¹ Uluntu lyonse nebo nkofwaya ukuposha Israeli, ububifi bwakwa Efraimu bulaboneka, panofye ne micitile iibi iya bena Samaria, pantu bena bacita ububifi; kabwalala esa no kwingila, elo ne bumba lya fipondo lisansa mu misebo. ² Bena tabatontonkanya mu mitima yabo ukuti nebo ndebukisha yonse imicitile yabo iibi. Nomba imicitile yabo ilibashingulukile bena; bena bali pantanshi ya cinso candi. ³ Ku bubifi bwabo bena balenga imfumu ukutemwa, elo bacilolo ku bubifi bwabo. ⁴ Bonse ba cende, nge citofu icakafiwa nakupanga waiukate uyo uuleka ukusunkila ku mulilo ukufuma epo akashile umufula mpaka wa tutumuka. ⁵ Pa bushiku bwa mfumu yesu bacilolo baipangile ukulwala ku bukali bwa mwangashi. Ena atambalike ukuboko kwakwe kuli abo abalecita imiponto. ⁶ Pantu ne mitima iyaba nge citofu, bena bapanga amapange yabo aya bubifi. Ubukali bwabo bulolosha ubushiku bonse; mu lucelo lupya ngo lubingu lwa mulilo. ⁷ Bena bonse bakaba nge citofu elo bena bapwisha abo ababateka. Shonse imfumu shabo shililwile; tapali nangu umo pali bo uwita pali nebo. ⁸ Efulemu aisankanya umwine pa batu na bantu Efulemu mukate uwakakata uyo uutala bilibulwa. ⁹ Bambi bambi balilya amaka yakwe, lelo ena taishiba ici. Imfwi yasanswa pali ena, lelo ena taishiba ici. ¹⁰ Ifilumba fyakwa Israeli filamushinina; lelo, bena tababwelela kuli Yahawhe Lesa wabo, nangu ukumumfwa, nangu ni muli fyonse ifi. ¹¹ Efulemu aba ngo lukunfo, ubwapumbusa elo ulwabula amano, lukoita ku Egypto, no kulaya ku Assyria. ¹² Uluntu bena baya, nebo nkafungulwila isumbu lyandi pali bo; nebo nkobabwesha panshi nge fyuni fya mulwelele. Nebo nkobilimuna bena mu mukuni wabo capamo. ¹³ Abakalamba kuli bo! Bena balimpondokele nebo! Nebo nganalibalubwile bena, lelo balikulanda ubufi pali nebo. ¹⁴ Bena tabalilile kuli nebo ne mitima yabo yonse, bena baikolonganika capamo pang'anda elo no mwangashi uupya, elo baalukile nebo. ¹⁵ Nangula nebo na basalapwishe no kukosha amaboko yabo, nomba bena bakopinga ububi pali nebo. ¹⁶ Balabwela, lelo tababwelea kuli nebo, ne wapulamo. Bacilolo babo bakawa kulupanga pamulandu wa kutalama kwa lulimi lwabo. Uku kukesa kuba ukusekwa kwabo mu calo ca Egypto.