¹ Eluntu Miriam elo na Aaron baishilekulanda pali Mose pamulandu wamwanakashi umwina kushi uo aupile. ² Baishilekulanda ati, ''Bushe Yahweh alandilefye kuli Mose?'' Nomba Yahweh alyumfwile ifyo balekulanda. ³ Nomba umuntu Mose ali uwaicefya, ukuicefya ukucila onse uwapa calo. ⁴ Lulyalwine Yahweh aishilekulanda kuli Mose, Aaron elo na Miriam: ''Iseni kunse, mwebo batatu, kwitenti lyakukumaninamo.'' Eico bonse batatu balifumine nokuya. ⁵ Eluntu Yahweh atentemukile mucakwikatisha ikumbi. Aishilekwiminina pamwinshi kwitenti elo nokwisakukuta Aaron elo na Miriam. Baishile bonse kuntanshi. ⁶ Yahweh aishilekulanda ati, ''Nomba umfweni kumashiwi yandi. Uluntu kasesema wandi ali namwebo, nkesakuisokolola nemwine kuli ye mufimonwa elo nokulanda kuli ye mufiloto. ⁷ Umubomfi wandi Mose taba ngefyo. Wacishinka mung'anda yandi monse. ⁸ Nebo ndanda na Mose, temufimonwa nangu mumilumbe. Alambona ifyo naba. Eico ninshi tamuletinina kukulanda pamubomfi wandi, pali Mose?'' ⁹ Ubukali bwakwa Yahweh bwalipile pali bena, elo eluntu aishilekubasha. ¹⁰ Ikumbi lyaishilekwima ukufuma petenti, elo Miriama aishilekuba nefibashi mukwangufyanya aishilekubuta kwati nimfula yabunga. Uluntu Aaron aishilekupilibukila kuli Miriam, aishilekumona ukwebati ali ne fibashi. ¹¹ Aaron aishilekulanda kuli Mose ati, ''Yangu, shikulu wandi, twapapata mwiikata ulu lubembu pali fwebo. Tululandile kutumpa kutumpa, elo tulibifishe. ¹² Napapata mwimuleka abe nga uwakufwa icipya uyo umubili wakwe onaike citika uuntu cafuma mumala muli Nyina.'' ¹³ Eico Mose aishilekukuta kuli Yahweh. Aishilekulanda ati, ''Napapata muposheni, Lesa, napapata.'' ¹⁴ Yahweh aishilekulanda kuli Mose ati, ''Ngacakwebati wishi alimusakile amate pamenso yakwe, ngakuti asebana panshiku cine lubali. Mwisalile kunse yansakwe panshiku cine lubali. Panuma yaifi umubweshe mukati nakambi.'' ¹⁵ Eico Miriam alisalilwe kunse yansakwe panshiku cine lubali. Abantu tabaendele mpaka ulo abwelele kunsakwe. ¹⁶ Panuma yaifi, abantu baendele ukufuma mu Haserote elo nokuyakwikala mumatololo ya Parani.