhio a da. rharhi khi vhavha laa dobẹ la itebu Ọnọmhọli le emenale vha ke gwe la itebu iyẹmhẹ ebe a le emenale. ²² Laa khi rhẹmhi eyẹ ke rhi ofu ikhofuma a fu Ishinẹgba ena? Eyẹ mẹẹ ze dala li? ²³ “Etsẹkẹ kwu e ti” ama a khi ẹtsẹkẹ kwu li elele e la. “Ẹtsẹkẹ kwu e ti” ama a khi ẹtsẹkẹ kwu li e kpholo ọgbọ a shele. ²⁴ Imhẹli a mẹ ọni ọa nono onaghyie ilọgwho. ama ọgbọgbọ ọ ke nono onaghyie ọgbọ nabhi lẹ. ²⁵ Vha dobẹ a dẹẹ ememeni a rhọ gbhẹ vhi okyi, vhavha mhila ogbọ rharhi udu vhẹ. ²⁶ Rharhi khi “Ishinẹgba li ọ ma ukhomhi ekẹ kwu, ali emeni e la vhọ kwu.” ²⁷ A kha mẹ khi ọni ọ vha myiesuọ ọ nyalu vhẹ khi vha kaa le emenale, khi o ghọli vhẹ khi vhaa yee, le ememeni ọ rhọ shi ekẹ na vhẹ vhavha mhila ogbọ rharhi udu vhẹ. ²⁸ Ama, ọgbọ ọ kha ke ngme khasẹ vhẹ,ọọ vhẹ, “Ọni ẹlamhi ona rhẹmhi a rhọ lasẹ obo,” imhẹ le ọli. rharhi ọni ọ gwu khasẹ vhẹ, ali udu vhẹ. ²⁹ A khi rharhi udu vhẹ lọgwho, ama idu iọgbọ evhese. See udu ọgbọ ọvhese o ke lia gwu mhẹ ẹzọ shi igbadegbea mhẹmhẹ ọgwho? ³⁰ Mhi kha rhi ikphẹmhi le emẹnale, elọ a ke a mẹ emena mhi she kphẹmhi shi? ³¹ Vha le vha da, ememeni vha khyiẹlẹ kwu vha khyiẹlẹ ọli rhọ rhi ikiki ni Ishinẹgba. ³² Imhẹ vha nwuno ingme ni Ijusi wẹ khi Igiriki wẹ khi ika Ishinẹgba. ³³ Vha nyakwha rhi egbe nwu agbọ kwu abhi mhi li rhi egbe a nwu agbọ kwu odẹ khi odẹ kwu eyọ. Imha vha nono onaghyie vhẹvhẹ ọgwho, ama uwi agbọ ebubu. Rhẹmhia liyọ khi e kẹ mhọli imyiepfuese.