¹ Abantu ba Israeli balyendele mpakafye baya kupanga inkambi mu malaungu ya Moab mupepi na Jeriko, kwishilya lya mumana wa Jodani ukufuma mu musumba. ² Barak umwana mwaume wakwa Zippa alibwene fyonse ifyo Israeli alilile kubena Amoriti. ³ Moab alyumfwile umwenso nganshi kubantu pantu balifulile, elo Moab alikutinisha abantu baku Israeli. ⁴ Imfumu yaku Moab yalilandile kubakulu baku Midian, ''Aya mabumba yakalya fyonse ifitushingulukile kubati ningombe iikolya icani.'' Nomba Baraki umwana mwaume wakwa Zippa alimfumu ku Moab ilyanshita. ⁵ Alitumine intumi kuli Balaamu umwana mwaume wakwa Beor, ku Petho ukuli nikumulonga wa Euphrati, mumpanga yacifyalilwa cakwe elo kabili mubantu bakwe. Alimwitile elo alandile ati, ''Bona, uluko lulishile ukufuma ku Egiputo. Balifimbile icalo conse apa nomba nine balakukonka. ⁶ Napapata isa ililine untipileko uyu mushobo, pantu balikosele nganshi paline. Pakuti limbi naikoseleshako ukubataasha elo nokubafunisha kunse yacalo. Ndishibile ukuti abo wapala bakaba abakupalwa, abowatipa bakaba abakutipwa.'' ⁷ Elo abakulu babena Moab elo nabakulu babena Midian baile, balipitile namalipilo yakubukisha. Balishile kuli Balaam elo balilandile amashiwi yakwa Baraki. ⁸ Balaam alandile kulibo ati, ''Laleni buno bushiku. Nkamuletela ifyo Yahweh alelanda kuli nebo.'' Elo intungulushi shabena Moab shalikele bulya bushiku na Balaam. ⁹ Lesa alishile kui Balaam elo alandile ati, ''Ngabo abaume abaishile kuli webo?'' ¹⁰ Balaam alyasukile Lesa, ''Baraki umwana mwaume wakwa Zippa, imfumu yaku Moab, alibatumine kuli nebo. Alilandile ati, ¹¹ 'Bona, abantu abafumine ku Egipto balifimbile icalo candifye. Nomba isa elo untipileko aba. Limbi kuti naikoseleshako ukulwisha elo nokubafunisha kunse.''' ¹² Lewa alyasukile Balaam, ''Taufiwile ukuya nabo abaume. Taufwile ukutipa abena Israeli pantu balipalilwe.'' ¹³ Balaam alimine mulucelo elo alandile kuntungulushi shakwa Baraki, ''Kabiyeni bweklelenimo kumpanga yenu pantu Yahweh alikene ukunsuminisha ukuya namwe.'' ¹⁴ Elo intungulushi sha bena Moab shaile elo shalibwekelemo kuli Baraki. Shalandile ati, ''Balaam alikene ukwisa nafwebo.'' ¹⁵ Baraki nakabili alitumine intungulushi ishingi ishakucindama nganshi ukucila pebumba lyatamilepo. ¹⁶ Balishile kuli Balaam elo balandile ati kuliye. ''Baraki mwana Zippo alandile ifi, 'Npapata kwiba nangu cimo icakukulesha ukwisa kuli nebo, ¹⁷ pantu nkakulipila bunebune elo nokukupela umucinshi uukulu, elo nkacita conse ico ukanjeba ukucita. Kanshi napapata isa untipileko ababantu.'' ¹⁸ Balaam alyasukile elo alandile ati kubaume bakwa Baraki, ''Nangufye Baraki engapela icipango cakwe icakwisulamo silfere elo na golide, tekuti ncile amashiwi yakwa Yahweh, Lesa wandi nangu ukucita icinono nangu icikulu ukucila paco anjebele. ¹⁹ Nomba kanshi napapata mpembeleni panopene ubushiku, pakwebati nsambililepo nafimbi ifyo Yahweh alikulanda kuli nebo.'' ²⁰ Lesa alishile kuli Balaam ubushiku elo alandile kulieye ati, ''Apo ababaume balishile kuli webo kukukwita, ima kabuye nabo. Lelo ufwile ukucitafye ico ndekweba. ²¹ Balaam alimine