¹ Ninaka no mweo wandi; Nkapera ukuituburura ukwa rutu ku kuirishanya kwandi; Nkaranda mu kusashira kwa mweo wandi. ² Nkasosa kuri Resa at, 'Mwinseka sana; Ndangeni ikyo murengesesha. ³ Bushe kya bune kuri mwe ukuti murenkyusha, ukusura imirimo ya maboko yenu iryo muremwentura pa mapange ya babembu? ⁴ Bushe mwakwata amenso ya munofu? Buse mubona ngefyo muntu abona? ⁵ Bushe inshiku shenu shaba nge sha muntunse nangura imyaka yenu yaba nge myaka ya bantu, ⁶ ukuti mureipusha pa mampuru yangi no kufwairisha pa membu shangi, ⁷ nangura mwarishiba ukutira nshiri na murandu kabiri takuri nangu umo uwingamususha ukufuma ku kuboko kwenu? ⁸ Amaboko yenu yarimpopa no kumpanga bwino kwapamo, rero murentoborora. ⁹ Kuteni ku kusakamana, Ndemiromba, ukutira mwarimbumba nge roba; bushe mukambwesesha kwi roba na kabiri? ¹⁰ Bushe tamwampongorora ngo mukaka no ku nsungurura nge fyakunwa? ¹¹ Mwarimfwika ne nkanda no munofu kabiri mwambirinkanya kya pamo na mafupa ne minofu. ¹² Mwarimpera umweo ne kipangano bukishinka; ubwasungo bwenu bwabakirira umupashi wandi. ¹³ Rero ifi fyonse mwarifisa mu mutima wenu- Narishiba ukutira ifi e fyo mwaretontonkanya: ¹⁴ ukwebati nga Naribembukire, nga mwarishibire iki; ngatamwarekere aamampuru yangi. ¹⁵ Nga narikita buntaramisoka, karanda kuri nebo; kabiri nga Narikitire uburungami, Nshingemya umutwe wangi, e po ngiswiremo no buranda- boneni ukukyukyutika kwandi! ¹⁶ Nga kyakwebati umutwe wandi warisumbwirwe, nga mwanshimpirire nge nkaramo; eryo na kabiri nga mwairangire mwebene ne fikitwa fyakupapa ifya maka kuri nebo. ¹⁷ Mureta inte ishipya kuri nebo no kurundapo ubukari bwenu pari nebo; mu ntasha na bashirika ba munofu. ¹⁸ Kinshi, kanshi, mwandetere ukufuma munda? Kanshi nga narekere umweo no kutira nga takwari irinso irya mbwenepo. ¹⁹ Nga nari kwati nsharipo; Ngarisenderwe ukufuma munda ukuya ku manda. ²⁰ Bushe inshiku shandi tashabafye ishinono? Rekeni kanshi, nsheni neka, pakweba ati ntusheko panono ²¹ epo nshiraya uko nshakabwere, ku mpanga ya mfimfi kabiri ku kimfute kya mfwa, ²² impanga iyafita ngo bushiku pakati, impanga ya kimfute kya mfwa, ukushaba inkonka iri yonse, uko urubuto rwaba ngo bushiku pakati."'