¹ Balamu alandile kuli Balaki, ''Nkulilako amabulambo cine lubali pano elo upekanyeko nengombe ishilume cine lubali elo nempanga cine lubali.'' ² Na Balaki acitile ifyo Balamu aipwishe. Elo Balamu na Balaki bapele ifyabupe fyamalambo ingombe iilume ne mpanga iilume cilabulambo. ³ Elo Balamu alandile kuli Balaki, ''Talama pacabupe cakoca cobe nanebo uwalaya. Limbi Yahweh kuti aisakunkumanya nebo. Ico conse akonanga nebo ndeisakukweba.'' Kanshi alilepamulu walupili apashali fimuti. ⁴ Eluntu Lesa akumenye Balamu, na Blamu alandile kuliye, ''Nebo ndikulile ifipailo cine lubali, elo nebo ndipelepo ne ngombe iilume nempanga pali cila bulambo.'' ⁵ Yahweh abikile icebo mukanwa kakwa Balamu elo alandila ati, ''Bwelela kuli Balaki elo ulande kuliye.'' ⁶ Kanshi Balamu abwelele kuli Balaki, uwataleme pacabupe cakoca cakwe, elo nentungulushi shonse isha bena Moab shali pamo naye. ⁷ Eluntu Balamu atampile ukulanda ubusesemo bwakwe elo alandile ati, ''Balaki asendele nebo ukufuma ku Aramu, imfumu yabena Moab ukufuma kumpili shaku kabanga. 'Isa, untipileko Yakobo, efyo alandile, 'Isa, ukalipile Israeli. ⁸ Kuti nebo natia shani abo Lesa tatipa? Kuti natalikisha shani abo Lesa tatalikisha? ⁹ Pantu ukufuma pamulu wa mabwe; ukufuma palupili nebo ndiloleshe paliye. Bona, kwabako abantu abo abekala beka elo tabaitontonkanyapo ukuba ngenko shimbi. ¹⁰ Ninani uwingapenda ulukungu lwakwa Yakobo nangu impendwa iyaciputulwa icalenga fune icakwa Israeli? Leka nebo mfwe imfwa yamuntu umulungami, elo leka Impela yabune bwandi bube ngo bwakwe!'' ¹¹ Balaki alandile kuli Balamu, ''Find wacita kuli nebo? Nkuletele webo mukutipa abalwani bandi, lelo bona, webo ulibapalile.'' ¹² Balamu alyasukile alandile ati, ''Bushe nshicenjele nebo ukulandafye ico Yahweh akobika mukanwa kandi eco mfwile ukulanda? ¹³ Balaki alandile kuliye, ''Kanshi isa pano nanebo pancende imbi apo wingabamona. Apo webo wingababwenesha mupepi nabo, tebonse bene. Palya kuti wabantipilako.' ¹⁴ Awe amusendele mumpanga ya Sofimu, pamulu walupili lwa Pisgah, elo akulile amabulambo nayambi cine lubali. Apele palya ingombe iilume elo ne mpanga iilume pali cila bulambo. ¹⁵ Eluntu Balamu alandile kuli Balaki, ''Talama pano pacabupe cakoca cobe, ulo nebo nalakumana na Yahweh kulya,'' ¹⁶ Kanshi Yahweh akumenye Balamu elo abikile icebo mukanwa kakwe. Alandile ati, ''Bwelela kuli Balaki, elo umupele icebo candi.'' ¹⁷ Balamu abwelele kuliye, elo abona alitaleme pambali yacabupe cakoca cakwe, elo nentungulushi sha bena Moab shali pamo naye. Eluntu Balaki alandile kuliye, ''Findo Yahweh alandile?'' ¹⁸ Balamu atampile ubusesemo bwakwe. Alandile ati, ''Ima, Balaki, elo nokumfwa. Umfwa kuli nebo, wemwana mwaume wakwa Zippor. ¹⁹ Lesa temutnu, uwakuti abepe, nangu umuntunse, uwakuti apilibule amano yakwe. Bushe ena alilayapo icili conse nokukana cicita? Bushe alalaya kabili akana ukufikilisha? ²⁰ Bona, nebo nabankonkomesha ukupala. Lesa napela ipalo, elo nebo tekuti ndikanye. ²¹ Tabwene ishamo muli Yakobo, elo tabwene ubwafya muli Israeli. Yahweh Lesa wabo abapamo nabo, elo ukubilikisha kwakulumba imfumu kwaba mulibo. ²² Lesa wabaletele ukubafumya mu Egypto mumaka kwati nomboo iya mumpanga. ²³ Takwaba ubwanga ubwingabomba kuli Yakobo, elo tamwaba ukupendula muli Israeli. Kanshi cifwile calandwa pali Yakobo na Israeli, 'Bona ifyo Lesa acita.'' ²⁴ Bona, abantu baima kwati ninkalamo iyikota, ngankalamo iyabutuka. Takalale panshi mpakafye alya icalepeulwa elo nokunwa umulopa waco aipaya.'' ²⁵ Eluntu Balaki alandile kuli Balamu, ''Wibatia nangu kubapalafye,'' ²⁶ Lelo Balamu ayasukile elo alanda kuli Balaki ati, ''Nshikwebele webo nebo ukuti nebo mfwile ukulanda fyonse ifyo Yahweh akongeba nebo ifyo nkalanda?'' ²⁷ Eico Balaki ayaswike Balamu, ''Isa nomba, nebo nkutwale kuncende imbi. Limbi calasekesha Lesa kuli webo ukubantipilako kulya pali nebo.'' ²⁸ Eico Balaki asendele Balamu pamulu walupili Lwa Peori, ulwalolesha panshi yamatololo. ²⁹ Balamu alandile kuli Balaki, ''Nkulilako amabulambo cine lubali pano elo upekanye imgombe ishilume cine lubali elo ne mpanga ishilume cine lubali.'' ³⁰ Eico Balaki acitile ngafintu Balamu alandile; nao apele ingombe iilume ne mpanga iilume pali cila bulambo.