¹ Iki kyebo ikyashire kuri Yeremiah ukufuma kuri Yaweh mu mwaka warenga ikumi uwa mfumu Zedekiah imfumu yakwa Yuda, umwaka we kumi na ine konse konse kuri Nebukadenesari. ² Pari irya nshita abashirikare ba mfumu ya ku Babironi bareingira Yerusaremu, na Yeremiah asesema arikakirwe mu rubansa rwa kwa maroda wa mpongoro ya mfumu yakwa Yuda. ³ Zedekiah imfumu yakwa Yuda yarimukakire no ku muposa mukifungo no kuranda ati, "Yaweh asosere fi: Roresha, ndi mupepi no kupera uyu musumba mu kuboko kwa mfumu ya ku Babironi, nao akaupoka. ⁴ Zedekiah imfumu yakwa Yuda takafurumuke mu kuboko kw bena Karidea, pantu kine kine akaposwa mu kuboko kwa mfumu ya ku Babironi. Akanwa kakwe ka kasosa ku kanwa ka mfumu, na menso yakwe yakabona amenso ya mfumu. ⁵ Akatwara Zedekiah ku Babironi, nao akekara kurya nkasue nkamubomberepo-uku ekusosa kwa kwa Yaweh, nangura akarwe na bena Karidea, tawakashuke'?" ⁶ Yeremiah asosere, "Ikyebo kyakwa Resa kyaishire kuri nebo, ukutira ati, ⁷ 'Roresha, Hanama umwana mwaume wakwa Saharumu no korume areisa kuri we no kutira ati, "Shita ibara ryangi iriri mu Anatoti we mwine, panti insambu shabunduburwira shiri kuri webo.""' ⁸ Nomba, ukuringana no mwasosere Yaweh, Hanama, umwana mwaume wakwa yama, aishire kuri nebo mu rubansa rwa kwa maronda no kusosa kuri nebo, "Shita ibara iriri mu Anatoti mu kyaro kya kwa Benjamini, pantu ni webo uri ne nsambu sha bupyani, ne nsambu shabunduburwira shiri kuri webo." Eryo naishibe ukutira ati ikyebo kyakwa Yaweh. ⁹ Awe narishitire bara iriri mu Anatoti kuri Hanama, umwana mwaume wa kwa yama, na nebo namupimine sirufere, amashekere ikumi rimo na yane rubari e kufina. ¹⁰ Eryo nebo narembere mukitabo no kufwatikapo, narikwete na bakambone bakumberako bunte. Eryo napimine sirufere mu kyakupiminako. ¹¹ Ikyakonkerepo nasendere ikipepara kya kushitirapo ikyafwtikwe, umubera amafunde ne fipope, pamofye ne kishafwatikwe. ¹² Napere ibuku iryafwatikwa kuri Baruki umwana mwaume wakwa Neria umwana mwaue Maseiah pantanshi yakwa Hanama, umwana mwaume wakwa yama, na bakambone abarembere mwi buuku iryafwatikwe, na pantanshi ya ba Yuda bonse abaikere mu rubansa rwa kwa maronda. ¹³ Eryo napere ikipope kuri Baruki. Natire, ¹⁴ "Yaweh wa miraro, Resa wakwa Israeri, asose fi: Bura aba bakarata, bonse bakarata aba uwakushitirapo uwafwatikwa eryo no ushafwatikwa aparembwa urwamishitire, eryo ubike mu mutotondo we bumba pa kweba ati bekare inshita itari. ¹⁵ Pantu Yaweh wa miraro Resa wa kwa Israeri, asose fi: Amayanda, amabara, na mabara ya myangashi na kabiri fikarashitwa muri kino kyaro." ¹⁶ Pa numa napere bakarata ba kushitirapo kuri Baruki umwana mwaume wakwa Naria, napepere kuri Yaweh natire, ¹⁷ "Awe, Shikuru Yaweh! Roresheni! Mwebo mwekafye ni mwe mwapanga imyuru na pano kyaro maka yenu yakurisha na ku kuboko kwenu ukwasumburwa. Takuri ikyo muranda ikyakosesha ukukita. ¹⁸ Muranga ikitemwiko ikya muyayaya ku mintapendwa no kwitira amampuru ya kubashipo pa matanda ya bana babo na bakakonkapo. Mwarikurisha kabiri Resa imparume; Yaweh wa miraro e shina ryenu. ¹⁹ Mwarikurisha mu kupanda amano ayatunturu kabiri imparume mu mikitire, pantu amenso yenu yabona imisango ya bantu bonse, ku kupera kira umo umwabera imisango ne mikitire. ²⁰ Mwakitire ifishibiro ne fisungusho mu kyaro kya Egypto. Ukufika na kuri buno bushiku muno muri Israeri na mu bena bantu bonse, mwarenga ishina ryenu ukurumbuka. ²¹ Pantu mwafumishe abantu benu abena Israeri mu kyaro kya Egypto kufishibiro ne fipesha mano, ku kuboko ukwakosa, no kuboko ukwasumburwa, no kutinya ukwakurisha. ²² Eryo mwabapere kino kyaro-ikyo mwarapire ukukipera