¹ Israeli aba kwati mwangashi uutwalisha ifisabo. Nga ifyo ifisabo fifula, efyo acililako ifibumba fyakwe. ² Umutima wabo tamwaba icishinka; nomba bafwile ukukandilwapo pa bubi bwabo. Yahweh akesa kubabongolola ifibumba fya malambo yonse; akesa konaula ifishintililo fyabo. ³ Pantu eluntu bakesakulanda ati, ''tatwakwata imfumu, pantu tatwaumfwikile Yahweh, elo ne mfumu-cindo engacita kuli fwebo?'' ⁴ Balanda amashiwi ayacisosesose elo no kupanga ifipangano elo no kulapa ifya bufi. Eico umulinganya nga ukoba kwati ni nseku isha budungu mu mpamba sha mupanga. ⁵ Abekashi bamu Samaria bakesakuba no mwenso pa mulandu wa luceshi lwa Beti Aveni. Abantu bakwe baloseshe pali bo, nga ifyacitikile bashimapepo baka lubi abasekelele pali bo elo no bucindami bwabo, lelo tababapo. ⁶ Bakesakupiitwa ku Assyria pakupela umucinshi ku mfumu iya maka. Efulemu akesakusebana, elo na Israeli akalengwa insoni ka lubi kakwe. ⁷ Imfumu ya bena Samaria ikesakonaulwa, kwati kapande ka lukuni pamulu wa menshi. ⁸ Incende sha bubifi isha pamulu shikesakonaulwa. Ulu lubembu lwakwa Israeli! Imyunga elo ne fyoni fikesakumena pamulu wa malambo. Abantu bakesa kulanda ku mpili ati, ''Tufiseko!'' elo na kutupili, ''Ponena pali fwebo!'' ⁹ ''Israeli, walibembuka ukwambafye mu nshiku shakwa Gibea; palya epo mwashala. Bushe inkondo tayakapite abana baume ababubi mu Gibea? ¹⁰ Uluntu nkesakufwaya, nkesakubakanda. Abantu bakesakukolongana pamo pali bo elo nokubabika mufikakile pafilubo fyabo fibili. ¹¹ Efulemu ali ngo musepela wa ng'ombe uwakanshiwa uwatemwa ukunyantaula ing'ano, eico nkesakubika ikoli pali Efulemu; Yuda akalakula; Yakobo nao akakula icela palwakwe. ¹² Byaleni ubulungami pa lwenu, elo no kusombola ifisabo fya cipangano ca bucishinka. Limeni ibala ilipya, pantu ni nshita yakufwaya Yahweh, mpaka akese elo no kulokesha ubulungami pali mwebo. ¹³ Mulilimine ubufi; mu sombwele umucishanya. Mulilile ifisabo fya kufuma mububi bwenu pamulandu wakweba ati mwacetekele mu mapange yenu elo na bashilika benu abengi. ¹⁴ Eico inkondo ikesakwima pa bantu benu, elo na malinga ya misumba yenu yakesakutobololwa. Ikesa kuba kwati ni Shalmani atobolola Beti Arbeli pa bushiku bwa bulwi, uluntu bana cifyashi bafwantawilwe mutupimfya pamo na bana babo. ¹⁵ Eico cikesakucitika na kuli mwebo, Betele, pamulandu wa bubifi bwenu ubukulu. Pabushiku imfumu yakwa Israeli ikesakupululwako onse.''