¹ Vha kee khọlia mhẹ; abhi mhi lia khọlia Ikiristi. ² Nenaa mhi chichi vhẹ rharhi khi vhaa sato mhẹ vhi egbe odẹ khi odẹ kwu. Mhi chichi vhẹ rharhi khi emena mhi wẹna vhẹ vha lee liyọ nwu wẹ ze abhi mhi lee li wẹna vhẹ wẹwẹ. ³ Mhia nono khi vha yẹsẹ khi Ikiristi lẹ khi ukhomhi ọmọse, ọmọse ọ kyili ukhomhi ọkpotso, Ishinẹgba ọ kyili ukhomhi Ikiristi. ⁴ Ọmọse ni ọa pfi olema ọa liyọ ọa ngme ingmemhi ogbhagbha ni ọ gwese ukhomhi, ukhomhi ọli li ọ rhi ẹloe gbe. ⁵ Ọkpotso ọ khaa pfi olema ọa liyọ ọa ngme ingmemhi ogbhagbha Ishinẹgba lasele khi ọ vha gwese ukhomhi, ukhomhi ọli li ọ rhi ẹloe gbe. Rhẹmhi ọ liabhi ọni ọ ta itsua. ⁶ Ochi ni ọkpotso ọ vha rhọ gwese ukhomhi ọ wẹẹ ta itsua. Ishọyọ o kha ke kyili omama nali khi ọ rhọ ta itsua, ọ wẹẹ gwese ukhomhi shiọ. ⁷ Imhẹli ọmọse ọ gwese ukhomhi, abhi o ke rhọ kyia khi lẹ khi arhọkhọkhọ Ishinẹgba. Ama ọni ọkpotso khi ikiki ọni ọmọse. ⁸ Rharhi khi a khi ijegbe ọkpotso li a te ma ọmọse. ama ijegbe ọmọse li a te ma ọkpotso. ⁹ Rharhi khi a khi ijegbe ọkposto li a te ma ọmọse, ama, ijegbe ọmọse li a te ma ọkposo. ¹⁰ Ona li o zẹ khi ọkposto ọọ kha rhi ẹtsẹkẹ a kwu ukhomhi ni o rhọ khasẹ khi ọgbọ kpeda nali, rharhi eni ighyiukọ Ishinẹgba. ¹¹ Ama, elemhi Ọnọmhọli, ọkpotso ọ vha mhọli izemhi obọ ọli ina khi ọmọse, wẹ khi ọmọse li ọ mhọli izemhi obọ ọli ina khi ọkpotso. ¹² Rharhi khi abhi ọni ọkpotso ọ li te ikpa ọmọse lasele, iyọ li ọni ọmọse ọ li te ikpa ọkpotso lasele. abagwhoyọ ẹtsẹkẹ kwu obọ Ishinẹgba li e te bhẹ. ¹³ Vha te egbe vhẹ sọ vhọ gwhe: Oo mẹ gbe akanya khi ọkposo ọ kee pfi olema bhuli Ishinẹgba ọ vha gwese ukhomhi? ¹⁴ Laa khi a khẹ li uwi otsonagbọ vha li yẹsẹ khi itsu ọmọse e kha vu gbishi, khi omama li o kyia nali? ¹⁵ Abhi Ishinẹgba ọ li ma agbọ o vha li wẹna vhẹ khi ọkpotso ọ kha zẹ itsu ni e de, khi ikiki li o kyia nali? Rharhi khi rhẹmhi a rhi eni itsu nali gwese ukhomhi. ¹⁶ Ama, a kha ke mẹ ọni ọ la le ona vhi epfuasẹ, Shi eyẹ ali ika Ishinẹgba eyẹ vha khyiẹlẹ emeni e degbea shi ona. ¹⁷ Ona mhi ke gwe la khọli khasẹ vhẹ ena, Imha chichi vhẹ. rharhi khi ulegba vhẹ, o vha rhi onaghyie bhẹ rhẹmhi o khọlọ shi