¹ ''Bika intandala pamilomo yobe! Pantu kapumpe akoisa mu nganda yakwa Yahweh pamulandu abantu balitobawile icipangano candi kabili nabatalama nokukanamafunde yandi. ³ Balilila kuli ne, 'Mwe Lesa, tulimwishibe mfwebene Israeli.' ² Lelo Israeli alisulile icabune, kabili umulwani akomusoka wo. ⁴ Bo baicitile ishamfumu, lelo twcakuli ne. Baicitila bana banakashi bamfumu, lelo ukwabula kwishiba kwandi. Kuli silfere na golide wabo waicitilako utulubi abene beka, lelo pamulandu wa ici kumaka yabo cikaputulwa.'' ⁵ ''Icipoti cobe ica ngombe ndicisulule, Samaria. Ubukali bwandi bukopya ukwimina aba bantu. Panshitanshi mukaba abakaele mufya bulamano? ⁶ Pantu ici cilubi caisa ukufuma kuli Israeli; umuntu wamulimo ewacipangile; cena te Lesa! ⁷ Pantu abantu babyala umwela kabili bakasombola cimpunta ca mwela. Ingano shiliminine ishabula imitwe; tashikofunya ubuluba. Bambi bambi ebengasombola. ⁸ Israeli wamunwa; nomba bo balebepa pamo nenko kwati cinangwa ca mwipiko. ⁹ Pantu bo banina ku Assyria kwati ni mpunda yampanga iyakuba yeka. Efraimu walembele cilambu kuli bacibusa. ¹⁰ Nangufye bo benga kwata kufise citemwiko munko, nebo nkabalonganika pamo. Bakamba ukunaka pamulandu wakubulwa cilyo mu nshila pamulandu wacisendo camfumu yabana banakashi bamfumu. ¹¹ Pantu Efraimu wa mfusha ifipailo kulubembu lwa mutulo, lelo fyaisa kuba fipailo fyakuipailako kulubembu lobe. ¹² Nebo nga namulembela amafunde yandi kuli bo amakana ikumi imiku, lelo ngayaba ceni kuli bo. ¹³ Ifya malambo wamutulo wandi, bo bepaya inama kabili nokulya, lelo nebo, Yahweh, shibapokelela bo. Nomba kotontonkanya pamjlandu wamampulu yabo kabili nokubapanikilapo pa membu shabo bakapilibukila ku Egypto. ¹⁴ Israeli walilaba ne, ne wamubumbile, kabili wakula ifipango. Yuda nafusha imisumba, lelo kotumo mulilo pamulu waishi imisumba; nokonaula amakule yakankala.