¹ Ubo bushiku ulukuta lonse lwasanswile ishiwi nokupumamo umusowa. ² Abantu bonse abakwa Israeli balailishanya kuli Mose elo na Aaron. Lonse ulukuta lwlandila kulibo ati, ''Ngacaliweme ukufwila mucalo ca Egypto, nangu muno mwine mumatololo! ³ Cindo ico Yahweh aletutwalila mulici calo ulu lwakufwa kulupanga? Abakashi besu elo nabana besu bakabekata kuli bunkole. Bushe tacingaba bwino ukubwekelamo ku Egyoto?'' ⁴ Balilanda kuli cila umo naumo, ''Natusale intungulushi imbi, elo tubwekelemo ku Egypto.'' ⁵ Eluntu Mose elo na Aaron baponene ubunkupeme pantanshi ya lukuta lonse ulwalongene ulwa bantu bana Israeli ⁶ Yosua umwana mwaume wakwa Nuni elo na Caleb umwana mwaume wakwa Cafeneya, abo abali pali bamo abaile mukulengula icalo, balepwile ifyakufala fyabo. ⁷ Balilandile kulukuta lonse ulwa bantu bakwa Israeli. Balilandile ati, ''Icalo twapitilemo nokucilengula calo icabune. ⁸ Nga Yahweh asansamukilamo muli fwebo ulu, eluntu fwebo bakatutwala mulici calo elo nokutupela fwebo icalo icitonya umukaka nobuci. ⁹ Lelo mwisangukila Yahweh, elo mwibatina ababantu bali mu calo, pantu balifye nomukate kuli fwebo. icakubacingilila cilinokufumishiwapo kulibo, pantu Yahweh ali nafwebo ulu. Twibatina.'' ¹⁰ Eluntu ulukuta lonse lwalandile ati tukabalasa ku mabwe. Lelo ubukata bwakwa Yahweh bwalimoneka petenti lyakukumaninamo ku bantu bonse abakwa Israeli. ¹¹ Yahweh alandile kuli Mose ati, ''Bushe ninshitanshi ababantu bakaleka ukusula nebo? Ninshitanshi bakaleka ukufilwa nebo, tepamulandu wafilangililo fyamaka yandi fintu nacita pakati kabo? ¹² Nebo nkabaletela icinkukuma, nkabafunyamo, elo nokubacita umukowa obe ukuba umushobo uukalamba ikucila ifyobaba.'' ¹³ Mose alandile kuli Yahweh ati, ''Ngawacita ici, eluntu abena Egypto bali nokufwa palifi, pantu wabapuswishe ababantu ukufuma kulibo namaka yobe. ¹⁴ Bakesakulanda ifi kubakesakwikala mulici calo, balikumfwa ukuti webo, Yahweh, alisangwa naba bantu, pantu uboneka icinso necinso. Nekumbi lyobe litalama pa bantu besu. Uya nabena pacinso cabo mucishintililo cekumbi akasuba elo mucishintililo camulilo mubushiku. ¹⁵ Nomba gawaipaya aba bantu ngo muntu umo, eluntu umushobo onse abaumfwa ululumbi lwenu bakesakusosa elo nokulanda ati, ¹⁶ 'Pantu Yahweh tatwele aba bantu mucalo ico alapile ukupela kulibo, abepeye mumatololo.' ¹⁷ Nomba, nebo napapata, ndekulomba bomfya amaka. Ngafintu walandile ati, ¹⁸ ''Yahweh alakokola ukufulwa bwangu elo alikwata icitemwiko icishipwa bwangu. Alabelela uluse namampulu elo nobupulumushi. Takafilwe ukukanda abapulumushi uluntu akaleta ukukanda pafikolwe fyabo pabana babo, inkulo yalenge shitatu elo nenkulo yalenga bune.' ¹⁹ Umfwa napapata kuli iwe, ababantu icibacita lubembu pantu babeleleko uluse ukulingana necipangano cobe icacishinka. Ngafintulyonse ubelela ababantu uluse ukufumafye uluntu bali mucalo camu Egypto ukufika nanomba.'' ²⁰ Yahweh alandile ati, ''Nebo nimbabelelako uluse ngefyo webo wabalombeleko, ²¹ lelo icinefye, empocili nobumi, elo napesonde ponse pakesula ubukata bwandi, ²² bonse ababantu abawene ubukata bwandi elo nefishibilo fyamaka yandi nebo nacitile mu Egyto elo namumatololo--balingesha nebo pamiku ikumi limo elo nokukanabela