¹ Israeli, wiskelela, ne congwe nga bantu bambi pantu tamwaba ne cine, ukwalukila Lesa wenu. Mwalitemwa ukupela icilambu ico cilende walingilwa pafipimino fyonse ifya ngano. ² Lelo ifipimino fya ngano napakukamina umwangashi tafyakabalishe; umwangashi upya ukabafilwa. ³ Tabakakonkanyepo ukwikala mu ncende yakwa Yahweh, lelo Efraimu akabwelela ku Egypto, kabili ubushiku bumo bakalya ifyakulya ifitasanguluka mu Assyria. ⁴ Tabakapongolole umutulo wa mwangashi kuli Yahweh, nelyo ukuba icisekesho kuli ye. Amalambo yabo yakaba nge fyakulya fya uulosha kuli bo: Onse uwalya cikaba bonaushi. Pantu fyakulya fyabo fikaba fye fyabo beka; tafyakese mu nganda yakwa Yahweh. ⁵ Findo ukacita pa bushiku bwa sontwa ubwa mutebeto, pa bushuku bwa mutebeoto wakwa Yahweh? ⁶ Pantu, moneni, umfwa balifyukile ukufuma ku bonaushi, Egypto ukabakolonganya, kabili na Memphis ukaba shika. Nga fintu fyabo ifya kuwama ifya silfere- fikasapilwa, na pa matenti yabo pakamena ifyani ne myunga. ⁷ Ishiku shakusalapulwa naifika; inshita yakulinganya pafyo bacita naifika. Eco mwebena Israeli mukeshiba, imwe mumona kasesema icipuba mumona nokuti umuntu uwakwata umupashi lishilufye. ⁸ Kasesema e malonda wa bena Eflemu, abantu bakwa Lesa wandi. Nomba konsefye eko apitila, balemiteya iciteyo muno mwine mu nganda yakwa Lesa. ⁹ Abantu balifye cimbi cimbi ku bubi babafye nga filya cali mu nshiku sha ba mu Gibea. Lesa akebukisha ifyabupulumushi fyabo, no kubakandila pa fyabubifi fyabo. ¹⁰ Yahweh walande fi, ''Elyo nafwaile Israeli cali kwati nasangile apali imyangashi mu matololo. Cali kwati namona ifitwalo fyatanshi ku mukunyu, nafwaile ba wishinwe. Eico ilyo bafikile kuli Baali Peor, bena balitampile ukulapepa utulubi. Bwangu bwangu babipabipafye ngo tulubi twine uto batemwa. ¹¹ Ukucindama kwakwa Eflemu kukapupuka nge cuni icapupuka no kuya. Tabakalefyala, kabili tabakaleimita. ¹² Eico nangu balafyalapo abana, nshakaleshapo nangu umo. Eco ne nkabafutatila bo. ¹³ Abana bakwa Efulemu, ifyo mwene baletwalwa mukunsantaulwa, Efulemu euli nokusenda abana bakwe abaume mukayabepaya.'' ¹⁴ Ubapela we, Yahweh- nomba ni finshi walabapeela? Ubapeelefye amafumo ayashifyala, na mabele ayauma ayashonsha. ¹⁵ ''Ububi bonse ubwatampile ku Giligali, eko na ine natampile ukubapata. nshakamitemwe nakabili iyoo, intungulushi shabo shonse shalinsangukila. ¹⁶ Abena Efulemu bali ngo muti uwalokota uo imishila yauko yumine, uulefilwa no kulatwala ifitwalo. Nga cakuti balafyala abana, ine abo bana batemwisha nkalabepaya.'' ¹⁷ Lesa uo mombela akatamfya abantu bakwe, pantu bena balikana ukulamumfwa. Bakalalulumbafye mu mishobo ya benafyalo.