¹ Ku kintu kyonse kwaribe nshita iyaringwa, ne nshita ku kintu kyonse mwisamba rya muru. ² Kwaribe nshita yakufyarwa ne kufwa, inshita ya kubyara ne nshita ya kurimbura, ³ inshita ya kwipaya ne nshita ya kuposa, inshita ya kutoborora ne nshita ya kukura. ⁴ Kwaribe nshihta ya kurira ne nshita ya kuseka, inshita ya kurosha ne nshita ya kuseka, ⁵ inshita ya ya kuposa amabwe ne nshita ya kukoronganika, inshita ya kusakamana ne nshita ishiri ya kusakamana. ⁶ Kwaba inshita yakufwaya ifintu neishiri yakufwaya, inshita yakusanga ifintu ne nshita ya kusaranganya. ⁷ inshita yakugrepura ne nshita ya kubiranya ikyakufwara, inshita yakuba tondoro ne nshita yakuranda. ⁸ Kwaba zne nshita ya kutemwa ne nshita ya kupata, inshita ya burwi ne nshita ya mutende. ⁹ Kabiri kyakunonsha nshi ikyo ubomba mukukyukhyutika kwakwe? ¹⁰ Kabiri naribona umurimo onse uyo Resa apera ku bana ba bantu ku kuikita. ¹¹ Akitire kyonse kine ikyayemba mu menso munshita yaiko. Abika na mu mitima yabo umuyayaya. Rero umuntunse teti omfwikishe umurimo wakwe Resa uyo akita, ukufuma mu kutendeka no kuya ku mpera. ¹² Narishiba ukuti takwaba kyawama ku muntunse ukukira pakusekerera no kukite kisuma mubwikashi bwakwe bonse- ¹³ no kuti onse arye no kunwa, no kuti engasanga ukusamwa mukyo akyukyutikira. Iki ekyabupe kyakwa Resa ku muntunse. ¹⁴ Naishiba no kuti kyonse ikyo Resa akita kirekaririra. Takuri kyakurundapo nangura kufumyapo, pantu Resa ewakitire pakuti umuntu akindike Resa. ¹⁵ Kabiri kyonse ikyabapo ekokyari; na kyonse ikikesabapo epo kiri na nomba. Na Resa areka abantunse ukurafwaya ifyafiswa. ¹⁶ Naribona no bubifi ubwaba mwisamba rya kasuba, umuringire ukusangwa umuringanya, na mwipunda rya burungami, pari bubifi. ¹⁷ Natire mu mutima wandi, Resa akapingura abarungama babifi panshita iyayana ku murandu onse na pa murimo onse uyo akita. ¹⁸ Natire mu mutima wandi, "Resa esha abana ba bantu ukubarango kuti babafye nge nama. ¹⁹ Pantu ikyaba pa bana ba bantu e kyaba na pama. No kufwa kwakimo e kufwa kwa kinankwe. No mupu wa parifyonse fine umo wine. Umuntu takira nama. Fyonse fine mupu. ²⁰ Fyonse fibiri fya kumo kwine. Kyonse kine kyafumine kurukungu, kabiri kibwererera kurukungu. ²¹ Ninani waishiba narimo umupashi wa muntu uya ku muru no mupashi wa nama uya panshi? ²² Kabiri nabwene ukuti takuri ikyawama ku muntu ukukira pa kusamwa mu murimo wakwe, pantu iki e kyakaniko kyakwe. Nani wingamubwesha ku kubona ikyakitwa pa numa yakwe?