¹ Aya e mashiwi yakwa Kafundisha, mwana Dabidi imfumu ya mu Yerusaremu. ² "Mupu wa mipu! efyasosa Kafundisha. "Mupu wa mipu! Kyonse kine mipu!" ³ Kyakunonsha nshi ku muntu mu mirimo yonse iyo akita mwisamba rya kasuba? ⁴ Inkuro imo ireya, nkuro ibiye kireisa, rero isonde ryaiminina umuyayaya. ⁵ Akasuba karatura , kabiri karawa no kuya uko katurira. ⁶ Umwera ukurira ku kaplinda ka kukuryo kabiri ushingurukira ku kapinda ka kukuso, ryonse uya urashinguruka shinguruka kabiri urabwerera kuno kwine. ⁷ Imironga yonse iya kuri ba bemba, rero imimana taisura. Uko imironga iya, eko ibwekeshapo ukuraya. ⁸ Ifintu fyonse fyaba ifyo fyaba, kabiri uwingafirondorora. Amenso mtayekuta kufyo yabona, na matwi nayo kufyo yomfwa. ⁹ Kyonse ikyariko e kikabako, na kyonse ikyakitwapo e kikakitwa. Tamuri kipya mwisamba rya kasuba. ¹⁰ Bushe kuri kintu ikyo abantu batira, 'Boneni, ikipya'? Kyonse ikyabapo kyaripo na kunshita shakare, kunshita shakunuma iryo taturabako. ¹¹ Takuri kyakwibukisha ku bantu ba munshita ya kukare, na kufintu ifyakitwa ku numa kufirekitwa ku ntashi tafyakebukishiwe nakarya." ¹² Ninebo Kafundisha, naba imfumu pari Israeri mu Yerusaremu. ¹³ Nabikire amano yandi ku kwishiba no kufwaya amano kuri kyonse kikitwa mwisamba rya muru. E murimo wakosa uyo Resa apera kubana ba bantu. ¹⁴ Naribona kyonse kikitwa mwisamba rya kasuba, no kubona, kyonse kine mupu kabiri kupepeko mwera. ¹⁵ Ikyapondama tekuti kyororwe! Nekmyaburira tekuti kipendwe! ¹⁶ Nasosere na ku mutima wandi, ati, "Boneni, Nafwaya amano yakuti nabatangirire takuri uwafikikako mu ba Yerusaremu. Amano yandi yabona amano ayengi no mukyetekanya." ¹⁷ Kabiri nabikirepo umutima wandi mukwishiba amano no kusunga ukuti bushiru no kutumpa. Neki nakyo nasangire ukuti kupepeko mwera. ¹⁸ Namukufura kwa mano e mukufura kwa kubifishiwa, na ufusha ukwishaba afusha uburanda.