ku fikorwe fyabo-ikyaro ikiponhorokamo ubuki no mukaka. ²³ Efyo baingiremo no kukikwata. Rero tabaumfwire kwi shiwi ryenu nangura kwikara abakyumfwira ku mafunde yenu. Tabakitire ikintu nangu kmo pafyo mwabebere ukukita, eryo namwene mwaretere ubu ubwafya pari bo. ²⁴ Boneni! Ibumba rya baburwi ryafika na ku musumba ku kupoka. Pakutira pa murandu wa rupanga, ikipowe ne kikuko, umusumba nauperwa mu kuboko kwa bena Karidea abarerwisha oo. Pakutira ati ifyo mwarandire ukukita efirekitira. ²⁵ Eryo mwe, Yaweh, mwarandire kuri nebo, "Shite bara ryobe muri sirufere no kufwaya bakambone ba ku kuberako bunte, nangura musumbo yu ireperwa mu kuboko kwa bena Karidea." ²⁶ Ikyebo kya kwa Yaweh kyaishire kuri Yeremiah, ati, ²⁷ "Roresha! Nebo ndi Yaweh, Resa wa bwina bantu bonse. Bushe kwariba ikyakosa kuri nebo ukukita? ²⁸ Eikyo Yaweh asosere fi, "Roresha, ndo no rwakupera uyu musumba mu kuboko kwa bena Karidea na Nebukadenesari, imfumu ya Babironi. Oo akaupoka. ²⁹ Abena Karidea abarerwa no yu musumba bakesa no kuukoreka no kuokya, pamofye na mayanda pa mitenge yayo abantu bashinshimwinapo Baari no kupongorwerapo irambo rya fyakunwa kuri tu resa tumbi ku kureta ubukari kuri nebo. ³⁰ Pantu abena Israeri na bena Yuda bantu abakita ububi mu menso yangi ukutura ku bwaikye. Abena Israeri baribusha ubukari bwangi ku mirimo ya maboko yabo-ekusosa kwa kwa Yaweh. ³¹ Yaweh asosere ati uyu usumba eubusha ikipyu no bukarti bwangi ukutura ubushiku baukurire. Efyo waba ukufika rero. Eikyo nkausesha ukuutarusha ku kinso kyangi ³² pa murandu wa mampuru ya bena Israeri na bena Yuda, ifintu ifyo bakita ku kunkarifya-boo, imfumu shabo, bakiroro, bashimapepo, bakasesema, na bantufye bonse muri Yuda na bekashi ba mu Yerusaremu. ³³ Barosese numa kuri nebo mukirubo kya kuroshako ifinso fyabo, Nangu natwaririre ukabafuda, takuri nangu umo uwarekutika ku kreka mbarungike. ³⁴ Baimike uturubi twa museru u ng'anda iitirwa mwishina ryangi, ku kuikowesha. ³⁵ Bakurire Baari imisansama mu mupokapoka wa Ban Hnomu ku kupisha abana babo abaume na banakashi mu muriro wa kwa Moreki. Nebo nshabebere. Takwari mukutontonkanya kwangi ukutira Yhuda bakite kya museru iki no kureka Yuda ukubembuka. ³⁶ Eikyo nomba, nebo, Yaweh, Resa wakwa Israeri, nasose ki urwa musumba uyu, umusumba uo mureranda ati, "Nauperwa mu kuboko kwa mfumu ya Babironi ku rupanga, ikipowe, ne kikuko.' ³⁷ Roresha, nebo nkabakoronganya ukubafumya ku kyaro uko nabapashire mukipyu kyangi, ikifukushi, no kukaripisha. Ndebabwesha muri ino inkyende no kubarenga ukwikara umutererwe. ³⁸ Eryo bakaba abantu bangi, na nebo nkaba Resa wabo. ³⁹ Nkabapera umutima umo ne mibere imo ku kunkindika kirabushiku pakutira kikabe bwino kuri bo na bana babo abakakonkapo. ⁴⁰ Eryo nkapanga nabo ikpangano kya muyayaya, ukuti nshakareke ukita ubusuma kuri bo. Nkaibikira umukinshi mu mitima yabo, ukutira pekampiribkira. ⁴¹ Eryo nkanga ukukita ikisuma kuri bo. Nebo nkabarimab mukishinka muri iki kyaro no mutima wangi ,onse no mweo wangi onse. ⁴² Pantu Yaweh arande fi, "Ngefyo naretere ubu bwafya bonse apri aba bantu, efyo nkareta pari bo ubusuma bonse ubo naranda kuri bo ati nkabakitira. ⁴³ Rirya amabara yakashitwa muri kino kyaro, ikyo mureebera ati, "Iki kyaro, ikyaonaurwa, ikishabamo bantu nangura ni nama. Kayariperwa mu kuboko kwa bena Karidea." ⁴⁴ Bakashita amabara muri sirufere no kuremba mu mabuuku yafwatikwa. Bakakoronganya bakambone mu kyaro kya kwa Benjamini, ukushinguruka Yerusaremu ne misumba ya kwa Yuda, mu misumba mu kyaro ka mpiri na munyika, na mu misumba ya negebi. Pantu nkababwesha bunkore-ekusosa kwa kwa Yaweh.