¹ Ulo nafwaya ukuposha Israeli, amampulu yakwa Efraimu yafisamuka, pamofye ne micitile yabunkalwe yamu Samaria pantu ubufi ebo bacita; kabolala aingilamo, ifindo ifi fisamina fyasansa panse. ² Mu mitima yabo tabatontonkanya ukuti nebo ndebukisha imicitile yabo yonse iyabunkalwe. Nomba imicitile yabo ilibashingulukile; ili ku cinso candi. ³ Kufya bunkalwe fyabo balenga imfumu ukwanga, na kubufi bwabo balenga bacilolo ukwanga. ⁴ Bonsefye bacende, nge citofu icakafiwa na kapanga wa mikate, uwaleka ukusunkila pa mulilo ukufuamafye pakukasawila umufuba mpaka watutumuka. ⁵ Pa bushiku bwa mfumu yesu bacilolo baipango kulwala abene beka pamulandu wa cikabilila ca mwangashi. Yafisha kuboko kwaiko pabali kuipumya. ⁶ Pantu baba nemitima yapala icitofu, bakafya amapange yabo ayakowela, ubukali bwabo bwaikalilila ubushiku bonse; mu lucelo bwabilimuka ngo lubingu lwa mulilo. ⁷ Bonse bakaba nge citofu, kabili bakowesha abo ababateka. Imfumu shabo shonse shiliwile; pali bo tapali nangula umo uukokuta. ⁸ Efraimu aisakanya umwine eka mu bantu nabantu. Efraimu mukate wakupapatala uushipilibwilwe. ⁹ Ba mwisa bakowesha ubulamba bwakwe, lelo o teshibile ici cintu. Imfwi sha mumena, lelo o teshibe ici cintu. ¹⁰ Icilumba cakwa Israeli camushinina; onalyo line, tababwela kuli Yahweh Lesa wabo, nangu ku mufwaya, pali ici conse. ¹¹ Efraimu aba kwati ni nkunda, iya kutumpa kabili iyabula amano, bakokuta kuli Egypti, no kupupukila ku Assyria. ¹² Nga baya, Nkafungulwila isumbu lyandi pali b;Nkabaleta panshi nge fyoni fya mulwelele. Nkabasalapula mulukuta pamo pene. ¹³ We bulanda kuli bo! Pantu balifulumuka ukufuma kuli ne. Ukupokwa ifyo bakwata ku koisa pali bo! Balinsangukila! Ne nali no kubalubula, lelo bo balikusosa ifya bufi pali nebo. ¹⁴ Bo tabalilile kuli ne mitima yabo yonse, lelo balikulilila misowa pa masanshi yabo. Balongene pamo pa mulandu wa nganusha bo no mwangashi upya, kabili balyalukile ukufuma kuli ne. ¹⁵ Eico nali basalapwile no kukosha amaboko yabo, bena nomba bakopangafye amapange yabunkalwe pali nebo. ¹⁶ Balibwelele, lelo tababwelele kuli ne, ne wapulamo. Bali kwati buta ubwaku nenuka. Ba cilolo babo bakawa ku lupanga pa mulandu wa kuponta ku ndimi shabo. Ifi fikaba ifya kubapumya mu calo ca Egypti.