¹ Yahweh alilandile kuli Mose. Alandile ati, ² ''Landa kubantu bakwa Israeli nokupokako inkonto ukufuma kulibo, imoimo kuntungulushi yaluko lwa cikolwe, inkonto ikumi limo nashibili. Lembapo ishina lyamuntu pankonto yakwe. ³ Webo ufwile ukalembe ishina lyakwa Aaron pankonto yakwa Levi. Kuli inkonto imo kuli cilantungulushi ukufuma kumutundu wafikolwe fyobe. ⁴ Webo ufwile ukubika inkonto mwitenti lyakukumaninamo kuntanshi yambokoshi yacipangano, palya nebo tukumana nawebo. ⁵ Cilinokucitwa ukuti inkonto yamuntu uo nasala ikatumba. Nebo nkalenga ukuilishanya ukufuma kubantu bakwa Israeli, uko bena balanda pali webo.'' ⁶ Eico Mose alandile kubantu bakwa Israeli. Intungulushi shonse isha mitundu shalimepele inkonto, imoimo ukufuma kuntungulushi shasalilwe ukufuma kufikolwe. fyamitundu. Nenkonto yakwa Aaron nayo mukati kashiko. ⁷ Eluntu Mose abikile inkonto kucinso cakwa Yahweh mwitenti yambokoshi yacipangano. ⁸ Ubushiku bwakonkelepo Mose alingile mwitenti lyacipangano cafyebo elo, boneni, inkonto yakwa Aaron iyamutudu wakwa Levi yalililema. Yena yalilelema nokutwala ubuluba nefisabo fya alimonde ifyakupya! ⁹ Mose alifumishe inkonto shonse ukufuma pacinso cakwa Yahweh ukutwala kubantu bakwa Israeli bonse, elo cilamuntu alibulilepo inkonto yakwe. ¹⁰ Yahweh alandile kuli Mose ati, ''Bika imbokoshi yambokoshi yacipangano. Cisunge ngecishibilo pabantu abo bacisanguka pakuti webo upwishe ukuilishanya kwabo, ngateifyo bena bali nokufwa.'' ¹¹ Mose alicitile ngefyo Yahweh amukonkomeshe. ¹² Abantu bakwa Israeli balandile kuli Mose elo balandile ati, ''Tulinokufwila kunokwine. Tulinokuloba bonsefye! ¹³ Umuntu onse uwapalamina kwitenti lyakwa Yahweh alinokufwa, tufwile bonse ukuloba.