¹ Eryo Birudadi umwina Shu ayasukire kabir asosere ati, ² "Ni ku nshita nshi ukasosera ifi fintu? Ni ku nsita nshi amashiwi ya kanwa kobe yakaba ikimwera ikikaramba? ³ Bushe Resa arapiribura umuringanya? Bushe Uwa maka yonse arapiribura uburungami? ⁴ Abana bobe barimubembukire; twarishiba iki, pantu abapere mu maboko ya membu shabo. ⁵ Rero erenganya nga warifwaire Resa mukushika kabiri waribikire ne ripusho ryobe ku Wa maka yonse. ⁶ Nga wariropororwa no kororoka, ninshi kuti aishingurusha umwine parwa webo no kukubwesesha ku nkyende yobe iyabororoke. ⁷ Nangura intendekero yobe yari inono, naryorine ikipope kyakurekeresha kobe kukaba ukukaramba. ⁸ Napapata ipusha inkuro shafumako, kabiri pepeka ,kufyo ifikorwe fyasambirire. ⁹ (Fwebo twafyerwefye mairo kabiri tatwaishiba ikiri kyonse pantu inshiku shesu pa kyaro kimfute.) ¹⁰ Bushe tayakakufunde no kukweba? Bushe tayakarande amashiwi ukufuma mu mitima yabo? ¹¹ Bushe papura kuti yakura ukwabura umutonshi? Bushe amatete kuti yakura ukwabura amenshi? ¹² Iryo yakiri ayakatapa katapa ukwabura ukuputura, fyibonsa ukukira ifimuti fimbi. ¹³ Efyaba inshira sha abo bonse abasura Resa; insubiro rya babura buresa rikapwa. ¹⁴ Ukukoshiwa kwakwe ku kaputurwa pa kati, ne kitetekero kyakwe kyanaka nga tandabubwe. ¹⁵ Ashintirira ku ng'anda, rero tayakamutungirire; araikatirira, rero tayakatarame. ¹⁶ Panshi ya kasuba ari uwakatapa katapa, no tumenwa menwa twakwe tuya ukukumana ibara ryakwe. ¹⁷ Imishira yakwe ipombana umupiri we ribwe; bafwaya inkyende ya bune mu mabwe. ¹⁸ Rero uyu muntu nga aonaurwa ,ukufuma munkyende myakwe, eryo irya nkyende ikamukanya no kusosa ati, 'Nshakubwene.' ¹⁹ Bona, uku "ekusangarara" kwa misango ya uyo muntu; ifimuti fimbi fikamena ukufuma mu mushiri umo wine munkyende yakwe. ²⁰ Bona, Resa takarekereshe umuntu wakaere; kabiri takasungirire nkita tubi. ²¹ Akesusha akanwa kobe ne nseko, imiromo yobe no kubirikisha. ²² Abo bonse abakupata bakafwikwa insoni; ne tenti ryakwa mubembu taryakeminine nakabiri."