vhọ. ¹⁸ Rharhi oni ikyiatsolo, mhi suọ khi vha legba vhi elemhi uka, vhaa zọlọ egbe, mhii lama shi vhọ swi. ¹⁹ Rharhi khi ovala o nwemaa la vhẹ iteteva, khi a kẹ ke rhi ekpẹ ni eni a zẹ shi ikpa, ²⁰ Rharhi khi vha kha legba, a khi emenale Ọnọmhọli vha le eyọ. ²¹ Vha khaa lee, egwho e kpọ le iyẹ wẹ pfuse nee, neni eni e kpọẹ e chigbe le. Oyọ khi egwho e kha ke da, okyiamhi o ke a gbe eni e kpọẹ. ²² Vhavha gwe mhọli apfẹ vhẹ ni vha la le ni vha la da? Laa rhẹmhi vha ke rhi ẹloe a gbe uka Ishinẹgba vha nwu eni e vha mhuẹ ẹtsẹkẹ mela apfuẹa? See mhi kha ke ngme vhẹ shiọ? Rhẹmhi kha kee a chichi vhẹ? Imha laa chichi vhẹ shi ona! ²³ Obọ Ishinẹgba mhi te myie emena mhi gwu a khasẹ vhẹ ena Ọnọmhọli ni Ijesu, ẹliyọsẹ ni a rhi ọli dẹẹ, ọọ rhue urhui ukphakpha. ²⁴ Ọ kphẹmhi shi ọ pfuse, ọ gbe ọ khyi ọọ li, “Ijegbe mhẹ khi ona, ni o kyili uwẹ vhẹ. Vha kee lina ẹẹ khyiẹlẹ ọ vha rhọ kee sato mhẹ egbe.” ²⁵ Iyọ ọ gwe li rhue akpa, abhi e rhọ le oni emenale pfuse, ọọ li, “Oni akpa ogbọ ona lẹ khi alamanegbe ọlia mhẹ. Vha kee liyọ ẹẹ khyiẹlẹ ọli utotona, vha rhọ kee sato mhẹ egbe.” ²⁶ Rharhi khi ẹrhẹghẹ ni vha rha le oni emenale ona ni vha rhọ te oni akpa ona a da, egwuli Ọnọmhọli vha rha tsabọ apfishi ni ọ rhọ laa bhẹ. ²⁷ Ọnọni ọ laa le oni ukphakpa ona ni ọ laa te oni akpa Ọnọmhọli ona da ni ọ vha tẹẹ, ọọ laa lue rhọ khali oni ijegbe ali ọlia Ọnọmhọli. ²⁸ Ọni ọgbọ ọ kpọ bino egbe ọli fẹẹ nee, neni ọ le oni ukphakpa ni ọ te oni akpa da. ²⁹ Rharhi khi ọni ọ le ni ọ da ni ọ vha nwu egbe ọli etse, igwuẹzọ li ọ le ni ọ da shi egbe vhi egbe. ³⁰ Ona li o rhi ebubu vhẹ a gwhua utotona, li o gwe a gbolo ebubu vhẹ. ³¹ Ama ẹyẹ kha gwanọ egbe eyẹ, a vha ke gwe laa gwu eyẹ ẹzọ. ³² Ama Ọnọmhọli ọ kha te egbe ọli gwu eyẹ ẹzọ, rhẹmhi ọ rhọ chi eyẹ esọ, khi eyẹ ke nu agbọ li opfua. Ama ẹyẹ kha gwanọ egbe eyẹ, a vha ke gwe laa gwu eyẹ ẹzọ. ³³ Elemhiyọ, inyọgwho mẹ ni ikpotso ali emọse, vha kha legba khi vha laa le emenale, vha kee mugha khẹ egbe. ³⁴ Ọni okyiamhi ọa gbe, ọ la apfẹ le emenale, ishọyọ vha kha legba o ke pfi ẹzọ. Ali ingme evhese ni vha kẹkẹ, mhi laa khọli khasẹ vhẹ na mhi ke bhẹ.