¹ No mwaume aishibire Efa umwina mwankwe nokufyara Kaino. Aishire kuranda ati, ''Ndifyere umwaume ukupitira mumaka yakwa Yahweh.'' ² Eryo aishire kufyara munyina Aberi. Nomba Aberi aishire kuba kacema, rero Kaino arikurima umushiri. ³ Kyaishire kuba mukuya kwa nshita Kaino aishire kuretapo fimo pafisabo fya mumushiri ukupera umuturo kuri Yahweh. ⁴ Aberi ena, aishire kureta ifya pamaberi yamabumba yafitekwa na mafuta yamo. Yahweh aripokerere Aberi no muturo wakwe, ⁵ rero Kaino no muturo wakwe tapokerere. Kanshi Kaino aishire kufurwa iciibi, ne cinso cakwe cariponene. ⁶ Yahweh aishile kulanda kuli Kaino ati, ''Nindo wafulilwa elo nindo icinso caponena? ⁷ Ngori citire ikyabune, bushe ngataupokererwe? Nomba ngataukitire ikyabune, urubembu rurikubelamine pa mwinshi eryo rukofwaya ukurekutungurura, nomba ufwire warukimfya. ⁸ Kaino aishire kuranda kuri Aberi munyina. Iryo bari mumpanga, Kaino aishire kwimina Aberi munyina eryo mwipaire. ⁹ Eryo Yahweh aishire kuranda kuri Kaino ati, Aberi munonko arikwisa?'' Aishire kuranda ati, ''Nteshibire. Bushe ninebo maronda wakwa wesu?'' ¹⁰ Yahweh aishrle kuranda ati, ''Findo wakita? Umuropa wakwa wenu ukokuta kurine ukufuma mumushiri. ¹¹ Kanshi watipwa webo ukufuma kumushiri. Uwacenamuna akanwa kauko ukupokerera umuropa wakwa wenu ukufuma ku minwe yobe. ¹² Iryo warima umushiri, ukuturafye iririne na kuntanshi tafyaka tware sana namaka. Ukarapitanafye eryo ukarekusabantafye pa caro.'' ¹³ Kaino aishire kuranda kuri Yahweh ati, ''Ukukandwa kwandi kwacira tekuti nkumemo. ¹⁴ Ikine, murintamfishe rero ukufuma pamushiri, eryo nkarekufisama kucinso cenu. Nkaba kapitana eryo kasabanta mukyalo, eryo onse uwinga nsanga akanjipaya.'' ¹⁵ Yahweh aishire kuranda kuri ye ati, ''Uuri onse uwaipaya Kaino, akomwa ukufika kumiku cine rubari. ''Eryo Yahweh aishire kubika ikyakwishibirako pari Kaino, ukweba ati onse umuntu uwamusanga, emusansa. ¹⁶ Eikyo Kaino aishite kufuma pacinso cakwa Yahweh aite kwikata mumpanga yaku Nod, kukabanga ka Edeni. ¹⁷ Kaino aishite kwishiba umukashi wakwe eryo aishire kwimita. Aishire kufyara Enoki. Aishire kukura no musumba aishire kuwinika neshina rya mwana wakwe Enoki. ¹⁸ Kuri Enoki kwaishire kufyalwa Irad. Irad aishire kuba wishi wakwa Mehujaeri. Mehujaeri aishire kuba wishi wakwa Methushael. Methushael aishire kuba wishi wakwa Lameki. ¹⁹ Lameki aryupire abakashi babiri. Ishina ryaumo ryari ni Ada nerya mubiye ryari ni Zillah. ²⁰ Ada aishire kufyara Jabal. ari ni wishi wa abo abari kwikara muma tenti abakwete amabumba yafitekwa. ²¹ Ishina ryakwa munyina ryari ni Jubal. ari ni wishi wa abo abarisha ifirimba ne ngoma. ²² Eryo Zillah, aishire kufyara Tubal-Kaino, umukulu waba kafura bamukuba ne fyera. Nankashi yakwa Tubal-Kaino ari ni Naamah. ²³ Rameki aishire kuranda ati kubakashi bakwe, ''Ada eryo na Zillah, umfweni kwishiwi ryandi; mwebakashi bakwa Rameki, Umfweni ifyo nkoranda. Pantu ndipeye umuntu pamurandu wakuti ari nkenene, mulumendo njipeye pantu aringumine. ²⁴ Uwaipaya Kaino nga akomwa imiku kine rubari, Ninshi Rameki uwamwipaya akomwa amakumi kine rubari na kine rubari. ²⁵ Adam aishire kwishiba umukashi wakwe nakabiri, eryo aishire kufyara naumbi umwana mwaume. Aishire kumwinika ishina ati Seti eryo aishire kuranda ati, ''Resa arimpereremo umbi umwana umwaume pari Aberi, pantu Kaino ari mwipeye.'' ²⁶ No mwana umwaume aishire kufyarwa kuri Seti eryo aishire kumwinika aishina ati Enosh. Pari irya nshita abantu baritampire ukurekwita pe shina ryakwa Yahweh.