¹ Resa warandire kuri yakobo, ''Ima, kabiye ku betere, ero wikare kurya. Ukure uburambo kurya kuri Resa, uwa bonekere kurya kuri mwebo iryo mwebo mwabutukire ukufuma kuri Esau munyina obe.'' ² Eryo yakobo arandire kuba ng'anda yakwe na kuri bonse abo abari naye, ''Funga tu resa twabena fyaro ukuri mukati kenu, isangurureni mwebener, ero piribureni ifyakufwara fyenu. ³ Eryo rekeni fwebo twime no kuninika ku Betere. Uwangasukire nebo mubushiku bwa mafya yandi, ero areba nanebo konse uko nkori kuya. ⁴ Eikyo bapere kuri yakobo tonse tu resa twabena fyaro uto utwari muminwi yabo, ero namashikiyo ayo ayari ku matwi yabo. Yakobo afishikire fyonse munshi ya kimuti kya Oaki ikyari mupepi na Shekemu. ⁵ Uro barikuya, Resa apangire ikyakutinya ukupona pamisumba iya ba shingulukire bena, ero abo bantu taba supire abana baume bakwa Yakobo. ⁶ Eikyo fikire ku Lusi (betere), uwari mukyaro kyaku kenani, ena nabantu bonse abari naye. Ena akurire uburambo kurya nokwinika inkende i yari Betere. ⁷ Pantu eko Resa asokorwere umwine kuri ye, uro ena afurumukire ukufuma kuri munina wakwe. ⁸ Debora, uwarikurera, Rebeka, warifwire. Ena bamushikire ukutentemuka ukufuma ku Betere munshi yakimuti kya Oaki, ikyo kyareitwa Alon Bakuti. ⁹ Uro Yakobo afumine ku Padani Aramu, Resa abonekere kuri ye, ''Nakabiri ero amuparire. ¹⁰ Resa warandire kuri ye, ''Ishina ryobe niwebo yakobo, rero nomba tabakura kukuta Yakobo. Ishina ryobe rikaba ni Israeri.'' Eikyo Resa wakutire ishina rya Israeri. ¹¹ Resa warandire kuri ye, ''Ninebo Resa wamaka yonse. Ba uwakufyara nokufura. Umutundu ero ne bumba ryamitundu fikafumana kuri webo, ero neshamfumu shikaba mukati karupwa robe. ¹² Ne kyaro ikyo nebo napere kuri Abramu ero na Isaki, nebo nkapera kuri webo kurupwa robe panuma yobe kabiri ukupera na kyaro.'' ¹³ Ero Resa afumapo, asha Yakobo pa nkende ine iyo arandire na nkwe. ¹⁴ Yakobo abikire ikibumbiri murya munkende umo Resa warandire kuri ye, ikibumbiri kyeribwe. Ena waitirepo ne kyakunwa umusanguro parya pene ero no kwitira po amafuta. ¹⁵ Yakobo waitire ne nkende ishina rya Betere pantu Resa arirandire na ye, Betere. ¹⁶ Bena baendere ukufuma ku Betere. Iryo bakirine mirandu ukufuma ku Efrata, Rakere warikyurire nefumo. Ene wakwete ukukyura sana. ¹⁷ Iryo ena wari mukukyura sana kwifumo. Nakibusa wakwe warandire kuri ye, ''Wiba no mwenso, pantu nomba webo warakwata na umbi umwana umwaume.'' ¹⁸ Iryo wari mukufwa, pa kipemo kyapakufwa kwakwe ena wainike Benoni, rero wishi wakwe Benjamini . ¹⁹ Rakere warifwire ero washikirwe panshira yaku Efrata (ena betelehemu ). ²⁰ Yakobo abikire ikibumbiri panshishi yakwe. Iki kishibiro kyapa manda yakwa Rakere ukufika na rero. ²¹ Israeri waire ero wabikire itenti ryakwe pantashi ya rupungu rwa Froki. ²² Iryo israeri waikere muri kirya ikyaro Rubeni warere na Bihah kanakashi wa kwa wishi, ero Israeri waumfwire ifi. Nomba yakobo akwate abana ikumi rimo na babiri ikumi rimo na babiri. ²³ Abana abume bakwe kuri Reya bari Rubeni , Yakobo iberi ryakwe, ero Simeone Rebi, Yudah, Isaka, na Seburoni. ²⁴ Abana baume ba kwa Rakere bari,Yosefe na Bejamini. ²⁵ Abana baume ba kwa Bilha, umubomfi mwanakashi wakwa Rakere, bari Dina na Nafutari. ²⁶ Abana abaume bakwa Silpa, umubofi mwanakashi wa kwa Reya, bari Gadi na Asha. Aba bonse bari bana baume ba kwa Yakobo abo afyere kuri ye mu Padani Aramu. ²⁷ Yakobo waishire kuri Isaki, wishi wa kwe mu Mare mu kirit Arba (kimo na Hebrone ), uko Abramu ero na Isaki bari kwikara. ²⁸ Isaki aikere umwanda umo na makumi kine konse konse. ²⁹ Isaki wapemene ikipemo ikyakurekeresha ero afwire. Akoronganikirwe kufikorwe fyakwe, umukote umwaume uwa nshiku shingi. Esau na Yakobo, abana baume bakwe, bari mushikire ye.