kwishiwi lyandi. ²³ Eico nalanda ukuti tabakacimone icalo napangile umulapo kufikolwe fyabo. Uyo onsefye palibo uwasuula nebo takacimone iyo, ²⁴ kanofye umubomfi wandi Caleb, pamulandu wakuti alikwata umupashi uwapusanako elo nebo alembela nomutima wakwe onsefye. Nkamuleta kucalo ico aileko, elo nolupwa lyakwe cikaba cikwatwa cabo. ²⁵ (Lelo abena Meleki elo nabena Canaan bakekala mumukonko.) Mailo mukabweluluka elo nokuya mumatololo nokulungatana munshila yalola kuli bemba wakashika. ²⁶ Yahweh alandile kuli Mose elo na Aaron. Alandile ati, ²⁷ ''Bushe ulu likuta lwbipa lukaleka lilali ukuilishanya pali nebo? Nebo ndyumfwile ukuilishanya kwa bantu bakwa Israeli palwa nebo. ²⁸ Alandile kulibo ati, 'Eponcili nobumi; efyasosa Yahweh, ngafintu mulandilwe ngufwile mumatwi yandi, ndinokucita ifi kulimwe: ²⁹ Bonsefye mulinokufwila mumatlolo, bonsefye mwebo mwebailishanya kuli nebo, abapendelwe mukupendwa, impenda yonsefye iyabantu ukufuma pamyaka amakumi yabili elo no kucilapo. ³⁰ Mucishinkafye tamwakengilemo mulici calo nabo nalaile ukumipela ukwikalamo, kanofye Caleb umwana mwaume wakwa Cafeneya elo na Yosua umwanan mwaume wakwa Nuni. ³¹ Lelo kubana bena abo mwalekulanda ati bakepaiwa, Nebo ebo nkafisha mucalo. Balinokuipakisha mulici calo ico mwebo mwasula! ³² Lelo mwebo, mukafwa nefitumbi fyenu fikaba mumatololo. ³³ Abana benu bakaba nibakacema mumatololo pamyaka amakumi yane. Balinokukandwa pamulandu wabucisanguka bwenu mpaka nowakulekeleshako muli mwebo akafwila mumatololo. ³⁴ Ukulingana nenshiku isho mwalengwile icalo, amakumi yane, mwebo muli nokukandwa pabubifi bwenu pamyaka amakumi yane, umwaka umo wakulaba ubushiku bumo, elo mukeshiba bucisanguka ifyo bwaba. ³⁵ Nebo, Yahweh, ndilandile. Nebo mucishinkafye nkacita ici kulukuta lonsefye ulu ulwabipa ulwaikatana pamo mukuilishanya kuli nebo. Balinokupwililika ukuputulwa elo balinokufwila muno mwine.''' ³⁶ Eico abaume Mose atumine ukuyalengula icalo, abo ababwelele nokulenga ulukuta lonse ukuilishanya kuli Mose pakwananya ilyashi libi ukulifisha ku calo--- ³⁷ ababaume abaletele ilyashi libi palwa calo balipuminwe, elo balifwile nakucinkukuma pacinso cakwa Yahweh. ³⁸ Pali ababaume baile mukulengula icalo, abapuswike ni Yosua umwana mwaume wakwa Nuni elo na Caleb umwana mwaume wakwa Cafeneya abali nobumi. ³⁹ Uluntu Mose afishishe ayamashiwi kubantu bonse ababena Israeli, balinecililishi icikulu nganshi. ⁴⁰ Balimine ulucelo celo elo baninine pamulu walupili elo balandile ati, ''Boneni tulipano, elo tuleya kuncende uko Yahweh atulaya, pantu tulibembukile.'' ⁴¹ Lelo Mose alandile ati, ''Cindo nomba tulekanina ukubela Yahweh ifyo atukonkomesha? tamwatwalilile. ⁴² Mwiya, pantu Yahweh tali namwe uwingamicingilila mukucinfiwa kubalwani benu. ⁴³ Abena Meleki elo nabena Canaan ekobali, elo nokufwa kuupanga pantu mwalipondokela Yahweh mwafilwa nokumukonka. Eico takabe namwe.'' ⁴⁴ Lelo balikupatikisha ukuya kucalo campili, nangu cibe ifyo, Mose nembokoshi yacipangano balinayo munkambi. ⁴⁵ Eluntu abena Meleki baishilekwisa , elo nabena Canaan abalikwikala kulishi mpili. Balishilekubasansa abena Israeli elo nokubacimfya bonsefye inshila yonse ukufika naku Horama.