¹ Ia wananovi edra matua a lewa ni matabase o Paula qa sa qai aya. "Oi emuau a weaqu e galala re sara tu ga a lowagu e na a e baleta a oqu bula e na mata ni Alou me yacova a siga ai". ² Sa qai varota o Ananaiasa, a Bete levu, vei edra odra tu vole'ati Paula me dra vobalai a susuna. ³ Sa qai ara vei ea o Paula, "A Alou e na vobal'ai io vaidina - ai bulubulu koro vulavula o io! O sa dabe ena itio'tio ari nio lewai au me tautauvata a sa aya a Lawa, ia o sa qai varo'a leqa a lawa e na omu varota me'u sabalai. ⁴ Odru sa qai aya na tu voleati oya, "Sa rui viavia levu a gusumu vei ea Bete levu ni Alou. ⁵ Sauma ve'a i o Paula, "Emuau a weaqu a Isireli, au a maqa ni ila ni Bete levu o oya. Qa ni sa olai tu ena i vola Tabu, "Mo ua ni vosa vacacatai e dua a odra i liuliu a ai omu. ⁶ Ia ni sa igavia o Paula e dua ai to o odra setoki qa dua i to o odra Farisi. Sa qai aci waqe vei edra a lewe ni Matabose qa aya, "Emiau a weaqu a Isireli, o eya edua a Farisi. I ai a oqu lewa ena vu'u ni op vadinatia ai nuinui me baleti odra a mate edra sa tuca'e leqa mai a mate. ⁷ Ia, ni sa oti na nona aya ana, Sa Tubu sa e dua a veiba, ena edra maliwa Farisi ei edra setoki, qa tawase rua sara ina qa sopani leqa waqe. ⁸ O edra a setoki dra na vabauta ni sa maqa a tucao mai na mata, e maqa a agilosi, qa maqa leqa ga a yalo; dra sa vabauta tolutolu oya na farisi. ⁹ A sa tubucae sara a kaukauwa ni veileti vata elaela, qa sa tucae ina eso a daunilawa edra odrai toani a Farisi, qa dra veiba kaukawa sara, qa aya: "Eitou sa maqa ni igavia e dua a cala vei oya a tamata ai. Se igavi ni vosa dina vei eya edua a yalo se agilosi." ¹⁰ Ia ni sa tubu me kaukauwa valevu sara a veileti sa leqata'a a lomada de ra na qai basurai Paula vamatalalai. Sa qai varoti edra ina a sotia me ra lao sobu, qa alirai oya tani mai, qa di vena i tiotio ni valu. ¹¹ Ena bogi ni siga ana a sa tu vaviti Paula a turaqa qa aya, "Mo ua ni rere! O sa Va'adinati au oti oqo o Jrusalemi, a dodo nu va;a ina mo vadinadinatai au leqa ga mai Roma". ¹² Ni sa siga a vanua, dra sa qai nakatai Paula oso a Jiu. Edra sa ca'a va dua a bubului qa dra yalata'a ina, medra ua ni ana se gunu mo yacova ni sa vamatei Paula. ¹³ Edra lewe vasagauilu vacaca o odra sa buireratai Paula oqo. ¹⁴ Edra sa qai lao vei edra a bete levu ei odra a qase qa aya, "Eimami sa bubuluitaa me eimani ua ni amia e dua a'a me yacova ni eimami sa vamatei Paula. ¹⁵ Ia ai, mo miau tuutuu ina ai emiau ei odra a lewe ni Matabase vei ea a Komada me di Paula sobu mada mai vei emiau, me tauvata ga ni o mata ila vara cae a veia me baleti oya. Eimami sa na varau no me eimami vamatei oya ni bera ni yaco mai ei." ¹⁶ Ia sa rogocia a vere o oya a luvei ganei Paula gonetagane i sa qai lao sara ina inono ni valu qa lai aya vei Paula. ¹⁷ Sa qai aciva e dua a turaganivalu o