Ikanya eni ighyiusomhi ikhomhi 13
1
Mhi kha rhẹ lia zẹ ẹvholi iọgbọ, ọa liyọ ẹvholi ighyiukọ. Ama khi imha mhọli ighọli, irhẹmhia ngme abhi ulo ali ighalawa ni ẹtsẹkẹ ọ vha la.
2
Mhi kha rhẹ mhọli isomhopfa ni a rha ngme ingmemhi ogbhagbha Ishinẹgba lase, mhi gwe mhọli iyẹsẹ ingmaghyie ni e gbhagbha kwu ali iyẹsẹ khi iyẹsẹ kwu, mhi mhọli irhọshiọ kwu ni a rha vulo ekphaa. Ama khi imha mhọli ighọli apfuẹ mhi kyila.
3
Mhi kha rhẹ rhi emena mhi mhọli kwu rhọ rhi emenale ni enanya le, mhi rhẹ rhi ijegbe mhẹ na wẹ tosẹa. khi imha mhọli ighọli, irhẹmhi nwu apfuẹ.
4
Ighọli lẹ khi irhobọnwidu ali isomhelemhi, ighọli o vha mhuẹ ẹtsẹkẹ ituọgbe wẹ khi rhẹmhi ọa nyanọ. O vha chichegbe.
5
Ọ vha mhuẹ irhẹloegbe. Wẹ khi rhẹmhi ọa nono uwi lọgwho. o vha kẹlẹ a mhọli ofu, wẹ khi rhẹmhi ọa nwuno ingme.
6
Egbe onobe o vha nwu ọ, Onochi, ingmaghyie li o rhi egbe a nwu ọli.
7
Ighọli rhẹmhi o rhi egbe a myie ẹtsẹkẹ kwu, o lama shi ẹtsẹkẹ kwu, o rhi egbe a nya ẹtsẹkẹ kwu, ọ rhi egbe a myie ẹtsẹkẹ kwu, o vha lọsẹ ọ.
8
Ighọli o vha mhọli ukpẹsẹ. a kha rhẹ mẹ ingmemhi ogbhagbha, ee dọsẹ laa lẹ. a kha rhẹ mẹ ẹvholi ọda, ee dọsẹ laa lẹ. A kha rhẹ mẹ iyẹsẹ, oo dọsẹ laa lẹ.
9
Rharhi opfọgwho li eyẹ yẹsẹ, eyẹ a ngme ingmemhi ogbhagbha opfọgwho.
10
Ama oni igbapfuse o kha bhẹ, oni o vha gbapfuse o dọsẹ a lẹ.
11
Abhi mhi rhọ kyili ọmọ, mhii ngme abhi ọmọ, mhi sa abhi ọmọ, mhi le ibe abhi ọmọ. Abhi mhi ke rhọ womhẹ, mhi tsua ingmemhi ọmọ kwa.
12
Ughegbe li eyẹ te a mẹ ẹtsẹkẹ bilibili nena, ama oni ẹrhẹghẹ oyọ ghe mhẹ ghe ẹ li eyẹ ke te laa mẹ wẹ gboo. Mhi yẹsẹ egwho vhọ nena, ama oni ẹrhẹghẹ mhi la laa yẹsẹ wẹ pfuse, abhi mhi le li kpọ yẹsẹ eyọ.
13
Ama eni ẹtsẹkẹ esẹ ena li e laa kpọẹ; Irhọshiọ, iregbenya ni ọdalo, ali ighọli. Ama oni o gaa fu nẹẹ kwu li khi ighọli.