akacelo, alyenseshe kabalwe wakwe, elo alile pamo nentungulushi shabena Moab. ²² Lelo pakwebati alile, Lesa alikalipile. Umungele wakwa Yahweh alimakene munshila ngomunkalwe kuli Balaam , uwalikwensha punda wakwe. nababomfi bakwa Balaam bali nankwe. Punda alibweme umungeli wakwa Yahweh alimakene mumusebo nolupanga muminwe yakwe. ²³ Punda alifumine mumusebo elo aile mumpanga. Balaam alyumine punda ukumubwesesha mumusebo. ²⁴ Eluntu umungeli wakwa Yahweh aimakene mukashila akanono pakati kamyangashi, necibumba kukuboko kwakukulyo kwakwe elo nacimbi icibumba kukuso. ²⁵ Punda alibwene umugeli wakwa Yahweh nakabili. Aliipumine kucibumba waile kupilikisha kulukasa lwakwa Balaam. Balaam alyumine punda nakabili. ²⁶ Umungeli wakwa Lesa alile pantanshi elo alimakene mukashila akanono umutaali ukwakupitila kumbali shonse. ²⁷ Punda alibwene umungeli wakwa Yahweh, elo alikele pesamba lyakwa Balaam. Balaam alifulilwe, elo alyumine punda kunkonto yakwe. ²⁸ Eluntu Yahweh aiswile akanwa kakwa punda pakwebati alande. Alilandile kuli Balaam ati, ''Nindo nacita kuli webo icakulenga undopole imiku itatu iyi?'' ²⁹ Balaam alyasukile punda, ''Nico wacipanga ubupuka kuli nebo. Kanshi nganacikwata ulupanga kuminwe yandi. Ngalubapo, inonshita ngandikwipeye.'' ³⁰ Punda alilandile kuli Balaam ati, '''Bushe nebo nshili punda uo ununapo ukufika nalelo? Bushe nalitalacitapo acakubefi kuli webo?''' Balaam alyasukile ati ''awe.'' ³¹ Eluntu Yahweh aiswile amenso yakwa Balaam, elo alibwene umungeli wakwa Yahweh aliminine mumusebo alifunishe nolupanga muminwe yakwe. Balaam alifukeme panshi elo alikontamike nempumi yakwe panshi. ³² Umungeli wakwa Yahweh alandile kuliye ati, ''Nindo walopwela punda imiku iyi itatu?'' Bona, ndishile ngomunkalwe kuli webo pantu imicitile yobe kuli nebo yaba iyabubi. ³³ Punda alimbwene elo alipilibukile ukufuma kuli nebo iyi imiku itatu. Ngatapilibukile ukufuma kuli nebo, icishinkafye nganali kwipeye elo nomweo wakwe.'' ³⁴ Balaam alilandile kumungeli wakwa Yahweh ati, ''Ndibembukile. Nshaishibile ati walimakene ukuntangilila mumusebo. Kanshi nomna, kanshi noba ngatacile kusekesha, ndebwelelamo.'' ³⁵ Lelo umungeli wakwa Lesa alilandile kuli Balaam ati, ''Kabuye naba abaume. Lelo ufwilefye ukulanda amashiwi ndekweba.'' Elo Balaam alile nentungulushi shakwa Baraki. ³⁶ Uluntu Baraki aumfwile ati Balaam alishile , alifumine ukuya kukumana nankwe mu musumba mu Moab pa Arnon, uwali pa mupaka. ³⁷ Baraki alandile kuli Balaam, ''Bushe nshatumine abaume kukukweba?'' Ninshi ushabwelele kuli nebo? Bushe tekuti nkucindamike?'' ³⁸ Eluntu Balaam ayasukile Baraki, ''Bona, ndishile kuli webo. Bushe nshishibile ati ndikwete amaka ukulanda icili conse kuli webo? kuti nalandafye amashiwi ayo Lewsa ambikile mukanwa.'' ³⁹ Balaam alile pamo na Baraki, elo balifikile pa Kiriath Huzoth. ⁴⁰ Eluntu Baraki alipele ilambo ing'ombe ne mpanga elo alipelepo neminofu kuli Balaam na kuntungulushi ali nasho. ⁴¹ Mukacelo, Baraki alisendele Balaam kuncende iyapamulu iyakwa Baali. Ukutula lulya Balaam alikubonafye akaputulwa kabena Israeli munkambi.