Paula qa aya, "dia mada a gonetagane lailai ai wei oya a komada e motu vei oya e dura aa me aya vei aya." ¹⁸ Sa qai di oya a turapanivalu ana vei eya a komada; qa aya, "A aivesu o Paula sa ocivi au, qa erea me'u dia mai vei emiau a goinetagane lailai ai, baleta ni notu vei eyfa e dua a'a me aya vei emiau." ¹⁹ Sa tauria sara a ligaina aya komada qa tubemi oya vatiitii, qa aya vei eya, "A cava o mata oya vei au?" ²⁰ Sa qai aya o oya, "Edra sa lomaata a Jiu medra erei emiau ni mataa mo miau di Paula sobu ina Matabose ena vanananu nidra ra mata Taroga leqa a Matabose oso leqa a tara me baleti oya. ²¹ Ia mo miau ua sara ni varogoca a odra ereere, baleta ni sa sivia a lewe vasagarulu vei odra edra sa naicataini oya no. Edra sa bubuluitaa tu ni dra na maqa ni ana se gunu me yacova ni dra sa vanatei Paula. Edra sa varau sara tu ga ai, qa dra sa namaa wale tu ga a omiau lewa." ²² Sa qai aya a turnganivalu vei oya a gone tgane lailai, "Ua ni aya leqa vei dua ni oea mai tuutuu vei au." Oti ana sa qai mai vatala sara waqe. ²³ Sa qai acivi odru e rua a turaganivalu a komada, qa aya vei odru, "Mudru varautaa e lewe rua a drau a sotia i valu yava, vata ei na vitusagavulu a sotia ivalu ose, qa rua a drau a sotia ivalu moto medra lao i sisaria ena oiwa a kaloko ni bogi niua. ²⁴ Mudru varautaa leqa ga e so a ose mena vodo ina o Paula, qa di oya vei Vilikesa, a kovana." ²⁵ Sa qai mai vola waqe o oya e dua ai vola qa veai a lewena: ²⁶ "Mai vei Kilotiu Laisiasa, i vei oya a turaga doai a kovana, o Vilikesa. Ni sa bula! ²⁷ A tamata ga di no waqe ari sa volea sara ni dra vamatei oya a Jiu. Ni'u sa mai ila ni ai roma o oya, au sa qai di odra ina a sotia qa lai vabulai oya mai. ²⁸ Ia niu a mata ila se cava a'a edra beitai oyo no ina, au si qai di oya sobu ina ina odra Matabose. ²⁹ Au qai unea ni beitai no o oya ina dua a'a e baleta a odra Lawa, Ia sa maqa ni tila a'a e dodonu ma mate ina, se me notu vavesu ina. ³⁰ Ia ni sa mai ai vei au ni dra sa nairatai oya no a Jiu, au sa va di oya sara waqe ai vei emiau, qau sa varoti odra leqa ga edra sa beitai oya no medra na qai lai aya imatamiau a'a sa beitai ina o Paula." ³¹ Edra sa qai di Paula a sotia me taurata a veia sa varoti vei odra qa di oya sara ina oro o Anitipatiri ena bogi. ³² ena roaroa tarava edra sa qai lesu leqa ina inono ni valu a lewe ni mataivalu ni vanua qa dro tomana a ilaolao o odra a lewe ni mataivalu vodo ose. ³³ Edra sa yaco i Sisaria, qa dra lai solia sara a vola vei oya a kovana, qa soli Paula leqa ga vei oya. ³⁴ Ia ni sa wilia oti ai vola a kovana, sa qai tarogi Paula se o cei a ono yasana. Ia ni sa ila ni ai silisia o oya. ³⁵ Sa qai aya, "au a qai rogoca a'a baleti io nidra ea yaco mai o odra edra beitai io." Oti ana sa qai varota a kovana me lai yadravi no o Paula ena vale ni veilewai i Eroti.