¹ Efulemu atamfya umwela, bapepeka umwela wa ku kabanga. Alakonkanyapo ukufula ubufi elo ne fyongo. Bapanga icipangano na assyria elo no kusenda amafuta ya miolife ukutwala ku Egypto. ² Yahweh nao ali nokupela Yuda umulandu elo no kukanda Yakobo pafyo acita; akesa kulipila pafyo acita. ³ Mwifumo Yakobo aikete wabo ku katende, elo na mukukula kwakwe alwile na Lesa. ⁴ Alwile na malaika elo no kucimfya. Alililile elo no kupapata ubwafwilisho. Akumenye Lesa pa Betele; palya Lesa alandile na ye. ⁵ Uyu ni Yahweh, Lesa umwine wa fita; ''Yahweh'' eshina lyakwe ilya kumukuta. ⁶ Eico bweleleni kuli Lesa wenu. Sungeni icipangano ca bucishinka elo no mulinganya, elo no kukonkanyapo ukulolela Lesa wenu. ⁷ Abamakwebo bakakwata ifipimo fya bufi mu minwe yabo; batemwa ukucenjesha. ⁸ Efulemu aishile kulanda ati, ''Ndisangukile umukankala; ndisangile ne mwine ifyuma. Mukubomba kwandi tabakasangemo ubupulumushi muli nebo, nangu icili conse icingaba ububi.'' ⁹ ''Ni nebo Yahweh Lesa wenu ukufuma mu clo ca Egypto. Nkamilenga na kabili ukwikala mu matenti, kwati ni munshiku sha kusefya isha sontwa. ¹⁰ Naishile kulanda kuli bakasesema, elo nalibapele ifimonwa ifingi pali mwebo. ku kuboko kwaba kasesema nalipele imilumbe.'' ¹¹ Nga cakweba ati pali ububifi mu Gileadi, icacine abantu pali ifyo bali. Mu giligali bepela ilambo lya ng'ombe iilume; amalambo yabo yakesakuba kwati mipili ya mabwe mu mifolo ya mabala. ¹² Yakabo abutukile ku calo caku Aramu; Israeli alibombele pakweba ati abule umukashi wakwe; elo atekele impanga pakusenda umukashi. ¹³ Yahweh afumishe Israeli ukufuma mu Egypto kuli kasesema, elo kuli kasesema alibasungile. ¹⁴ Efulemu aishle kukalifya Yahweh sana. Eivo Shikulu wakwe akesakusha umulopa wakwe pali ye elo ukabwelela pali ye umusebanya wakwe.