Ikanya eni ighyiusomhi ikhomhi 8
1
Nena, obodẹ elamhi ni a rhọ lasẹ obo ni ikwhumhi: Eyẹ yẹsẹ khi, ''Eyẹ kwu eyẹ mhọli iyẹsẹ.'' Iyẹsẹ rhẹmhi ọa pfi ichichegbe, ama ighọli rhẹmhi ọa pfi izemhi.
2
Ọgbọ khẹ khi lẹ maa yẹsẹ, ọgbọ ọyọyọ ọ vha khyie yẹsẹ emeni ọ kha yẹsẹ.
3
Ama ọni ọ mhọli ighọli Ishinẹgba, li Ishinẹgba ọa yẹsẹ.
4
Iyọ, obodẹ ile emenale ni a rhọ lasẹ obo: Eyẹ yẹsẹ khi “Ikwhumhi apfuẹ li o kyia oni agbona. “khi Ishinẹgba ọgwho li a le mẹ.”
5
Rharhi khi agbọ e mhuẹ Ishinẹgba nebu shi ekẹ ali eda, abhi e le li mhọli Ishinẹgba ekeke nebu eyọ.
6
“Ama eyẹ ena Ishinẹgba ọgwho li eyẹ mhuẹ ni ọ kyili ọni Ita, obọ ọli li a te ma ẹtsẹkẹ kwu, lọ gwe zẹ ni eyẹ rhọ nyele, Ọnọmhuẹyẹ ọgwho li a mẹ ni ọ kyili Ijesu Ikiristi, ni a te ikpa ọli ma ẹtsẹkẹ kwu, ni ọ zẹ ni eyẹ rhọ nyele.”
7
Ama a khi ọgbọ kwu li ọ yẹsẹ ona. Rharhi, ikwhumhi li ebubu iọgbọ e kpọ ẹẹ ga, e le eni emenale ena abhi ẹtsẹkẹ ni a rhọ lasẹ obo. O rhi udu wẹ nwu ijomhi rharhi khi oo pfi ọlọsẹmhẹ.
8
Ama a khi emenale li o chi eyẹ a mama Ishinẹgba. Eyẹ kha le o vha pfuẹchiẹa, wẹ khi rhẹmhi o rhi eyẹ ti shi vhọ.
9
Ama rhi ẹgbhẹ kyia khi igbadegbea ni vha mhuẹ o ke rhẹ vhẹ khyiẹlẹ emeni ee pfi eni o lọsẹ gbe.
10
Rharhi ọgbọ ni udu o vha nwu a mhuẹ na shi ẹtsẹkẹ enana, ọ mẹẹ bhale a vhẹ ẹ khi u la owa ikwhumhi a le emenale ni a rhọ lasẹ obo ni ikhumhi, o vha mẹẹ laa rhi udu nali khi ọ rhọ li le elamhi ni a rhọ lasẹ obo?.
11
Asha ni u ke yẹsẹ emeni ikwhumhi o kyia, u waa li ọni inyọgwho ẹ ni ọkpotso ọa liyọ ni ọmọse ni udu ọli o vha womhẹ nee ni Ijesu ọ gwhua na opfua yọọ.
12
Abhi o li kyili ingmobe ni inyọgwho ẹ ni ikpotso ali ọni emọse ni udu wẹ e vha womhẹ nee eyọ, Ikiristi li u li pfidọ na eyọ.
13
Elemhiyọ, emenale o kha laa pfi inyọgwho mhẹ gbe, Onochi imha gwe wẹ a le eni emenale pẹẹ, khi mhii ke pfi inyọgwho mhẹ gbe.